ثورة حليم ..!
[align=center]بسم الله الرحمن الرحيم
السلام عليكم ورحمة الله وبركاته " كل عام وانتم بخير " [poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"] لي عام .. قاع الشعر في خافقي بور=وسماه .. ماعادت تحلـّق حراره من عام .. مال الشعر ميقاف وحضور=حتى كواكبه .. اجفلت من مداره ماعاد له داعي .. ولاعاد له دور=من يوم ماكثر اللغط في مساره الشعر .. لامن صار من صادق شعور=يضمن مع الايام رفعة وقاره لكن .. الى من صار من غير دستور=يضيع .. واليا ضاع ؟ ضاع اعتباره واليوم .. احس الشعر في الخافق يثور=ثورة حليمٍ .. زوّد الصبر ناره شاعر .. وصادق فكر واحساس .. مغمور=ثابت .. على مر الزمان .. وشعاره ( لا للكذب والنصب والسب والزور )=في وقت .. فيه الجار يطمع بجاره في وقت .. فيه الحكي في الحق محضور=يوم اسدلت من دون قوله ستاره لكن يدين الوقت .. ماتحجب النور=تخسى يمينه .. قبل تخسى يساره ياوقت علـّم كل طاغي ومغرور=قله .. تفكـّر في الزمن وانحداره قل : كم ملك طاغي ؟ وكم امبراطور؟=طغى .. قبل يجلي ظلامه نهاره نـٍكـّس علمه .. ومات ذكره على الفور=من بعد عزّه .. ذاق ذل انكساره ولاتواعدني ( مواعيد بلفور )=واصدقك .. ويضيع عمري خساره لو همـّش التاريخ ايام وعصور..!=ماهمـّش التاريخ ( رمز الحضارة ) اللي بنوا في قمة امجادها .. قصور=من قبل راعي الدار .. تجفاه داره قبل الخيانة .. سيفها ياصل الزور=وقبل يضيق الآدمي من زراره ياوقت .. مدري ليه صفحاتك قبور ؟!=سؤال .. مير اسوق فيه البشاره هي قناعة منك ؟ والا انت مجبور ؟=ولاعاد ينفع في الكسير الجبارة على كذا .. حتى الذهب جايز يبور=لاصادف الثنتين .. ( ضعط وحرارة ) تدري .. تعبت اثور ، واثووور , واثووووور=مصدّق إن الحر يفهم لإشارة[/poem] وسلامة عيون كل من مرأ لهون [/align] |
حجز المقعد رقم واحد
|
يا سلام
جعله مايبور القصيد اللي مثل ذا ولا راعيه ابيات جزله وشاعر يستاهل متابعته وانتظار جديده صح الله لسانك ولا هنت بالتوفيق |
محمد
. . والله انك غالي وحجزك اوكيه في القلب لاعدمت الحجز وراعيه |
على كـذا .. حتـى الذهـب جايـز يبـور
لاصـادف الثنتيـن .. ( ضعـط وحـرارة رائع اخوي ناصر وشعر جزل مايبور 00 صح لسانك ملايين ودام بوحك تحياتي واعجابي 00 |
لي عام .. قاع الشعر فـي خافقـي بـور
وسمـاه .. ماعـادت تحـلّـق حــراره من عام .. مال الشعر ميقـاف وحضـور حتـى كواكبـه .. اجفلـت مـن مــداره ماعـاد لـه داعـي .. ولاعـاد لـه دور مـن يـوم ماكثـر اللغـط فـي مسـاره الشعر .. لامن صار مـن صـادق شعـور يضمـن مـع الايـام رفـعـة وقــاره لكن .. الى من صار مـن غيـر دستـور يضيع .. واليـا ضـاع ؟ ضـاع اعتبـاره ناصر بيض الله وجهك وصح لسانك والشعر الرائع لايستغرب منك فانت من اهل الشعر الحقيقي كل عام وانت بخير |
من عام .. مـال الشعـر ميقـاف وحضـور
حتـى كواكبـه .. اجفلـت مــن مــداره ياسلااام الله عليك ،، يامبدع صح الله السانك مدد ،، دمت بخير |
ناصر ال صامل
لي عوده يابطل |
يا مرحبا يا ناصر
وحيّك وحي ما جبت عزالله العزيز انها قصيدة شاعر صحّ صح الله لسانك وسلمت اعجابي ومحبتي |
ياسلام
اللي هذه معدنه ياناصر مايبور لله درك وصح لسانك مدد غيمار |
[align=center]ياسلام ياناصر
ياوقت .. مـدري ليـه صفحاتـك قبـور ؟! سـؤال .. ميـر اسـوق فـيـه البـشـاره هـي قناعـة منـك ؟ والا انـت مجبـور ؟ ولاعـاد ينفـع فـي الكسـيـر الجـبـارة صح لسانك قصيده جميله ومعاني عذبه لك فائق الاحترام والتقدير تحياتي[/align] |
وعليكم السلام ورحمة الله وبركاته
هلا اخوي ناصر صح لسانك لاهنت قصيده معبره |
ناصر ال صامل
اجزلت وقلت و طلت لاهنت و صح لسانك ابطيت علينا بس يوم جبت جبت :) لله درك اعجابي ومتابعتي تحيتي |
ارحب يابو فهيد ارحب
مبدع يالغالي لله درك والله لا يضرك صح لسانك مليون جدد اعجابي وتقبل احترامي وتقديري لاعدمتك |
الله عليك يا ناصر
أبدعت والإبداع ماهو غريب عليك صح لسانك ملايين ولاهنت |
لله درك يا ناصر
وعليكم السلام ورحمة الله وبركاته يا مرحبا ومسهلا ونوّرت يا ابو بدر بعد غيابك وأتيت بهذه الفارقه التي تستحق الاعجاب بدون مجامله صح لسانك على هذه الدره وكل عام وانت بخير ،، ... |
الله الله
صح لسانك ولاهنت |
ناصر ال صامل
احد اولائك الذين يزرعون الدهشه ويحلقون بالذائقه لاقصى مدى في افق الابداع صح الله لسانك ولا فض فوك اعجابي ومتابعتي وتقديري |
الغالي
بدر بن ناصر العجمي . . متابعتك انت وشرواك من الرجال شرف ووسام وتهمني جدآ جدآ جدآ عساك في الوجود |
الغالي
عبدالرحمن المرخان . . اطرائك يهمني لانك انت تهمني جدا الف شكر ولاهنت سيدي |
الغالي والاخ الاكبر
محمد الدهيمي . . شهادتك اعتز بها كيف لا ..! وهي من شخص بحجم محمد الدهيمي صح بدنك ولاهنت على حضورك وكلامك اللي مايستغرب عليك حيث انك وربعك منبع الكرم والاخلاق الحميدة |
الله الله عليك ياناصر
صح نبضك ودمت ودام كل هذا الابداع كن بخير ا خ و ك |
| جميع الأوقات بتوقيت GMT +3. الساعة الآن 07:27 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية