جنوبٍ من الخفجي, شمالٍ من المصفاه
نصّ كُتِب أثناء مُناسبته..
حنيف إبن لفا الذيابي أم رقيبه على الأبواب والمعني! أحد المُشاركين..أرجو التوفيق له وللجميع: هلا مرحبا مليون..بالعِلْم واللافين ,,,,,,,,,,,,,,,,,,,, ياحيّ الخبر..راسي معه طال يوم اوحاه ياعلمٍ ينومسني, ويرقى بفكري..لين ,,,,,,,,,,,,,,,,,,,, يعانق بي اِسهيل اليماني.. بعد مبداه ياعلم السعد,علم الفخر..نومَس الحييِن ,,,,,,,,,,,,,,,,,,,, من اِعتيبه اللي مجدها عاليٍ مبناه وكلٍّ يقول اِليا سمع بالخبر: نعمين ,,,,,,,,,,,,,,,,,,,, وكفو بالرفيق اللي تجيب الفخر يمناه ويستاهل البيضْا الولد طيّب الجدين ,,,,,,,,,,,,,,,,,,,, ويزيده فضل ربٍّ وهَب,واِرزقِه,واعطاه بعد قالو:اِحنيف السعد راعي الذودين ,,,,,,,,,,,,,,,,,,,, خيار البل اللي من ملكها ملَك دنياه نقى الذود الاول من شيوخٍ..لهم تمكين ,,,,,,,,,,,,,,,,,,,, على نجد.. والشغّار! مَجدٍ محد ينساه وراحت بقلب حنيف يحدا لها عامين ,,,,,,,,,,,,,,,,,,,, ليا اقصى ديار سبيع..واقصى الصداوي جاه وجاه الخبر عن ذود شيخٍ..تمركى بين ,,,,,,,,,,,,,,,,,,,, مناعير.. من نجران لين الكويت اِعصاه وتنقّى خيار الوضح من ذود اِبن حثلين ,,,,,,,,,,,,,,,,,,,, بخمسة ملايين اِمتلك نقوته واغلاه ماجاته عطى ولا هدايا ولاهي ديَن ,,,,,,,,,,,,,,,,,,,, فرا الكيس من نصّه, وخشم الريال ارخاه مغاتير ترعى فيْ الحيا والربيع الزين ,,,,,,,,,,,,,,,,,,,, جنوبٍ من الخفجي, شمالٍ من المصفاه فيْ ضفّ الكريم اِبن الكرام احمر السكين ,,,,,,,,,,,,,,,,,,,, ضيوفه تباشَربه, وربعه فخر تنصاه مع اِعتيبه الهيلا بوقت اللزوم يبين ,,,,,,,,,,,,,,,,,,,, ومع آلاد ذايب عزوته في الصدر مركاه ومْا اغلاه عند اِمطنّخ الروقه الغالين ,,,,,,,,,,,,,,,,,,,, وغالٍ على برقا هل الصيِت واهل الجاه وجميع القبايل عن حنيف السعد دارين ,,,,,,,,,,,,,,,,,,,, شهر بينهم مثل اشقرٍ طيِّبٍ مجناه على كفّ نايف جايبه من حدود الصين ,,,,,,,,,,,,,,,,,,,, وعلى آخوه عبداللْه زعيم البلاد اهداه علومه تسرّ الصدر, فعله يشوق العين ,,,,,,,,,,,,,,,,,,,, ياخال السعد يامال طول العمر والله حنيف الذيابي له براس الرفيع سنين ,,,,,,,,,,,,,,,,,,,, رقى قمّته..والمرجله والفخر مرقاه تفاخربه العتبان الاقصيَن والاقصيَن ,,,,,,,,,,,,,,,,,,,, من اقصى بحر جده..لبحر الخليج اقصاه وياخالي وتلقاني معك فيْ العسر واللين ,,,,,,,,,,,,,,,,,,,, تقبّل مشاعر من بناخيك..مايهناه! سوى شوف خاله مهتني ضاحك اِحجاجيَن ,,,,,,,,,,,,,,,,,,,, وجعل الردي واللاش واهل الحسد تفداه وَلا لي هدف فيما كتبته سوى ثنتين! ,,,,,,,,,,,,,,,,,,,, تجاوز قصوري, واِقبل ابياتي المهداه وسلامة الجميع |
حجز ، والتكله على الله . . :)
.. |
الله الله
الله الله والله ونعم بالولد وخاله قصيده محكمة السبك والحبك من مطلعها الى اخر بيت عز الله العزيز انها كايفه كايفه كايفه |
[align=center]الغالي عبدالرزاق الذيابي
قلت وطلت وكفو صح لسانك وقلبك وفكرك تقديري واحترامي كن بخير[/align] |
الله ..الله ..الله
نص ولا أروع ياعبدالرزاق .. يستاهل /حنيف بن لفا .. ونعم مليوووون بالخال ..وابن أخيه :) أرق التحايا .. |
عز الله انها تنومس يا ابن مخلد
ويستاهل ابن لفا هالمدح وصح لسانك على هالفائقة يا عبدالرزاق |
الله الله
يا سلام يا ابو هاااني عز الله انك ابدعت وحنيف يستااهل ويستاااهل صح لسااانك ملالالالايين ولا هنت يالغالي تقديري . |
نسأل الله للمشاركين التوفيق
عبدالرزاق صح الله لسانك |
بعد قالو:اِحنيف السعد راعي الذودين
,,,,,,,,,,,,,,,,,,,, خيار البل اللي من ملكها ملَك دنياه نقى الذود الاول من شيوخٍ..لهم تمكين ,,,,,,,,,,,,,,,,,,,, على نجد.. والشغّار! مَجدٍ محد ينساه عسى الله يوفقه قولو آمين صح لسانك واعتلا شانك عبدالرزاق مبدع لله درك تقبل تحياتي ومروري يا مبدع |
وكلٍّ يقول اِليا سمع بالخبر: نعمين
ومليون نعم.. فيه وبعتيبة صح لسانك بلا عدد ابدعت في سبكها وحبكها تقديري اخي .. |
الله الله
يا سلام يا ابو هاااني عز الله انك ابدعت وحنيف يستااهل صـح لسانك ولاهنت |
عبدالرزاق الذيابي
والنعم بحنيف والله يوفقه وكل المشاركين ، والنعم بك وبمطنخ الروقه وبرقا وعساهم قويين ، صح لسانك لاهنت يالقرم تحيات اخوك |
ياسلااام
عبدالرزاق الذيابي عز الله كتبت ومدحت ويستااهل حنيف صح لسانك . |
ياسلام
ياسلام يستاهل وأنت كفو صح لسانك مدد بلا عدد تحيّاتي لك يا عبدالرزاق |
:
: ياسلام ياسلام ياسلام الذيابي شاعر جزل وافي وكفو صح الله لسانك تقبل مروري |
الله الله
يا سلااااااااااام يا عبدالرزاق صح لساااانك على هذا النص الفاااااخر والشااامخ تقبل مروري المتواضع خالص مودتي |
يا سلام يا عبدالرزاق
ونعمين بحنيف الذيابي ويستاهل الله يوفقه وصح الله لسانك وسلمت |
والله وسبعة انعام
صح السانك على الجزاله والحبك والسبك ودمت بخير |
حي والله الخال و بناخيه :)
عبدالرزاق الذيابي قصيده كايفه و مطنوخه لله درك وحنيف بلا شك انه رجل يستحق منك اكثر من القصيده لله درك و صح لسانك وبالتوفيق لحنيف ان شاء الله تقبل سلامي و متابعتي .. |
مرحبا يا عبدربه
تسلم ويطول عمرك تحياتىىىىى لك |
| جميع الأوقات بتوقيت GMT +3. الساعة الآن 02:01 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية