المشكله !!
كل عام وانتم بخير
[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] المشكله لاصار حبك لايزال ومن قديم!=ثم شفت من حبيتها تمشي بوسط عيالها في وقتها تعرفْ مذاق النار و إ/تعرفْ الجحيم=وتقول هذي عادت الدنيا وهذا حالها تبا تمنا وقتها ماعشت وان أمك عقيم=ودنيا البشر تصغر بعينك برّها وجبالها كنت آتحرى وادعي الله( بين زمزم والحطيم)=وأثر العمانيّه سرت بخطامها وعقالها جالي ثلاث اسنين انادي من خبرلي عنز ريم؟=ولّا ذلول لا قربتوها يزيد جفالها مرباعها بين الرياض وبين شقراء والقصيم=ولو آتكلم طول ليلي ما ذكرت أخصالها عذرىٍ يناديها ابوها يامزعّلت الحريم=أليا قبلت والليل يقفاها وجات لحالها مثل العبيّه يوم تنصى الخيل والليل العتيم=صوت العزاوي دونها (والخيل من خيّالها) كانت على خبري منول لاتظام ولاتظيم=لين انقطع رد الرسايل وانقطع جوالهـا أقفت وشلفا جدّها في وسط قلبي بالصميم=(وابن جريذي) من سببها حالته يرثالها لو استباحت دمعة الأيتام في عين اليتيم=ماساقت غيوم المواجع لين صك إخيالها الله يبيح اللي مضى ويصبر القلب الحطيم=مانيب ناشدها وش ابطاها / ولا وش حالها مغير أصبّر خافقي / وأقول لاهب النسيم=ياليتها في عيد الأضحى ماعطتني شالها خيالها بين الضلوع العوج وعروقي مقيم=أنا أقرب الها من شفاياها وحبة خالها ياهيه يالعقل السليم اللي يسمونك سليم=لا ضاقت الدنيا عليك (يحلّها حلّالها) ماني معارض للقدر / وأستغفر الله العظيم=ياليتني زوج الهنوف وليتنـي رجالهـا [/poem] |
عادل الدلبحي
لله درك والله لا يضرك قصيده رايعه يالغالي كل عام وانت بخير ولا هنت طال عمرك |
لو استباحت دمعة الأيتام فـي عيـن اليتيـم
ماساقت غيوم المواجع ليـن صـك إخيالهـا الله الله .. ابدعت يا عادل .. صح لسانك وكل عام وانت بخير .. تحيّتي |
الله الله الله
عادل الدلبحي يعلم الله انها قصيده فوق الوصف ومكانها الشعبي صح لسانك الى رضاك وكل عام وانت بصحه وسلامه اخوك |
الـــــلـــــه الــــــلـــــه الـــــلـــــه الـــــلـــــه
/ \ ألجمت اللسان ياعادل ..! . . ( حسّيتها طالعة من قلب ) لاهنت على هالدرة / \ أختك |
وتقول هـذي عـادت الدنيـا وهـذا حالهـا
ايه باللــه ابدعت ياعادل صح لسانك بلا عدد وكل عام وانت بخير تقديري اخي .. |
ياسلام ياعادل
صح لسانك وكل عام وانت بخير غيمار |
عادل
ياسلام عليك وعلى إبداعك .. مبدع وجزل .. صح لسانك ولاهنت يالغالي تقديري / . . |
اقتباس:
[align=center]شااعر غييير لله دررك لله دررك مبدع وفارس للابدااع هنا انا امام راائعه من روائع القصيد مكانها الشعبي للامانه جزله جزله جزله واطربتني ياطويل العمر واكتفيت اليوم وارويت قريحتي وذائقتي قامه فخوره فيها للامانه ..,,.. صح لساانك ..,,.. صح قلبك ..,,.. صح طرحك ..,,.. بانتظار جزلاتك دووم لا تبطي بها تحياتي اختك القاسميه.......[/align] |
ماني معارض للقدر / وأستغفـر الله العظيـم
====== ياليتنـي زوج الهنـوف وليتنـي رجالـهـا ايبالله ايبالله الله يعينك ياعادل ،، وماراح ماقسمه الله لك .. صح لسانك ولاهنت كل عام وانت بخير .. |
هلا وغلا ياعادل
وكل عام وانت بخير وعيدك مبارك ان شاء الله كانت على خبري منـول لاتظـام ولاتظيـم لين انقطـع رد الرسايـل وانقطـع جوالهـا الله الله سلام الله عليك وعلى بدعك الجميل وصح لسانك مدد ،، |
[align=center]لو استباحت دمعة الأيتام فـي عيـن اليتيـم
ماساقت غيوم المواجع ليـن صـك إخيالهـا صح لسانك قصيده رائعه ومعاني عذبه فيها الم وحسرهـ لك فائق الاحترام والتقدير تحياتي[/align] |
عادل الدلبحي
صح لسآنك مدّد على هالرآئعة وكل عآم وانت بخير! |
[align=center]المشكله لاصار حبك لايـزال ومـن قديـم!
