زرقـــــة رجــــــل فــي رمضــــــان
[align=center]السلام عليكم ورحمة الله
كل سنة وانتم بخير ومن العايدين مقدما وتعرفون حنا هالايام في موسم وانشدو ابو اسامة ( مطلق المطيري ) عن علوم المقناص هههههههه على العموم لي كم يوم انا وخوياي ناخذها سردادي مردادي حول الساحل الغربي وكان الحظ ماش والصيد قليل وبغينا روح فيها مع الصيام والحر تعلق الجيب في عقم سواقنا ما انتبه له الا وبطن الموتر متعلق والكفرات كرمتم تدور بوش :) اترككم مع كم صورة عينة من الصيد مع المزيونة براوننق http://www.alganasah.com/test/up/fw2/DSC04106.jpg منظر لمدخل احد الأودية وفيها هالمزرعة http://www.alganasah.com/test/up/fw2/DSC04115.jpg الحبيــّــب يومنه نشب بس ما طول عطي الله وبغينا نخليها شلشل تونه وعلوم طيبه ههههههههههه بس اشوى ما طولنا وكملنا الصوم http://www.alganasah.com/test/up/fw2/DSC04116.jpg حصيلة الصيد 6 قماري + 5 صفاري + حجلتين http://www.alganasah.com/test/up/fw2/DSC04120.jpg وحياكم الله[/align] |
الله يهنيك انت وربعك وفالكم الصيد الوفير ان شاء الله
كل الشكر لك على هالصور وجعل جيبكم ما عاد ينشب الا بالشحم :) كل التقدير |
ياهلاااااااااااااااااوين والله ارحب
شرفت طال عمرك بالرد الجيمل منك يابو ناصر .. والله يسمع منك وان شاء الله اليوم عندنا زرقتن اخرى وبيني وبينك هو ما نشب الا من الشحم قاعدين نطرد لنا جول :) تحيتي اخوك ابو حاتم |
تسيف غرّز الجيب يارياجيل ؟؟؟
<- زارٍ علاهم .! الوكاد لاهنت ياصالح على امدادك لقسم المقناص بالصور الرائعه بين وقت وآخر :) سلم لي علاك وعلى ابو اسامه .. اخوووكم |
هلا وغلا بالشيخ
يابن الاجواد ما غرز .. انا اقول نشب بطن الموتر واليا تعلق مثل هالتعليقه ماعاد فيه طب يعني الكفرات الامامية والخلقية كلها تدور بوش ههههههههههههههه لا دبل ولاهم يحزنون بس يبغالها فهلوه وشغل عفريته :) |
ياحي ذالعين من ذا الشوف ياصالح
وصايدن وفايدين لكن حنا يااهل الطيور ماحن صحبه وياكم يااهل البنادق ههههههههههههههه لكن شف انتصاحب في حاله وحده ان كان عينتو شي من ذا الوحوش عندكم فالساحل الغربي لاتنساني وانا اخوك سلامي عليك |
لاهنت ياصالح والله يرزقكم
مع أجمل تحية وكل عام وأنت بالف خير |
الله لا يهينكم
بيّن شغل محترفين تحياتي |
سالمين وغانمين
لاهنت ياصالح . تحياااااااتي |
اخوي صالح
لاهنتم على أمدادنا بالصور الرائعه كل الشكر لك وتقبل تحياتي |
صالح العبدلي
الله لا يهينك انت وربعك كل الشكـــر لــك |
اقتباس:
ابقاك الله ياخالد تواجدك يشرفني طال عمرك وبعدين تعال ليه ما حنا بخويا :) ان كان تبي علوم الوحوش قبل اسبوع طرحو الرجاجيل شيهانه حول ينبع وبيعت بـ 12 مدري 13 الف وعني انا دايم اشوف الحوم واتوقع انه عقبان بس قبل يومين لقيت لي جبليه فارستلها قمريه من قمارينا بغيت اثور فيها هههههههههههه وكانت الشبكة في درج الموتر بس ما فضيت لها على العموم نورت الموضوع ياغالي |
قلبي يعورني يا صالح لا شفت هالكائنات الجميله مذبوحه :(
رفقا بالبيئة يا صالح :) تحياتي / حامد |
وعليكم السلام ورحمة الله وبركاته
كل عام وانت بخير وعيدك مبارك قابلك الله انت ومواضيعك يا صالح سلامي لك وللغالي ابو اسامه ،، ... |
زرقة السعد عز الله
طيب ماودك تسمي الديره ولا وين من الساحل الغربي غيمار |
| جميع الأوقات بتوقيت GMT +3. الساعة الآن 08:22 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية