مهند ولميس ، وسنوات الضياع !!
 

مهند .. ولميس ، وسنوات الضياع !!
لمحمد بن حمدان المالكي


http://bajeelah.net/up/uploads/3c8bfed7d3.bmp

[align=center]http://bajeelah.net/up/uploads/df86952ab7.jpg[/align]

[poem=font="Simplified Arabic,7,black,bold,normal" bkcolor="transparent" bkimage="" border="outset,10,red" type=2 line=0 align=center use=ex num="0,black"]
بعض القنواوات ابتدت في هالزمن نزع القناع=من بعد ما كنا نفكرها لنا خير الجليس
طلت علينا طول سبع شهور ( بسنين الضياع )=بعض البشر ضاعوا مع ( مهند ) والآخر مع ( لميس )
وقت المسلسل كنهم قاموا على الوجبه جياع=والصمت خيمه فوقهم ما عاد تسمع لو رميس
هذاك يتنهد ، وهذا قد ذبحه الالتياع=والمشهد المعروض : سنيوره يلاويها خسيس
مره يغازلها وتغمز له بالاعيان الوساع=والمره الاخرى تصل للمس لا حمي الوطيس
ما فيه مانع يرتكب معها الرذيله باقتناع !=ما فيه مانع تحمل بمولود لا شرعي وهيس !
كل الامور محلله والهم تأجيج الصراع=حتى يتابعهم كثير الناس ويشوف العفيس
وأمر العجب بعض الشيابه مبتليه الله وساع=يسهر على شان المسلسل والسفاهه والدويس
ما غير مترزز على وضع المهاجم والدفاع=وليا نظر في حرمته قام يتعوذ من بليس
وإلاَّ العجايز بعضهن تبكي ليا شافت وداع=وتسب ( تيم ) وتلعنه وتقول وش هذا النحيس ؟
مرّه تمد كراعها ومرار تقبض في كراع=والخوف لا مات البطل من حزنها تغدي فطيس
والبعض سمى ابنه على ( مهند ) سذاجه واتباع=والبعض سماها ( لميس ) وليتهم سموا تميس !!!
والكارثه حتى الصغار يتابعونه باندفاع=والقاهم ( امهند ) وربعه في ظلام الخندريس
وامر العجب عادت سياحة تركيا بعد انقطاع=موجه تبعها من غدا للزيف والموضه حبيس
ترويج للمسخ الصليبي والرذيله والطباع=واقناع بالتحرير من كل القيم ونصير عيس
ندبك مع الدبكه ونذعن للثعاله والضباع=ونلبس الواقع بثوب الذل في الليل الكبيس
وش كان يعني لو يشاع العهر والفتنه تشاع !!=والامر حريه سواءً عندنا وإلا بنيس !!
وش كان يمنع لو تطب البنت ما بين السباع !!=ويصير ما يحصل بمونيكا على عهد الرئيس !!
يبغون ترسيخ إن هذا العِرض ما اسهل ما يباع=وإن العلاقه يفترض تصبح مثل عنزٍ وتيس
وإن الرذيله والدنس ما فيه شيٍ لو تذاع=وإن الامر عادي ولو كنا مع زمرة بليس
والمشكله فينا .. رمينا الحبل واشغلنا المتاع=والجل قال اش لي دخل .. ما باقي إلا اصبح بُليس
وش لون مالك أي دخل .. وانته تعرض للخداع=وانته من احفاد النبي .. لا ترتضي فيك البخيس
خذ لك قرار وخل لو مره تعْرف إنك شجاع=وتقاطع الفتنه بكل اصرار وترد المخيس
واقول جعل الله يحفظ الدين ويصون القلاع=وإنه يثبتنا على قرآننا الدر النفيس
والله يحمينا من الاعلام وسنين الضياع=وإنه يكافينا ( مهند ) ثم يكفينا ( لميس ) [/poem]




[align=center]http://bajeelah.net/up/uploads/2a4bb19e62.jpg[/align]

بعض القنواوات ابتدت فـي هالزمـن نـزع القنـاع=مـن بعـد مـا كنـا نفكرهـا لنـا خيـر الجليـس
طلت علينا طول سبـع شهـور ( بسنيـن الضيـاع )=بعض البشر ضاعوا مع ( مهند ) والآخر مع ( لميس )


محمد

صح لسانك

والله ان هالبيتين تكفي عن قصيده كامله

بيض الله وجهك


تقبل سلامي ومتابعتي
:

محمد


صح لساااانك


قصيده تعبر عن واقعنا مع الاسف


تقبل اعجابي

نقلت لنا واقع (تعيس) بهذا النص يامحمّد ..

شعورنابع من غيرتك على دينك وعروبتك ..

والله يكفينا شرهم ..وشرأهدافهم المنحرفه ..


كل عام وأنت بخير يامحمّد:)

صح لسااااااااااااااااانك


يامحمد على هذا النص


وجزااااااك الله خير على هذه الغيره

يامرحبا هيل عداد السيل
زيارتكم جميع أعتز بها
فلكم كل التقدير
كلا باسمه

محمد

صح لسانك

الرائع محمد بن حمدان المالكي

جرأه على حق وراي صحيح ميّه فـ الميّه

أشكرك على شعورك الغيور

وصح لسانك ملايين يا محمد وسلامي عليك

ياسلام يالسمي
صح لسانك
نحن بحاجه لمثل هذه القصايد
لاهنت والله يجزاك خير

آمين والله يكفينا من يحذو حذوهم

صح الله لسانك يالمالكي وسلمت

الحمد لله اني ما اشوف التلفزيون الا بالصدفه ولثواني ولا كان علوم :)


الله يجيرنا من شياطين البشر اللي بثوا الفساد في كل مكان

محمد جزاك الله كل خير وصح الله لسانك ولا هنت


وفقك الله

ياسلاام يامحمد


الله يصح السانك مدد ،،


دمت بخير

[align=center]محمد

صح للسانك
شاعر مبدع بمعنى الكلامه
وقصيده تحكي واقعنا المرير

صح للسانك تقبل تقديري ووفر إحترامي

أخووووووووووووووك[/align]

محمد حمدان


الله الله

قصيده تحكي عن الوضع المزري


سلمت افكارك



تحياتي