يامــلى اللـــّي !
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من هواجيس الضمير اللي تجي وقت الطباعه = ياسلام الله على راسي ومركاي ومحلّي
وياسلام الله على صـدري وضيقه وإتسـاعه = كيف متعـلّي على شفـّي وبالصبر مْـتحلّي
في زمان العـولمه والبـولمه والإنـشلاعه = أنقطـع حبل الـرجا بين المدلــّى والمـدلــّي
وأرتفع سعر الرخيص وكثرت أصناف البضاعه = في مخازن باقصيد وباعصـيد وبامجلّي
وأنعرف طيب الصناعه وأنكشف عيب الصناعه = والريال أندق خشمه في سخافات وتسلـّي
والبلا طال المـزارع في محـاصيل الـزراعه = والثـمر ولـّى وراعي الزرع من قبله مولـّي
أدري الرمان يثمر في براد وفي رفاعه = وزارع الرمان في الصحرا جنى رمانبلّي !
وأدري إن الذلّ بعض أحيان ضرب من الشجاعه = وبين باب الذل وأبواب الشجاعه ربع ملـّي
والمواقف تختــلف والعجـز غير الإستطـاعه = يعني إنعقدي ياحجـّاني على أمري وإسفهلّـي
وإدري إن به للجبل قمّه وبه للبحْر قاعه = علمتنــي الفــرق ما بيــن التعالي والتعـــلّي
وكيف أقول أن كان مالي من ورى الدعوى طماعه = يا شجـاعة راسي إرتـاحي ليا بيّــنت ذلّي
ينصفق خدّ الوصال وينفـرك خشم القطـاعه = وأختلف دلّ العلاقه وأما أنا ما أخلفت دلــّي
خلّي الله لايرده لو يغيب الفين ساعه = لو يطول غياب خلّي ماشكيت فراق خلّي
الغـرام ألوي ذراعه والغـريم أكسر ذراعه = والحميم آفـزّ له وآقوم وآرحــّب وأهلــّي
وأن حصل وقت الله الله يامهدّي كل راعه = والله إن آذود بذراعي عن الذود المفلــّي
لا مصـدّ ولا ملــدّ ولا مجـالٍ للشـــفاعه = أصبحت من باب : يوم الزحف وش حكم التولـّي
بآتقـدم وأحتسب حربي على العصيان طاعه = طاعةٍ لله سبحـانه بتــرحالي وحــلــّي
والمواجه للوجيــه وكل راسٍ وإرتفــاعه = فأن برد غلّ العدو والاّ فأنا بــرّدت غلّي
والبلا بعض المواجه لا غنـــاه ولا مجــاعه = يا ضعـافة نفس والاّ إنــّه حسد والا تبــلّـي
والسروق المندفع ما همــني قوّ إنـدفــاعه = يــْعقب ماهو عدوٍ لي ولا هو غايةٍ لــي
ما أحتــديته من طمع ولا تــركته من قناعه = يكفي إنه ماجلا رغبه ولكن غصب جـِلـّي
بس عن قولة شراه وفي نهاية الأمر باعه = لازمٍ إن آقول بأعلى الصوت في شمسي وظلّي
وقــّفـو ياهل القناه ووقــفـو ياهل الاذاعه = ياملى اللّي يالقناه ويالاذاعه ياملى اللّي !
الفقير اللي تبـنّيتوه ما تارع شباعه = أدرو إنه لا يشوف ولا يذوق ولا يحلّي
وإدرو إنــّه مطــلّـع وأنتو تعرفون إطــّلاعه = ما يحبّ الاّ سـوالف ياسلام وراكب اللــّي!
وعنده قـْراية قصيد النـاس خير من إستماعه = بــلّغوه إن العرب ما تجــهل سوالي وحـلّي
يايصلّي منفرد وأفضـــل يصلــّي في جماعه = المهم إنــّه على أيـــّة حال لفروضه يصلّي
لأنــّكم لا حفظكم ربــّي سعيتو في ضيــاعه = وإشهد إنه ضاع في ليلٍ به البدر مـْتجلـّي
وأشهد ان زود اللكاعه جاب نقص في المناعه = واشهد ان نقص المناعه طيّح الفرد المظلـّي
والوكاد إن القضيــّه حــرب من دون إنـدلاعه = أنتهت والاّ أبتدت ماقلت وش كثري وقلـّي
كل باب وله جواب وكل نور وله شعاعه = ويش أطول وويش أقول وويش أعد وويش أخلـّي
أن غلبني طيب راسي ما غلب راسي صـداعه = ويوم طعت عروق وجهي والله إنـي جيت كلـّي
أن بغيت أثبت حقيقه وأن بغيت أنفي إشـاعه = وأن بغيت آجيب دقـّي وأن بغيت آجيب جلــّي
فالخصـام أنهي نزاعه والكـلام أشــْبع جيـاعه = والملام أطوي شراعه قبل لا تحسب تغــلّـي
رأس مال العلم يوم أكشف سديـسه من ربــاعه = والجليــّه بيــّنه ماعاد تحتــاج لتجــلّـي
قفلها ومفتاحهها بيت القصيد اللي قناعه = كنـــّه يقول إظهري يالغايبه والاّ إضمحــلّي
كلمتين مـْن الضمير اللي ردى الأيام لاعه = سجّلوها في سجــلّي قبل ما آراجـع سجلّي
بلـّي وضاني خذوها اللي يبيعون الوداعه = من يرجع لي من أشباه البشر ضاني وبلـّي !![/poem]



:(

واحد والله واحد

[align=center]صح السانك

مليون ولايفون

يالاحمري

ابدعت وامتعت الله يعطيك العافيه

تقبل اطيب تحيه[/align]

2






خلوني اقرااااهااااا اكثر من مره واعود

تسجسل دخـول على شانك
( ياداااااااااااهيه ) :)


4 والعوده جبريّه

ماشاء الله تبارك الله ياناصر

نهر من الابداااااع لله درّك

صح لسانك

تقديري

ابو يحيى

والله ان مرة وحده ما تكفيها

ها عاد سجلني لنا عودات هنا

[align=center]ماشاء الله تبارك الله ياناصر

نهر من الابداااااع لله درّك

صح لسانك

تقديري[/align]

وأرتفع سعر الرخيص وكثرت أصناف البضاعـه
فـي مخـازن باقصيـد وباعصيـد وبامجـلّـي
وأنعرف طيب الصناعه وأنكشف عيب الصناعـه
والريال أنـدق خشمـه فـي سخافـات وتسلّـي
والبلا طال المـزارع فـي محاصيـل الزراعـه
والثمر ولّى وراعـي الـزرع مـن قبلـه مولّـي
أدري الرمان يثمـر فـي بـراد وفـي رفاعـه
وزارع الرمان في الصحـرا جنـى رمانبلّـي !

ههههه والله انك داهية صدق يابو يحيى

الله لايضرك شاعر جزل ومعنى قوي

صح لسانك صح لسانك ياعملاااق

سلامي على فكرك وبدعك

وتحية اخوك

وأرتفع سعر الرخيص وكثرت أصناف البضاعـه
فـي مخـازن باقصيـد وباعصيـد وبامجـلّـي
وأنعرف طيب الصناعه وأنكشف عيب الصناعـه
والريال أنـدق خشمـه فـي سخافـات وتسلّـي
والبلا طال المـزارع فـي محاصيـل الزراعـه
والثمر ولّى وراعـي الـزرع مـن قبلـه مولّـي


\
/
\

.
.


لله درك يابو يحيى
نص في غاية الجمال والروعة والغضب

صح لسانك ..
صح لسانك ..
صح لسانك ..

اعجابي ومتابعتي
تقبل مروري

هلا اخوي ناصر
صح لسانك لاهنت
شاعر مبدع لايمكن نسخ تميزه حتى وان فكرو في ذالك

الغرام ألـوي ذراعـه والغريـم أكسـر ذراعـه
والحميـم آفـزّ لـه وآقـوم وآرحّـب وأهـلّـي
وأن حصل وقـت الله الله يامهـدّي كـل راعـه
والله إن آذود بذراعـي عـن الــذود المفـلّـي

الله الله

يابو يحيى

صح لسانك دبل وثري , داهيه شعر ماشاء الله عليك وعلى هالقريحه

سلمت وسلم فكرك

تحياتي واعجابي المستديم

..

ابو يحي

مشاء الله تبارك الله

صح لسانك واعتلا شانك

مبدع في كل حالاتك وربي

انقلوها للشعبي لو سمحتوا
:)








الاحمري
والله العظيم إنّك من الأسمااااء المهمه جداً جداً في المرقاب
واحرص دائم على قرأت نصوصك للإستفاده
:)



صح قلبك ،،،

الله الله

كلّ ابداعك يا ابو يحيى محلّ المتابعه والاعجاب يشهد الله

صح لسانك وسلمت ياغالي

وتأكد طال عمرك انه ما يصح الا الصحيح


محبتي واعجابي ما دامني حيّ

اخوك

الله لايضرك ياناصر


ابدعت والابداع ليس مستغرب منك


اخوك

وأرتفع سعر الرخيص وكثرت أصناف البضاعـه
فـي مخـازن باقصيـد وباعصيـد وبامجـلّـي
وأنعرف طيب الصناعه وأنكشف عيب الصناعـه
والريال أنـدق خشمـه فـي سخافـات وتسلّـي
والبلا طال المـزارع فـي محاصيـل الزراعـه
والثمر ولّى وراعـي الـزرع مـن قبلـه مولّـي


الله الله ..


ابو يحي ..


ماشاء الله تبارك الرحمن ..


صح السانك مليون ..

ناصر الاحمري :


كعادتك مبدع ومتمكن


انصفت الشعر


تحياتي .........................