نعم الخوي ( محمد بن نايف المغيري )
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
سر ياقلم واكتب من الشعر ما لاق = مني لابن نايف .. سلام وتحيه محـمـد اللي جامع ٍ حسن الاخلاق = راع الوفا والجود .. والمقدريه طلق الحجاج اللي على الطيب سباق = ونعم الخوي اليا فزع مع خويه جينا عفيف .. وجت بنا سو الاوفاق = علاه حدتنا .. الظروف القويه وبعض المواقف ترهق العاقل ارهاق = وتهد حيل الصبر والمعنويه لكن لقينا مع هل الطيب ميثاق = وقاموا بواجبنا .. رجال الحميه فزعه وجزعه مابها زيف ونفاق = على سلوم اهل السلوم النقيه والنعم بالروقه .. منسّبة الاعراق = مار العطاوي كن ماخلق زيه مغيّري ٍ .. مايعرف التدراق = ذباح حيل .. وينحر الشاذليه والله لو ان الجود شجره وتنساق = ان كان تنبت في عفيف إعثريه وعتابه الهيلا لها اغصان واوراق = شجرة كرم .. في ديرة العز حيه عز الرفيق اليا تكدر والا ضاق = وكسابة الناموس .. في كل هيه قلته وانا ربعي لي حزام وارواق = سمو البقوم .. متيهين المطيه والله يجعلني مع الناس صداق =واقول قول الحق .. ولا عليه[/poem] |
حجز اول
ولي عوده |
والله والنعم فيك يالبقمي
ولاهيب غريبه على المغايره اهل كرم وانت تستاهل صح لسانك على هالجزله فيمن يستحق تحياتي |
انت كفو يالبقمي
والمغيري وعتيبه يستاهلون ولا هي غريبه عليهم لله درك تحياتي.. |
عواض العازمي
الله يحييك ياعواض .. بانتظارك |
ونعم فيك يالبقمي سبعة انعام
ونعم بالممدوح والله يديم المعروف بينكم صح لسانك واعتلا شانك ولاهنت |
[align=center]ياسلام سلّم
وعتابه الهيلا لها اغصـان واوراق شجرة كرم .. في ديرة العـز حيـه صح لسانك قصيده جميله ومعاني عذبه لك فائق الاحترام والتقدير تحياتي[/align] |
ابن راشد,محمد
., ونعم والله فالبقوووم ولا عليك زووود والمغـــايره يستاهلووون المدح وازوود, اهل كرم واهل فزعه ودايم على الطيب سباقه وصح منطوووقك وفكرك,, ولاهنت ودمت |
بدر ناصر المورقي
الله لايهينك .. وصح بدنك وماعلاك زود .. شاكر مرورك تحياتي |
غالب الظاهري
الله لايهينك وماعلاك زود شاكر مرورك طال عمرك تحياتي |
وعتابه الهيلا لها اغصـان واوراق
شجرة كرم .. في ديرة العـز حيـه الله الله صح لسانك وعلا شانك ولاهنت دمت بخير |
سعود ناهض الرويس
الله لايهينك وماعلاك زود .. وصح بدنك شاكر مرورك طال عمرك تحياتي |
الاد روق مرجحين الموازين
الممدوح يستاهل والمادح كفو صح السانك 10000000000000 |
محمد
صح لسانك وابو نايف يستاهل هو وربعه تقديري |
وانت سالم يالبقمي
ونعم وسبعة انعام ونعم بالممدوح وسبعة انعام صح السانك مدد ،، ودمت بخير |
محمد مرزوق السميري
صح بدنك ولاهنت طال عمرك مرورك اشادة تقبل التحيه |
والله وسبعة انعام فيك وفيه يبو راشد
ابونايف مشهود له بالعلم الغانم. ويحري به ويستاهل المدح عزالله .. اخوكم , |
محمد راشد
صح لسانك ولاهنت يالقرم والنعم في البقوم والمغايرة يستاهلون العلم الغانم والمدح . تحبات اخوك |
عبدالمجيد هايف
ماعلاااااك زود طال عمرك الله لايهينك ردك اشاده يالقرم .. ومرورك شرف صح بدنك وتقبل التحيه |
المبدع القدير / محمد بن راشد
يا مرحبا مليون اي والله مبطي ما قريت لك جديد وقدمت هذه الكايفه في من يستحقها وانت كفو ولا عليك زود يا القرم صح لسانك مدد ومنوّر يا بو راشد ، .. |
محمد بن رشيد
ماشاء الله عليك متمكن بجميع اغراض الشعر صح لسانك بلا عدد ومليون نعم بعتيبة الهيلا .. تقديري ومتابعتي اخي .. |
مضحي السميري
صح بدنك طال عمرك والله لايهينك تقبل التحيه |
| جميع الأوقات بتوقيت GMT +3. الساعة الآن 09:19 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية