( مبسم هيا ) .!
 

صباح الورد الطايفي اللّي يطرّا :)

[poem=font="Traditional Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أهلين ياسمحٍ على وجهه براءة الابريا=مالك شبيه الا البدر ., يمكن تكون انت البدر .؟!
وسط الظلام ايشعّ وجهك نوره , بنور وضيا=فديته ., الاّ جعل يفدا وجهك الوجه الودر
ماكنّك الا بكرةٍ ذارت .! وذيّرها الحيا=شافت تزبّاد البعير ., وسمْعته يومه هدر
اضيع لامنّك تحاكيت بتغنّاج وغيا=وش فايدة حكيي .؟ مدام انّ الحكي منّك صِدَر
تطري علي ., قصيدة ( الهزّاني ) بمبسم ( هيا )=لامن ضحكْت .! وناض بارق مبسمك فوق وحدر
عليك نظره ., قفّلت فيها ذكاوة الاذكيا=اسجّ بين النظره وسلهامة الطرْف الخدِر
ياعاقلٍ ماغرّته مظاهر الخِفّه ., ويا :=ياللّي عليك مْن الوصايف : ( كلّ ماقلّ ونِدَر )
لولاك .؟ ماجرّ القلم حبره ., ولامات وحيا=ولابنيت البيت تلو البيت ., واسّست الجدر
مدام شيٍ بيننا اكبر من علاقة الاخويا .؟=اسمع ., وانا كانز لك اعلومٍ مقيمه فالصدِر
لاتنتظر منّي نفاق مْنافق , وكذب , وريا=ولاتنتظر صدّه , ولابوره , ولاطعنة غدِر
حنّا اتّفقنا نتّفق , على وفاء الاوفيا=ان كنت ناسي .؟ فإذكر , ولاصرت ماتدري .؟ فإدر
حبٍ نموت يموت معنا ., وإنحيا لجل يحيا .؟=والاّ بلاش مْن المحبّه ., دامها همّ وكِدَر .![/poem]

..
..
..

طيب ليه ماتكتب حجز وانت حاط نقط كنّك ناقد على اللي توّك :)

..


الله الله الله
يابن عصيدان

قصيده جميله وقافيّه صعبه لله درّك .,

تطري علي ., قصيدة ( الهزّانـي ) بمبسـم ( هيـا )
لامن ضحكْت .! وناض بارق مبسمك فوق وحـدر


وانت ذكرتني بـ صياف رحمه الله .,


يانجمةٍ مرت من الليل ساعه
فـ الثلث الآخر من طلوع الثريّا

نظرت نظرة خوف مدري شجاعه
واثره مغير النور من صدر هيّا


صح صح صح لسانك عدد شعر راسك :)



!

,,

,,

4

ياسلام

ياسلام

إبداع وحرفنه ماهي غريبه عليك

الإعجاب خالصين منه مبطي

صح لسانك

وسلامي عليك يا أبو محمد :)

[align=center]ابداع

الله يعطيك العافيه

يافهيد

وصح السانك

تقبل اطيب تحيه[/align]

الله الله يا بومحمد

قصيده جميله جدا بقافيتها وشعرها

صح لسانك لين ترضى

محبتي ومتابعتي ياكبتن

اخوك

الله الله الله الله الله
ابو محمد هذا الشعر اللي يسمّى شعر
اعتقد ان حنا منتهين من امر الاعجاب
بس جدد الولاء يامبدع
لله درك
لله درك

ماكنّـك الا بكـرةٍ ذارت .! وذيّـرهـا الحـيـا
شافـت تزبّـاد البعيـر ., وسمْعتـه يومـه هـدر


:) :) :) :) :)

يخرب بيت عدوك انت وش طرا عليك ذا الوصف

الله يسعد صباحك على ذا الفاخره اللي صلفقتنا مع ذا الصبح


صح الله لسانك ولا هنت يا فهيد


فمان الله

يازيــــــــــــن بــــــــــدعك يافهـــــــــيد


مبدع , مبدع الله لا يضرك ,


حنّـا اتّفقنـا نتّفـق , علـى وفــاء الاوفـيـا
ان كنت ناسي .؟ فإذكر , ولاصرت ماتدري .؟ فإدر


الله , الله


لك مني جزيل التحايا , وعزالله ان قصيدك يطرب

الله الله الله



ياشاعر الحب والجمال


كان في قديم الزمان محسن الهزاني والأن وفي هذا الزمان فهيد بن عصيدان



لله درّك



حبك وسبك لايجيده سوى المبدعون أمثالك


لاهنت


وصح الله لسانك ملايين

تقبل تحياتي

ياسلاام الله عليك يافهيد

مبدع مبدع ولاهو غريب عليك ،،

صح السانك مدد ،،

ودمت بخير

[align=center]والله يعطيك عافيه


يافهيد

تقبل اطيب تحيه[/align]

ابو محمد ...


لبا والله عروقك ..

يا سلاااااااااام


يا فهيد


ما خليت من الأبداع شي

لوني عندك حبيت خشمك ,,,


صح لساااااااااانك حتى ترضى ,,,,


تقبل مروري المتواضع ,,,,,,,,,


خالص مودتي ,,,,,,,,,

الله الله الله
يابن عصيدان

قصيده جميله وشاعر اكثر جمال


صح لسانك ولاهنت

نص غارق في الجمال


لله درك


لله درك


لله درك

فهيد بن عصيدان

شاعر مبدع
وتمكن من المفرده رغم صعب القافيه


صح لسانك
صح لسانك


ودمت بخير

ياللّي عليك مْن الوصايف : ( كلّ ماقـلّ ونِـدَر )


الله



دائما حضورك مغلف بالجمال والابداع



صح لسانك بلا عدد



متابعتي الابدية ..