قصّة العود الكبير اللي خذن عمره بناته !
السلام عليكم ..
: ماغار مبطٍ مادوديت ، افقلت اشارك بهالبويتين :) .. [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ياقريحه من هجوس الشعر وألا النثر هاتي=اتركي سيئه وهاتي مايليق من احسناته والحقيقه كان منتي مستفيده من وصاتي=كل من مثلي لقول الأكلبي : " ياجب سكاته " ما عليّ خلاف في هالشأن لو طوّل سكاتي=من يفوته هرج نقص المعرفه ماشي فاته مير أنا لا من طرالي علم مانيب امتواتي=لين أوثّق وأتحقّق منه وأنهي مجرياته والجديد المستجد اللي بدعته بدع ذاتي=من سمعه يقول عوّذ من بليس وْهَمَزاته اسمعوني زين وأوحوا ياخواني ياخواتي=أبا أصرّح به يافقر الذيب وألاّ ياغناته ياجماعه قمت أعاف النسل في تالي حياتي=عقب شفت الشايب اللي مات من سبّة بناته جاب له بنتين يبغى العز منهن والنجاتي=وحده أوجعته والأخرى كمّلت باقي حياته مشكله صارت وحارت عندها عقول الثقاتي=ويوم أقول العلم هذا خفت لا أسوي سواته شائبٍ عند العرب محبوب في كل الجهاتي=ملتزم بالدين وسلوم العرب من واجباته مايعيل ولا يميل ولو بقى التيار عاتي=كم تعرّض للنوايا السود مير أعلن ثباته حافظه ربه بوقت القيظ وألاّ وقت شاتي=ثم ربعه طيبين ومحتمينه من عداته ودّي أسهب وأشرح القصّه وأبلّغكم وصاتي=مار أبا أروح أدفن الميّت وأبا أصلي صلاته ![/poem] وعفاكم :) .. |
الله الله الله
عبدربه حيااااااك الله وبياااااااك لاتستغرب الرموز من الرموز .. والابداااع من المبدعين جاب له بنتين يبغى العـز منهـن والنجاتـي وحده أوجعته والأخرى كمّلت باقـي حياتـه تقديري لكـــ |
مرحبا مليون يابومحارب ،
والمحاوره اللي تقولها مانيب وياها ألايف :( أحيت ؟ ناظم ايه ، أمّا غيرها مالكم لوى ى ، والدليل أعلمك ابه شوي .. محمد الزراقي :) هلاوين يابعدي .. وأنت أكبر رمز عندي عسى عمرك يطول على الطاعه :) عاد يوم الله جابكم ، ودي انكم تعاونوني على المبدأ ، أشوف تسنه ملتوي :( يقول يابنات ، وبعدين يقول هاتي كيف أعدّل يابنات إلى مفرد ؟؟ بقّطتها على ياقريحه وعلى ياوسيمه وليا ماااااااااش .. .. |
أبومحارب :)
أنا أعرف سبب وفاة القريحه ! ماهيب بعيد عن سبب وفاة العود هذاه ! :) |
[align=center]الله عليك
ياعبد ربه صح السانك ويالله الذريه الصالحه:) بدعت فامتعت تقبل اطيب تحيه[/align] |
واحلالاه
ياخوك . انت اذهلتنا والشاهد الله ولافيها غير الزين والله اني رجعت واهوجس وليتني اقدر اجاريها تحياتي لك وللرجال راعي القريحه |
اللـــيل اللـــيل اللـــيل
<<< حنا صبح يالاخو :) الله يرحم العود يبوعتيق ويعوضه في آخرته :) وصح لسانك ,,, اشهد بالله انه الشعر الصح اللي يدرس دراسه يامعلّم عنّما على قولتك بالنسبة للمطلع ,,حتى لا يصيدنا واحد من ابقيق ويمتحنا :) قل يابنيّة فكري الصافي من المنتوج هاتي اتركي سيّه وهاتي لي من الفكر احسناته <<< اصبح اصبح :) اسمح لي بالمرور هنا كثيرا جدا :) وسلامتك انت وفكرك الصافي |
عبدربه
صح لسانك . |
اقتباس:
ياسلام .. ياسلام .. ياسلام .. أبو حواء الله العظيم انها سبيكة ذهبية مصبوبة صب لله درك شاعر ورمز ومبدع وفكر غير غير ماشاء الله اعجابي ومحبتي ياشيخنا :) تقبل مروري اخــوك |
ابو حواء
صح لساااااااااااااااااانك لين ترضى على هذا النص |
عبدربه , انت تسيف قلت ابها , الوكاد انك اختصرت السالفه
ولايخفاك الاعجاب والكبير بكل ماتنتجه قريحتك المباركه محبتي الدائمه لك ولأبداعك , وصح لسااااانك :) |
يا (فتاة) الفكر هاتي من هجوس الشعر هاتـي
اتركي سيئه وهاتي ياهجوس مـن احسناتـه فكره جديده و صوره جديده يا ابو حوّا:) صراحه القصيده قويه في دواخلها و الله يكفينا شر دواخلها لكن انت ما ترهول عبث يا ابو حوّا انما الشاعريه هي ما تعنينا و اشهد انك مليان منها تحياتي يا عمي |
يابنات الفكر هاتي من هجوس الشعر هاتـي
اتركي سيئه وهاتي ياهجوس مـن احسناتـه الله الله <<< يبا يشارك هيه يابنت الفكر هاتي جديد الشعر هاتي تبا علمي عز الله إنك شاااااااااااااااااااااااااااااااااااااعر ومبدع |
حجز لين اقرأ مجاراتها
|
ابو حـــــــــــــــــواء
هالحين انت وش تقول يعني تبانا نعلمك ونساعدك اقول اقول اقول خلك تمغط فالقرايه شوي وهين عساك تبطي حي صح السانك تقبل سلام اخوك معدي - |
الله يرحمه ويرحمنا يابوحواء ..
ابداع لايستغرب عليك وذي طبيعه فيك عساها ماتنقطع.. سوف ارجع للمتصفح باذن الله لكي اتعلم واستفيد من الصياغه التي يتفرد بها عبد ربنا .. |
أبو حواء .. المؤنث المجازي الجمع .. يخاطب بالمفرد :)
حجز لين أعود :) |
مشكله صارت وحارت عندها عقول الثقاتـي
ويوم أقول العلم هذا خفت لا أسـوي سواتـه شائبٍ عند العرب محبوب في كـل الجهاتـي ملتزم بالدين وسلوم العـرب مـن واجباتـه مايعيل ولا يميل ولـو بقـى التيـار عاتـي كم تعرّض للنوايا السود ميـر أعلـن ثباتـه مدهش يابو حواء كالعاده وقصيده غامضه غموض النير صح لسانك مدد بلا عدد :) |
ياسلام ياسلام ياسلام
الرمز عبدربه ابداع وجزاله الله لايضرك اي والله |
عبد ربه
صح السانك مدد ،، ودمت بخير |
خلوووووووها
ههههههه <<<<<<<< هذا المستخدم منحاشteeth: صح لسانك يارمز <<<< مدري ليه لا سمعت رمز ذكرت عبدالرحمن ابن سعود (jar- |
قراءه واحده لا تكفي
:) لذلك أنت شاعر بالفطره ، ولا تأتي إلا بكل ما هو جزل :) تحيتي ،،، |
| جميع الأوقات بتوقيت GMT +3. الساعة الآن 07:33 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية