عطر السكون !!
 

السلام عليكم ورحمة الله وبركاته

اهدي لكم هذه القصيدة .. علّها تلقى القبول والاستحسان ..



:


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ملامح ذكريات .. وبرهة اوقات .. وحديث الذات = على شاطي .. بحر ليلة ضياع ٍ .. جوّها هادي
ضياعي / منهل اوجاعي / وداعي / قلبي اللي مات = سبب صدمة فراق ٍ .. لو تبين اسبابها .. عادي
فراقي / واحتراقي / واشتياقي .. في زمن يقتات = من احلى حب .. عزّاني رحيله .. ضيقي البادي
اضيق .. ولا طريق.. الا مضيق .. الفُقد والحسرات = افيق .. ولا صديق .. الا بريق .. امسي وحسادي
تشبعّت .. بصمودي من قيودي .. واسود الاوقات = ركنّت لنور .. درب الذكريات .. وحزني اقنادي
عرفت اني غريب بواقعي .. مُستنفذ الحيلات = عرفت اني على باب الرحيل .. انقش : من اسنادي؟
لويت اذراع صمتي .. للرحيل .. وحسرة اللي بات = زهيد بكل ما يملك .. وانا زُهدي من اعتادي!
وفيّ .. لكن من اللي يستحق الحب .. والابيات = وفيّ .. لكن خسرت الحب كله .. و اعرّض امدادي!
لو انه حُب .. فوق الوصف .. وألجمّ معجم الكلمات = عزاي .. اشيل .. عذر اول حبيب .. لطعنة اندادي
وفاء عشرة .. يكفنّها وداعي .. بالزمان الآت = ورى حدب ٍ .. يقوّسها الضياع .. وغربة افوادي
عذابي .. يا اعتذابي ..من كتابي .. طيف .. بالصفحات = اغني له .. وانا استعرض سطوره .. ضاعت امجادي!!
بداية.. من فراق الحب الاول .. واعمق الطعنات = نهاية .. باللهيب اللي .. حرف وجهي .. عن ابلادي
رحلت انزف حياتي .. والشموخ .. يقودني بسكات = رحلت .. وسكرة الموت .. الرفيق .. وصفق الآيادي
رحلت .. اقطف من الذكرى .. ثوان .. من اجمل اللحظات = واعيش ابها .. ورى باب الوفاء .. واستلطف اسهادي
تكبّدت العنا .. بين الجروح .. وهادم اللذات = غريب يغيب زولي .. لا احتضرت .. بشوفة اسيادي!
تعبت من الفراق .. وضاقت اعيوني .. من العبرات = مثل ما ضاق .. سدّ الماء .. من الطوفان والوادي
رحيل .. اربع سنين .. بغبة الذكرى .. مع الآهات = كفيل انه .. شفى جرحي .. ومات الجرح .. واعنادي
سجدت .. استنجد الله .. في طريق يجبّر العثرات = وانا بين الرياح .. وهقوتي في ربي .. اوتادي
عرفت ان البشر .. فيهم يخيب الظن والهقوات = وثقت .. اني تحت رحمة وليّ العرش والهادي
رخص حب / وصرخ قلب / وبكت عين / وشكت نظرات = و أفلّ نجم / وبزغ نجم / وذرف جزن / وعزف شادي
طويت مع اللحن .. فصل الحزن .. من عمري اللي فات = كتبت .. الحب الاول .. هو سبب .. موتي وميلادي!
تنفست الصبر .. لأجل الفرح .. يستنزف الضيقات = صدحت من الفخر .. وش مات .. ياايامي .. من اعيادي
بديت ابني .. مع الآخر .. تواصل .. وانثر البسمات = بديت .. اجمع شتاتي .. وارميّ احزاني .. على اصفادي
الين استشرّب القلب .. الفرح .. وانكف عن السجات = وطاب النوم .. في ليل السكون .. و نفحة الكادي
رغم عطر السكون .. وليل داجي .. والتعب خذ / هات = وقفت .. انظر مع الشباك .. واطلق للمدى .. اجيادي
على مد النظر .. نور احتفال .. ولآفته .. واصوات = عليها .. ما جذب عيني .. وسمعي .. واجلّ ارقادي
سريت احضن من النور .. الشعاع .. وخطوتي .. خطوات = قربت .. وهزّني .. بين الزوايا .. صرخة امنادي!
هنا .. يا مرحبا بك .. حُلّ ضيف .. وتعرف العادات = قلطت .. وعادني .. في مجلسة .. وبجانب اقيادي!
تشبعّت .. بجروحي .. من وضوحي .. و اكتفّت غابات = صبرت ولا انكسرت .. وغربتي .. بوابة ارشادي!
اسامر .. صوت الامس .. بذكرياتي .. وارفع الرايات = و ألملمّ .. للصدى .. حاضر شتاتي .. وأربطّ اجهادي
يزف الامس .. ترسانة صمودي .. و أدحرّه مرات = واناظر .. في مضض .. طيف الفرح .. والحاضر ألحادي
على الماضي .. غبار الوقت .. لا جيت .. اختلس نظرات = ما اشوف الا .. سنآ جرحي .. يلوح .. بعتمة افوادي
وفيّ .. لكن جزاي .. ارحل جريح .. وقصتي بأبيات = جريح .. وسكرة الموت .. الرفيق .. وصفق الآيادي![/poem]




وسلامتكم ..

مع فائق التقدير ..
اخوكم .. ابو نايف

الله ... الله ... الله


ياصباااااااااااااح الشعر الشااااااااااااااااااااااااامخ



حجز وانا اخوووك

ياحلو فلسفة الشعر الحقيقي


هذا هو الأبداع هذي الفلسفه المطلوبه فالشعر



لله درك وصح السانك دبل


أعجابي

ياسلاااام


وشعر معطر بالجمـــاااال !!


شامخ الشامخ


صح لسانك .

شامخ قسم بالله النص شامخ

شاعرية فذّه وقدره على الابداع

صح لسانك واعتلا شانك ولاهنت

تقبل تحياتي ومروري واعجابي

مرحبا بك يا محمد ومرحبا بحضورك ..

صبااااااااحك اجمل دائما ً

حجز مؤكد ومرحبا بك دائما ً
تقديري .. اخوك ابو نايف

الله الله يا شامخ


صح لساااانك حتى ترضى


تقبل مروري المتواضع


خالص مودتي

,,



وفـاء عشـرة .. يكفنّهـا وداعـي .. بالـزمـان الآت
ورى حدب ٍ .. يقوّسهـا الضيـاع .. وغربـة افـوادي


/


وفـاء عشـرة .. يكفنّهـا وداعـي .. بالـزمـان الآت
ورى حدب ٍ .. يقوّسهـا الضيـاع .. وغربـة افـوادي



يا سلام عليك يابو نايف


شامخ وقصيدتك شامخه


عز الله العزيز


انك ارويتني شعر



قصيده تخطف الانظار

تبحر معها لعالم الجمال والابداع


شكرا لك ما قدمت في هذا النص الراقي




/


مودتي

ياسلام الله على الابداع المتفّرد

شامخ الشامخ

صح السانك مدد ،،

وسلام الله عليك

صح لسانك ياشامخ

الله الله الله الله


شامخ الشامخ


لله درك


جزله وااافيه من شاعر جزل


تقديري واعجابي

اخوك

رحلت .. اقطف من الذكرى .. ثوان .. من اجمل اللحظات
واعيش ابها .. ورى باب الوفاء .. واستلطف اسهـادي



شامخ القصيده هذي غيررررررررررررررررررررررر



صح لسانك يامبدع ولا هنت



شدتني من أول بيت لآخر بيت



تحيتي لك

صح بدنك ولاهنت يا عايض
شرفتني بمرورك وحضورك الراقي ..
اعجابك شرف ياعايض .. لك كل التقدير .. اخوك ابو نايف

الشامخ شامخ !


رائع


ومبدع


وعذب !


:)

اتركني هنا حتى اذهب !

شامخ لي


عوده

مرحبا بك يا عبد الله ..
شرفتني بتواجدك وحضورك الراقي ..
وصح بدنك ..

لك تقديري .. اخوك ابو نايف

الله الله



صح لسانك ياشامخ ولاهنت


جزله من جزل



تحياتي ومتابعتي

مرحبا بك يا سعود ومرحبا بوجودك
ما كتبت وسام على الصدر لا عدمتك
يشرفني اعجابك وتشريفك
صح بدنك ولاهنت .. مع تقديري لك ..اخوك ابو نايف