..................................ثم شفت من حبيتها تمشـي بوسـط عيالهـا هذي والله المشكله اللي مـآلها علآج :) ماني معارض للقدر / وأستغفـر الله العظيـم ...................................ياليتنـي زوج الهنـوف وليتنـي رجالـهـا ياليت مـآر مـــآش مادام عيالها دار مادار صاكين عليها :) عادل الدلبحي لله درّك بدع وإحساس وسبك وحبك أكتفي بالصمت والإستمتـآع والفائده صح لســآنك عد من دعــآ بين زمزم والحطيم :) إعجـآبي + خالص تقديري لـكـ[/align] |
[align=center]إضــآفه :-
كل عــآم وأنت بخير وعيد الله عليك مبــآرك :)[/align] |
اهلاً عادل الدلبحي
وانت بصحه وسلامه صح الله لسانك وسلمت |
ياسلاام الله عليك ياعادل الدلبحي
لو استباحت دمعة الأيتام فـي عيـن اليتيـم ماساقت غيوم المواجع ليـن صـك إخيالهـا الله يبيح اللي مضى ويصبر القلـب الحطيـم مانيب ناشدها وش ابطاها / ولا وش حالهـا ( مغير أصبّر خافقي / وأقـول لاهـب النسيـم ياليتها في عيد الأضحـى ماعطتنـي شالهـا ) ( خيالها بين الضلوع العـوج وعروقـي مقيـم أنا أقرب الها مـن شفاياهـا وحبـة خالهـا ) ياهيه يالعقل السليـم اللـي يسمونـك سليـم لا ضاقـت الدنيـا عليـك (يحلّهـا حلّالهـا) ماني معارض للقدر / وأستغفـر الله العظيـم ياليتنـي زوج الهنـوف وليتنـي رجالـهـا عادل الدلبحي ،، والله انك مبدع بحق ،، اطربتني وخليتني افتح مستند :) لله درّك ،، ياعادل صح السانك مدد ،، واسمحلي كل يوم وترك بجي ارد عليها :) دمت بخير ،، يامبدع |
عادل الدلبحي ..,,..
صح السانك ابدعت وامتعت ..,.. شاعر جزل وبيض الله وجهك ..,,. |
اقتباس:
صح بدنك يامتعب الرائع مرورك طال عمرك لاهنت وتقبل تحياتي |
-
في وقتها تعرفْ مذاق النار و إ/تعرفْ الجحيم وتقول هـذي عـادت الدنيـا وهـذا حالهـا تبا تمنـا وقتهـا ماعشـت وان أمـك عقيـم ودنيا البشر تصغر بعينـك برّهـا وجبالهـا الله واكبر على الابداع يا عادل مبدع مبدع صح لسانك ولاهنت اصدق التحايا اعجابي |
ياسلاااااام يا ابن جريذي
تجربه مره تعايشنا معها من خلال هذه القصيده المليئه بالاحساس والشاعريه الفذه صح لسانك عدد حروفها وكل عام وانت بخير اخوك |
،
الله الله الله عز الله انك ابدعت يا عادل قصيدة تستاهل القراءة اكثر من مره صح الله لسانك ولا هنت بانتظار الجديد القادم . |
| جميع الأوقات بتوقيت GMT +3. الساعة الآن 02:26 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية