إبـن عـــــــون
 

سلامُ عليكم ,


من أفضل ماسمعت وقريت لشاعر الوصف , الشاعر الكبير .,




عبدالله بن نايف بن عون




يقول وعماركم تطول :)










[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا كان من ليلة على أرضك تساويت=عيّا وفاقك لا يلايم وفاقي
لو كان فالضيفان ما قد ترديت=وجوّك متيع و تعتني بالطراقي
من يوم طبيتك و أنا ما أسفهليت=لعلّ ما يبقى لأهاليك باقي
حاولت أوسع خاطري فيك و أزريت=بيني و بين أطباع أهلك انشقاقي
واليوم غاية رغبتي لو تمنيت=فرقاك و أنته ما تبى إلا فراقي
واللي على بعده من البعد حنيت=وينتابني عقب الحنين اشتياقي
نجد وهواه و شوف هاك السباريت=اللي لها في وسط قلبي رواقي
ومنادمة روس الرجال النعاتيت=كل أبلجٍ له فالطويلة مراقي
ولا أحدٍ يواخذني ليا قلت هاويت=وضح ٍ تفرق ما اجتمع من ضياقي
وضح ٍ ليا منّي من المدن مليت=معها انشراحة خاطري وانطلاقي
أما ليا سندت و ألا ليا انحيت=مع درب براق ٍ سراله شعاقي
برق ٍ سرى يوضي كما يوضي الليت=بعروض نوٍ ساق مزنه وساقي
وتعرضه من رايح الشرق تثبيت=يثني على الريّض أرقاب السباقي
ليا شفت براقه على سيله أرهيت=بيضٍ مراهيشه مطرها حقاقي
تذبح لها حي ٍ و تحيي لها ميت=وتصبح به الوديان مثل السواقي
وأما تحاسنت العساسه و عسيت=ومشيت مع سيله و نبته دقاقي
وألا على دربه ليا أصبحت شدّيت=وخليتها تاطى الحثم و الرقاقي
وضح ٍ ليا احتست و شافتني أنويت=قامت تسوق أنفوسها ما تساقي
تنجال مثل الصيد لا صحت وأوميت=وألا ليا طق اللبيد العراقي
يجيك ممشاها تبارى تفاخيت=مافي بعضها عن بعضها انفهاقي
ولو حال من دون المعشى مراريت=ترهي عليه معربات العماقي
من ساس وضح ٍ فالجزيره لها صيت=على مخاذعها تلوح الحلاقي
وليا تثنت في نبات السواريت=في خايع ٍ لأرقاب نبته زراقي
غادٍ بوسطه لأم سالم زغاريت=وفيه الزبيدي مثل بيض الطواقي
ثم جيت فأولها وللنار شبيت=وقضب عراقيب الدلال الشلاقي
ما اغبطك ياللي فالحضاره تلّويت=يا موالف الجدران ويش أنت لاقي؟؟
لو كان فالحصن الحصين استكنيت=وتقول أنا مرتاح مانيب شاقي
كانك على هالأنطواى استمريت=وسوّيت مع بث القناة اتفاقي
أما من السكر شبعت و تروّيت=وألا بصرك أوشك على الاحتراقي
سج النفس واضرب دروب الخراريت=لو ما تذوق مع الخلا ما يذاقي
ما ينطوي في غرفة ٍ فأخر البيت=غير الذي راسه يبيله عراقي .![/poem]

يا سلام على الذائقه يابو محمّد

فعلاً قصيده غير وشاعر غير الله يعطيه طولة العمر

لا هنت يا فهيد

المتميز ما يجيب الا المميز يا بن عصيدان

صح لسان بن عون ولا هنت

ابن عون شاعر كبير ، ومصلّطه الله على انتقاء المفردات كما ينتقى أطايب التمر :)



أشكر حسن اختيارك يابن عصيدان ، وبارك الله فيك ..



سلام’ عليكم

ابن عصيدان



لاهنت عالنقل الممتع !!

لاهنت على النقل الرائع


وصح لسان ابونايف

وعليكم السلام ورحمة الله وبركاته
هلا اخوي فهيد
الف شكر لك على الاختيار الرائع

عز الله ذهب مصبوب


ابو نايف شاعر علم ومدرسة اكاديميه مستقلة


ما ينطوي في غرفة ٍ فأخـر البيـت
غير الذي راسـه يبيلـه عراقـي .!


عز الله ما كذب


صح لسانه والله يطول عمره بالصحه على طاعته

لاهنت يا بو ذوق فوق ،،

..

صح لسان ابن عون


ولاهنت علي نقلها

صح لسانه .. شاعر علم .. ومثل ماقال ابو عتيق .. يضع اللفظ في محلة المناسب جدا
..
..
لاهنت يافهيد على النقل .. الرائع .

ياسلام الله عليك يابن عصيدان



ذاااائقه عااااااااااااااليه


اطال الله في عمر ابو نايف شاعر علم :)

صح لسان ابن عون



والف شكر على مانقلت يابن عصيدان


وغير مستغرب الذائقه الرائعه