ميدان الأحرار !!
خرجت هذه المتواضعه خلال فعاليات خيمة الشعر في مهرجان الصيف ببريدة
وهي مهداه للشاعر والأعلامي محمد الغرابي ( ابو فهد ) [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] أخبار ماعندي سواليف وأخبار=مغير قلب(ن) عذّبتة الطواري أمسيت في دار(ن) وصبحّت في دار=طرقه وليل ومعضلات ومساري سريت من جدة على وقت الأسحار=من بعد ماضاقت علي الحواري من الطريق اللي يجي ظلم ويسار=بين الديار وبين هاك السباري يالرنج لك عندي معزّه ومقدار=مالك ومال معلّقين البواري فزتكْ مثل الحر لا فز ثم طار=مثل العديم أليا انصرم للحباري لا أقبلت مثل اللي نوا ياخذ الثار=عقيد قوم وساطي(ن) بالشباري يحشّمك بطناج الأسفلت والقار=وشلون عاد الأرصفه والكباري تمشي على البيداء بلا قيد وهجار=مايشبهك ياكود سفن الصحاري مشوارك الليلة ماهوب أي مشوار=الوضع عاجل والحضور أضطراري يم القصيم ويم ميدان الأحرار=اللي مخيمهم يمين الحضاري يا ابو فهد دونك يصدن الأعذار=كنك من الشورى مصدر قراري أجيك لو دونك يحولن الأقدار=واسج رجلي بين بايع وشاري وان قلتلي للنار / ابا أطيح فالنار=عقلي مفخخ والشعور أنتحاري لأنك عزيز ومن طويلين الأشبار=للطيب في وجهك رسوم ومواري شاعر وأعلامي مثقف وبيطار=وكلن على ماقيل خابر وداري وتجمعوا شعار من كل الأقطار=وكلن بماعنده يجود ويماري أحدن يغنيها على بن وبهار=وأحدن من الفرقا يهل العباري وأحدن يجر الصوت ويشد الأنظار=دايم على بدع الجزيلات ضاري وأحدن يسريها على دفة الطار=وجحا يقول المشكلة من حماري وأحدن يمسح جوخ صلفين الأعمار=لاهوب لاكاتب ولاهوب قاري وأنا عسفت كروش من قب الأمهار=ووردتها بين الوعر والضواري جنبي على البيدا كما ضلع سنجار=ماحركة صفق الهواى والذواري واليوم أبا أرحل عن ميادين الأشعار=عنها يسليني صحيح البخاري[/poem] |
حجز
1 على رواقة :) |
وأنت سالم يا عادل
قصيده وافيه من شاعر جزل ومبدع صح لسانك عدد حروفها وبيّض الله وجهك تحيّاتي لك |
اقتباس:
الله الله عليك والله جزله من راس جزل صح لسانك ولاهنت 00 تحياتي 0 |
الله الله الله
عادل صح لسااااااااااااااانك .. صح لسااااااااااانك واليوم أبا أرحل عن ميادين الأشعار عنهـا يسلينـي صحيـح البخـاري تحياااتي لكـ |
[align=center]الله الله
صح لسانك قصيده جميله ومعاني عذبه رائعه لك فائق الاحترام والتقدير[/align] |
واليوم أبا أرحل عن ميادين الأشعار
عنهـا يسلينـي صحيـح البخـاري عادل الدلبحي ., صح لسانك عددها بيت بيت شاعر جزل تقبل مروري |
عادل
بيض الله وجهك يالوافي ومحمد يستاهل صح لسانك تقديري |
واليوم أبا أرحل عن ميادين الأشعار
عنهـا يسلينـي صحيـح البخـاري افضل وانبل توجه يا عادل صح لسانك صح لسانك محبتي ومتابعتي ياغالي وكل عام وانت بخير اخوك |
المبدع ،، عادل الدلبحي
واليوم أبا أرحل عن ميادين الأشعار عنهـا يسلينـي صحيـح البخـاري الله الله الله ـ،، بيت من ذهبـ ياسلاام الله عليك ،، وعلى ابداعك صح السانك مدد ،، ودمت بخير |
عادل الدلبحي
لله درك والله لا يضرك مبدع وصح لسانك مليون لا هنت يالغالي |
هلا اخوي عادل
صح لسانك لاهنت |
ياسلام عليك
ياعادل صح لسانك مدد ولاهنت اخووك |
عادل الدلبحي
صح لسااانك على هذا النص الجزل ,,, تقبل مروري المتواضع ,,,, خالص مودتي ,,, |
واليوم أبا أرحل عن ميادين الأشعار
عنهـا يسلينـي صحيـح البخـاري بيت عن 100 بيت ياعادل لله درّك يالدلبحي , متابع لك منذُ قدومك اول مره وسجّل اعجابي الكبير , صح لساااااانك :) |
اقتباس:
هلا ومرحبا يافراج هلابك وهلا بحجزك ابرك الساعات |
ياسلام ياعادل
الابداع من شرواك لايستغرب لاهنت |
اقتباس:
هلا ومرحبا يابدر الأبداع مرورك يالغالي صح بدنك ووجهك أبيض لاهنت وكل الشكر لك على المرور تقبل تحياتي |
عادل
صح لسااااااانك رائعه بروعتك لاهنت تحياااااااااتي |
اقتباس:
صح بدنك وكل الشكر لك على المرور لاهنت وتقبل تحياتي |
اقتباس:
صح بدنك وكل الشكر لك على مرورك الجميل لاعدمناك وتقبل تحياتي |
اقتباس:
صح بدنك طال عمرك الجميل مرورك لاعدمناك تقبل تحياتي |
| جميع الأوقات بتوقيت GMT +3. الساعة الآن 07:55 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية