لا منك مدحت سنافيٍ ماعليك احراج ,, ومادامك تشوف الجدي ماتجهل اليمه
 

السلام عليكم ورحمة الله وبركاته.
بعد طول الغياب.
اخواني اعضاء شبكة المرقاب.
اسعد الله مساكم جميع بكل خير.

هاذي القصيده لبوي جعل عمره طويل.
في سيدي صاحب السمو الملكي سلطان بن عبد العزيز. حفظه الله.
وحبيت اشارك بها عسئ ان تحوز على اعجاب الجميع.


لا منك مدحت سنافيٍ ماعليك احراج ,, ومادامك تشوف الجدي ماتجهل اليمه
ولامنه حداك القيض آورد على هداج ,, على عيلمٍ من ورده شرب من الجمه
آبوخالد اللي فزعته تنفع المحتاج ,, يجيك السنع لاصدر العلم من يمه
يجيك الفرج من قبل نور السفر ينباج ,, من اول شبابه يجري الطيب في دمه
على باب بيته كن ضول العرب حجاج ,, وعليه القبايل من شفا نجد ملتمه
الى من نخاه اللي تجيه الهموم افواج ,, الى جا بضف الفيصلي ينجلي همه
يداوي الكبود اللي وجعها بدون اعلاج ,, ولا يظلم الطيب ولايقبل النمه
وانا اعد به ماشفت والصدق ماينعاج ,, ولا اشوف له ندٍ معا لابس العمه
على اهل الوفاء والطيب فـوه ولبس التاج ,, اشوف العرب في الارض وراه في القمه
وراى الخير واجد بس ماللحقود اعلاج ,, يقولون شيخة عبد لاشيخه عمه
يامكثر الاسامي مثل طيرٍ يجيك انتاج ,, لاجالك ولد سمه على الفيصلي سمه
سلطان السخا رجل المواقف وسمح احجاج ,, زعيمٍ وكفو المدح في ذمتي ذمه

حمد بن عديمه

صح لسان الشايب
ويستاهل ابوخالد
ولاهنت

صح لسان الوالد يا حمد والله يعطية طولة العمر

ويستاهل ابو خالد الله يحفظه

لا هنت يا حمد

,

أطال الله في عمر والدك ياحمد ..

وصح لسانك ولسانه

,

حمد بن عديمه

الله يطول في عمر الشايب على طاعته

الله يطول في عمر ابوك ويخلي لنا ولي العهد

وصح لسانه مليار ولاهنت

صح ابدنك

ولاهنت

صح لسان الشايب ولاهنت يا حمد

حمد


لا هنت وصح لسان الوالد .. وابو خالد يستاهل كل خير


تحياتي



..


.

صح لسان الوالد

ولاهنت على النقل ياحمد

تحيي واحترامي

اخوك