خيبر والمنجنيق
[align=center]بسم الله الرحمن الرحيم
اخواني اعضاء وشعراء وزوار هذا العلم الشامخ المرقاب انه لشرف وفخر ان اكون احد منتسبي هذا الصرح مصافحه اولى اتمنى ان تحوز على رضاكم (( خيبر والمنجنيق ))[/align] [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"] لجت بك امواج الفكر في داخل البحر الغزير=ياللي تعد امواجها لاتنشغل بعدادها شيٍ على القمه ضرب والشي الاخر فالضمير=اترك هجوس الناس والكلمه تجيك ابعادها وكلت امرك للأله اللي يجير المستجير=المبتغى عمق البحر من وجهتك وامرادها اللول والمحار والمرجان والكنز الكبير=لا قالو الله يذكره بالخير ذا نشادها ماعاد منها لامصد ولاتعوذ واستخير=من راح قوت الحوت لايشره على نقادها ان ماسلمت من الخطا ولاعسى عمرك قصير=لابارك الله فالهجوس اللي تموت امجادها هذا الشعر ماشوفه الا حسبة الاخ النصير=ياقف معي واشد به ازري واجيب اجدادها قصايدٍ يطرب لها ناقد ويفهمها خبير=اسوقها من حر مالي يوم جا ميعادها سلام ياهل المعرفه ياللي تحثون المسير=حنا دعاة الخير والكلمه نفك اقيادها ماني سياسي يوم احلل كيف تحديد المصير=الا لسان امه وانا شاعر واعد اسنادها روح القدس اتأيدك مادمت عن دينك تغير=يا أمة الاسلام ويش اللي حصل فبلادها لوانها بالرمح والفريس والسيف الشطير=جدانكم ماخلّفت احفاد غير احفادها من قال ذاك الوقت غير ابعيشته والحرب غير=خيبر قبل والمنجنيق الله على من قادها حربٍ تدك اعجوبة التطوير والصنع الخطير=غصبٍ على جيش اليهود وقوته واعتادها ابقدرة الرحمن صار اسلاحهم للدين خير=من بعدها واحصونهم تخضع لحكم اسيادها واليوم لا والله نشوف اللي يصير ومايصير=الكهف مظلم وامة الاسلام طال ارقادها وش اختلف غير الزمن محتار والعاقل يحير=ولاّ العرب في عصرنا ماهيب مثل اجدادها الوقت مثل الذيب والتهمه على الذيب الكثير=والدم دم الطير والافعال فعل اولادها يا امةٍ ماعاد تقوى لاتطيح ولاتسير=اخاف لاتكسر عصاش اللي خبرت اجهادها قومي فخر قومي ظفر والحمل يقواه البعير=وانتي جبل والارض تثبت من شداد اوتادها الموت والله من ضعيف القلب والعقل الصغير=ولاّ العدو وش ماصنع مانقّص الا زادها والفارس اللي بندقه عند اللوازم ماتثير=لاتنشده عن قدسها ولاّ على بغدادها الشاعر احساسه وضح بين البشاره والنذير=شيٍ يجول بخاطري واليوم ربك رادها هذا قصيدي ذاخره للحق واليوم العسير=نارٍ على بعض الدول اللي تبث احقادها من حبكته ازود به واقول فالشطر الاخير=حنا لها ياللي تهاب الظغط عند ازنادها[/poem] |
[align=center]يامرحبا مليون في المرقاب الصرح الشامخ
صح لسانك نص جميل ومعاني عذبه لك فائق الاحترام والتقدير تحياتي[/align] |
مرحباً ألف يا بن مبخوت في محلك بين هل المرقاب
بدايه طيبه تبشر بشاعر يستاهل المتابعه صح الله لسانك ولا هنت بانتظار الجديد |
مرحبا مرحبا
حياك الله في محلك وبين ربعك وهناك في النص جزاله واضحه وتمكن صح لسانك مدد بلا عدد تحياتي |
فلاح بن مبخوت
يا هلا ومرحبا فيك في منتداك وانعم واكرم اذا هذي مصافحتك الاولى لوانها بالرمح والفريس والسيـف الشطيـر جدانكـم ماخلّفـت احفـاد غيـر احفـادهـا من قال ذاك الوقت غير ابعيشته والحرب غير خيبر قبل والمنجنيق الله علـى مـن قادهـا سلام الله عليك صح لسانك وسلمت يمينك |
فلاح
صح لسانك وكل عام وانت بخير والله يعز الاسلام والمسلمين |
اقتباس:
[align=center] ابن مبخوت لسااانك ماينلجم ويمينك ماتنشل بيض الله وجهك والشهادة فيك وفي امثالك مجروحة اجزلت اجزلت اجزلت وهذي عوايدك لله درك مدد بلا عدد دمت بخير تحياتي لك [/align] |
فلاح بن مبخوت
مرحبابك معنا في مرقاب الشعر والادب ،، صح لسانك يالقرم على الابيات والمصافحة الرائعة ،، ننتظر جديدك لاهنت تحياتي لك |
مرحبا مرحبا في مرقابك
ومصافحه اولى تنبي عن وجود شاعر متمكن ولاتبطي بجديدك |
فلاح بن مبخوت
يا مرحبا ومسهلا شرّفت يا فلاح صح لسانك مدد بلا عدد جزل ومبدع يا فلاح |
يامرحبا يا فلاح بن مبخوت
في المرقاب بين اخوانك وزملائك و صح لسانك على هذه الرئعه : |
يا هلابك ومسهلا يابن مبخوت
امـةٍ ماعـاد تقـوى لاتطيـح ولاتسيـر اخاف لاتكسر عصاش اللي خبرت اجهادهـا قومي فخر قومي ظفر والحمل يقواه البعيـر وانتي جبل والارض تثبت من شداد اوتادهـا حضور شاعر جزل..صح لسانك ولاهنت تحياتي |
مرحبا ومسهلا يافلاح
والشرف لنا طال عمرك بوجودك معنا وياهلا ويامرحبا وصح لسانك واعتلا شانك طال عمرك |
والفارس اللي بندقه عنـد اللـوازم ماتثيـر
لاتنشـده عـن قدسهـا ولاّ علـى بغدادهـا الله الله الله صح لسانك الف حضور راااائع ووافي وجزل وياهلابك بالمرقاب لاهنت احترااامي و ج د |
قصايدٍ يطـرب لهـا ناقـد ويفهمهـا خبيـر
اسوقها من حـر مالـي يـوم جـا ميعادهـا سلام ياهل المعرفه ياللـي تحثـون المسيـر حنا دعـاة الخيـر والكلمـه نفـك اقيادهـا ماني سياسي يوم احلل كيف تحديد المصيـر الا لسان امه وانا شاعـر واعـد اسنادهـا روح القدس اتأيدك مادمت عن دينـك تغيـر يا أمة الاسلام ويش اللـي حصـل فبلادهـا الله الله صح لساااااااااانك ولاهنت |
ياسلاام ياسلاام
فلاح بن مبخوت يامرحبا ومسهلا هذا الشعر ماشوفه الا حسبـة الاخ النصيـر ياقف معي واشد به ازري واجيـب اجدادهـا صح السانك ،، ابدعت وامتعت |
اقتباس:
تسلم يامحمد وصح ابدنك يالقرم ولاهنت اخوك |
اقتباس:
وصح ابدنك يالقرم شاكر لك طيب المرور وتشرفني متابعتك لاهنت |
ماشاء الله تبارك الوهاب
اتقان وشعر صح الله يحييك يا فلاح مبخوت العجمي بين اخوانك ويسعدنا ان تكون بين اخوانك في مرقاب الجميع وسجل اعجابي الصافي وصح لسانك مدد ،، ... |
اقتباس:
وصح ابدنك يالنشمي شاكر لك مرورك الرائع لاهنت |
اقتباس:
تسلم يابومناحي وهذا من ذوقك وفهمك ماعليك زود وصح ابدنك شاكر لك مرورك الرائع لاهنت |
اقتباس:
صح بدنك ومرور امثالك فخر واعتزاز وفقك الله |
| جميع الأوقات بتوقيت GMT +3. الساعة الآن 09:30 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية