أبشــرّك ياعفــّاس !
 

بويتات عابره إستجابه وتلبيه لطلب أخوي عفاس بن حرباش بعدما لقيت له طلب اليوم في المرقاب العام ....
مشوها باللي هي به وحسبي الله على صاحب (حيلنا بيننا) :(


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

توكّـل على الله وإنطلق يا مشـد القاف = عليك أنت بس البسمله وأترك الباقي
من بداية المحراف حتى آخر المحراف = وأنا النازل من الرجم الأقصى وأنا الراقي
وأنا الحُكم والمحكوم والسيف والسيــّاف = وانا اللي على طبعـي وعهدي وميثــاقي
ألبّي ندا من نبــّني والنوايا نظــاف = وأغدّيه وآعشيــّه من خيــرة نياقي !
وعينً فراشً له وعينً غطا ولحاف = وله دنّ رعــّادي وله لاح بــرّاقي
وعلى شانه أطمر وآخذ البَحْر بالمغراف = وعلى شانه جْلالي تداحَم مع دقاقي
لذلك ياعفــّاس أبن حرباش يالهــدّاف = ترى طـَلـْبتك يالمرشدي شدت وثـاقي
وجيتك بها من حُر مالي مـهي بأسلاف = عساها تجمّل عندك وعند عُـشــّاقي
وذي غاية المطلوب قـدّام شاف وعاف = ولا همـني لو غاية الساحه فـراقي
أبشرك ياعـفــّاس مابه عليّ خلاف = ولو شانت أوضاعي فلا شانت أخلاقي
ولا أشاور الجهـّال وأشـاور العـرّاف = أتـكـّي على كوعي وأوقــّف على ساقي
عيوني تشوف أشيا يقولون ما تنشاف = وبسم الله الرحمن يالمستوى الـراقي
وعن ما تشوف عيون تبـّاعة الشفــّاف = أغض نــْظري والاّ أسجنه من ورى أحداقي
سجيّه ونيّه لو عروق العيون صخاف = ولو هي متان فماهي أمتن من أعراقي
تبصّرت في الدنيا وكم عاش فيها أصناف = وياما لقيت وقلت ياويـش أنا لاقي
على الخاطر الطربان والخاطـر المنلاّف = تدور الدواير لكن الله هو الواقي
إذا البطن للوادي ترى الراس للمشراف = وترى الصدر للمجلس على هقوة الهاقي
ويبقى السؤال الصعب من هي له الأطراف = جوابه مع اللي تشبه أذواقه أذواقي !
ثقال العقول نفوسهم في اللـزوم خفاف = لهم شكـري وتقديري وخالص أشواقي
ومن ثقل عقله وأختفى ساعة الميقاف = فلا هو عوينً لي ولا هو بسـرّاقي
ومن خف عقله يجلب سمان والاّ ضعاف = عليه إقر وإنفث زين يالنافث الراقي
كذا حكمة الله فيه ســلّه وفيه غلاف = من المعدن المضروب والمعدن الناقي
ريال وجنيه وكل عمله لها صــرّاف = ومن يصطرف مرتاح والصيرفي شاقيّ
عسى الأربعة الأرباع تبقى ثنين أنصاف = على شان تمشي سلعتي داخل أسواقي
سوى إن السنين سمان وإلاّ السنين عجاف = مصير الظما مذبوح من قربة الساقي
شجاعً يطيـّحني ولا أذبح مية خــوّاف = حقــيقه وأنا من عادتي ما أكشف أوراقي![/poem]

واحد والله واحد ياللي ما يكشف أوراقه

ثقال العقول نفوسهم فـي اللـزوم خفـاف
لهم شكري وتقديـري وخالـص أشواقـي

يا سلام يا بو يحيى ومنوّر الشعبي يا رمز

شجاعً يطيّحني ولا أذبـح ميـة خـوّاف
حقيقه وأنا من عادتي ما أكشف أوراقـي!

الله اكبر عليك ووالله انها ذهب من اولها الى آخرها


سلامي عليك وبيّض الله وجه عفاس

صح الله لسانك وسلمت

ياسلاام الله عليك ،، وعلى ابداعك المنفرد

بيّض الله وجهك ووجه عفاس

والله انها محبوكه من اولها لين اخرها

صح السانك مدد ،، ودمت بخير

تبارك الرحمن يابو يحيى .. والله انك تغرف من بحر ماشاء الله عليك ..
صح لسانك ولله درك والله لا يضرك ..

وجيتك بها من حُر مالي مهـي بأسـلاف
عساهـا تجمّـل عنـدك وعنـد عُشّاقـي

والله إنها تجمـّـل المرقاب كله ماهوب أنت إلحالك يا ناصر

قصيده من إلى حبك وسبك على مستوى وهذا ما إعدتناه منك

صح لسانك ملايين ولاهنت

ابو يحيى

ابتداء من القصيدة وانتهاء بالتوقيع .. لا يسعني سوى ان اشكر عفاس على انه خلاك تجي للشعبي الليلة

عز الله ان بحرك الي تغرف منه بطران وجعله ما ينضب قول امين

ناصر الأحمري


شاعر من الطراز الأول


مبدع ومميز لله درّك


فقط


كلما احتاجت روحي للشعر سوف تجدني في متصفحاتك الرائعه

صح لسانك


وتقبل تحياتي

الله لايضرك


وماشاء الله تبارك الله جزل وراهي


وصح لسانك مدد



غيمار

ناصر الاحمري




صح لسااااااااااااااانك لين ترضى




يابطل



اخوووووووك

إذا البطن للوادي ترى الـراس للمشـراف
وترى الصدر للمجلس على هقوة الهاقـي
ويبقى السؤال الصعب من هي له الأطراف
جوابه مع اللي تشبـه أذواقـه أذواقـي !

.
.

وش نقووول باللي هذي منهاا

وهي من ناصر

لله درك وكفى .

والسكوت اجمل

.

ماشاء الله تبارك الرحمن

لله درك

أبو يحيى .. والله انها سبيكة ذهبية من اول حرف الى القفلة

وعفاس ابيض وجه لانه سبب لـ .. هذه الدرة :)

صح الله لسانك ولافض فاك

اعجابي وانت تعرفه

مجرد مرور لاشباع الذائقة

دمت بخير

شجاعً يطيّحنـي ولا أذبـح ميـة خـوّاف
حقيقه وأنا من عادتي ما أكشف أوراقـي!


لااله الا الله

ابو يحيى ماشاء الله عليك والله لايضرك ,, الاعجاب منتهين منه لكن مايمنع

انا نقول مبدع مبدع مبدع وبيض الله وجهك ووجه عفاس اللي طلبها

صح لسانك
صح لسانك
صح لسانك

سلامي واحترامي

..

هلا اخوي ناصر
صح لسانك لاهنت
شاعر مبدع

[align=center]15


،[/align]

ناصر الاحمري


اذا ماجيت في متصفحك


اكيد راح اتهم ذائقتي


صح لسانك يا مبدع


ولك تحياتي

شجاعً يطيّحنـي ولا أذبـح ميـة خـوّاف
حقيقه وأنا من عادتي ما أكشف أوراقـي!





روعــــــــــــــــــــه بذمتي وجزله للغايه


صح لسانك


تحياتي واعجابي 000

ياسلام

منور الشعبي

إذا البطن للوادي ترى الـراس للمشـراف
وترى الصدر للمجلس على هقوة الهاقـي

إذا البطن للوادي ترى الـراس للمشـراف
وترى الصدر للمجلس على هقوة الهاقـي

إذا البطن للوادي ترى الـراس للمشـراف
وترى الصدر للمجلس على هقوة الهاقـي


ويبقى السؤال الصعب من هي له الأطراف
جوابه مع اللي تشبـه أذواقـه أذواقـي !
ثقال العقول نفوسهم فـي اللـزوم خفـاف
لهم شكري وتقديـري وخالـص أشواقـي
ومن ثقل عقله وأختفـى ساعـة الميقـاف
فلا هـو عويـنً لـي ولا هـو بسرّاقـي
ومن خف عقله يجلب سمان والاّ ضعـاف
عليه إقر وإنفـث زيـن يالنافـث الراقـي
كذا حكمة الله فيـه سلّـه وفيـه غـلاف
من المعدن المضـروب والمعـدن الناقـي
ريال وجنيه وكـل عملـه لهـا صـرّاف
ومن يصطرف مرتاح والصيرفـي شاقـيّ
عسى الأربعة الأرباع تبقى ثنين أنصـاف
على شان تمشي سلعتي داخـل أسواقـي
سوى إن السنين سمان وإلاّ السنين عجاف
مصير الظما مذبوح مـن قربـة الساقـي
شجاعً يطيّحنـي ولا أذبـح ميـة خـوّاف
حقيقه وأنا من عادتي ما أكشف أوراقـي!


ناهيك عن باقي البداع الذي لايمكن حصره هنا



صح لسانك يا ابو يحيى

والله يبارك في عفاس وراعي حيلنا بيننا :)

سلمت ودمت يالمحيط الغير هادئ :)

اخيك

ابو يحيى


ياسلااام على الابداع ويدوم الابداع واهله


كلام من ذهب وشعر حقيقي ،، دمت يالجزل

تحيتي لك وتحيتي لعفاس ومنهم مثلكم ياشعار ...


سلامي على فكرك