ميقاف الشجيع ...
السلام عليكم ورحمة الله وبركاته
والله ماعندي عذر للغياب لكن مرّروا هذه المتواضعه [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"] الا يالله بعفو ٍ منك يالله يا عزيز الجاه = انا عبدك وابن عبدك ضعيف وحالتي حاله انا الأمي وانا الجاهل وانا اللي ما يحسب خطاه = وانا بنـّاي بيت العنكبوت بسوءة أعماله وانا اللي شاري ٍ دنياه بالغالي وباع أخراه = وانا اللي صارف ٍ له راس مال ٍ ماهو بماله وانا اللي للهوى يطرد وطرده محفي ٍ سمراه = وانا اللي باركلـّه عند حمل ٍ ترغي اجماله وانا اللي لو يطم الموج مايدري و ويش ادراه = يغرّه زود نقص ٍ فيه عن جرد الوطى شاله وانا اللي ظالم ٍ نفسه قبل يظلم هذاك وذاه = وانا اللي فالعرب من ضيق منظوره يورّى له وانا اللي سكّر اسموعه وانا اللي ماشي بعمياه = وانا اللي شارب ٍ حتى العمى والورع فنجاله وانا اللي شاف بعيونه عمى قلبه وعمي أرياه = وانا اللي شين فاله مار فال الله ولا فاله أنا اقوى قلب من حيد المنيف الراسيه صمّاه = وانا الين عظم من قلب التقي لا كبّر الحاله وانا اللي عدلته ياقربها قرباه من عوجاه = وانا اللي شاف حاله لين حاله صار يرثى له وانا مخلوق من ماء ٍ مهين .. وطين .. ومعاناه = وانا اللي ما يشوف امن السما لو قاعة بياله وانا اللي قوّم الساعه وطاول مع رعاة الشاه = مباني مع ذعاذيع الصبا فالصبح منهاله وانا اللي ما ستر عيبه وقام يعيب خلق ( الله ) = وانا اللي يجزعه ثوبه ومال براسه اعقاله وانا اللي لو يجوع يرم كلْ شي ٍ يبا يلقاه = وانا اللي لو ظمى يمتصّ ابوه وعمّه وخاله وانا اللي لو دعا ماهي غريبه ما يجاب دعاه = مدام أنّي من اللي ما يصدّق كل ماقاله انا الانسان لو أنّه يحط الكون الكون في مخباه = جداه اضعيف واهو اضعيف مهما كانت افعاله أنا المسكين انا اللي معترف فـ / أيّة خطا سوّاه = انا اللي حسنته ما غير لله يشكي أحواله أنا ياويش أنا .. ماني بشي ويالله المنجاه = أنا داخل عليك امن الحشَر والبعث وأهواله وقفت الحين ميقاف الشجيع قليّل الاشباه = يزوده عز يومنـّه وقف لله تذلاّله مدام أني ماعندي شي عن رب العباد أكناه = درابي كاين ٍ من كان غيره مالي وماله ثلاث اليال والبارق ينوض ولا سقاني ماه = وخمس امرار سال الشعب ما كنّي على جاله تفرّق ماه عن زابن جبل ( كنعان ) للمثناه = وانا ماني مثل كنعان ، أنا قنعان بخياله عسى الله مايسجّلني مع المحرومه المعطاه = ويرحم عبده اللي ما قنط من رحمته ( لآله )[/poem] |
الله اكبر
الله اكبر حجز ملكي ! :) |
اقسم باللي خلقني يا عايض
انها من اروع ما قريت من فتره ماهيب قصيره شعر ورب البيت شعر ورب البيت يالله يالقصيد اللي يهزك من علوّك لا اسفلك ! ارجو من ولاة الامر ( الاداره ) نقلها الى الشعبي .. بدون نقاااااش ! اعجاااابي ! |
2222222222
حجزززز وبعدين انت وين غايب ؟؟؟ |
ماعليش الرد ماهوب جاي غار فالشعبي
تحياتي ؛؛؛؛؛؛؛ |
استاذي / خالد الحصيّن
حجزك يطول وجه أخوك ومكانه ومكانك فالقلب |
الله وكبر
صح لسانك يالسمًي :) تحياتي اخوك : عايض عبدالله |
رد يا سعووود الحين :)
|
ماشاء الله تبارك الوهاب
استاذي / عايض النفيعي والله مدري وش اقول لاكن قصيده غير غير غيررر اسئل الله العضيم ان يجعلها في موازين حسناتك صح لسانك الى رضاك تقبل مروري المتواضع اخوك |
ماشاء الله تبارك الله
سبك ذهب عيار 24 وصب حديد من النوع الغالي اللي ماتقدره سابك لله درك وصح لسانك وللامانة جميع التعابير تخونني في مثل هذا المقام لأني أجد نفسي اقل بكثير من التعليق عايض النفيعي لاتحرمنا من هالنوعية و برايفت للحصيّن واربّك اشوى الحين ياخالد :) تحياتي |
عايض النفيعي
والله قصيده جزله وشاعر جزل وصح لسانك على هالقصيده وسلم بنانك وتقبل مروري المتواظع دمت بود |
الله الله الله
يا سلا يا عايض على هـ الشعر الصح ابداع ابداع ابداع شعر صح . فكر صح . ابداع متنااهي / لله درك / والله لا يضركـ تقديري . .. . |
عايض النفيعي
لا اله الا الله .. ماشاء الله عليك مااقول غير صح لسانك مدد ماهوب عدد نص فارق وشامخ من شاعر تعودنا منه على الابــــــــداع مازلت اقول انك شاعر خطير واعجابي بك كبير سلامي عليك .. |
.
/ . \ عـايض النفيعي / صـــ ح لسانكـ . ، اكتمال العزة والسمو في الذلل والترضع لله ، ابيات اخذتنا الى اجواء روحانية عجيبة الطهر في الابيات والنقاء في الالفاظ رائع ، ولا اغفل عن التراكيب التي لم تغيب في هذا النص وكانت حاضره بحرفنه لله درك . . دمت بخير سعد |
اقتباس:
مشاء الله تبارك الرحمن عايض النفيعي من الاسماء اللي تكتب شعر حقيقي حبك وسبك ومبنى وقاف وبحر وتمكن في غاية الروعة صح الله لسانك الى حد الثمالة ولافض فاك ويعدين وين انت غااايب :( |
اجل انا اشوى اني ماجيت ارد إلا قد انقلوها الاخوان للشعبي teeth:
عايض النفيعي ابيات والله انها جزلة وشاعرها جززل ، كانك كل ماغبت تبا تجيب مثل هاذي ، غب ولاتطول واجد هههههه صح لسانك ياعايض صح لسااانك ولاهنت يالقرم تحيات اخوك. |
عايض النفيعي :
شاعر مبدع متمكن اضف الى ذلك تملك الفكر الذي اذا افتقدة الشاعر وقع في دائرة التكرار الممل تحياتي ....................... |
عايض
صح لسانك ابدعت وامتعت لاهنت اخووك |
عايض النفيعي
لله درك لله درك لله درك مبدع وجزل دائما ما شاء الله عليك قصيدة شامخة بكل ما فيها من ابتهال وندم وتوبة وابداع شعري تحيتي وتقديري واعجابي |
عايض النفيعي
صح لسانك مدد , قصيده راااائعه وعسى الله يفرج كربه كل مسلم تحياتي لك .. |
..
النفيعي / عايض .... هذا الشعر الحقيقي روحانيه متناهيه اتسمت بها هذه الدره النفيعي / استطعت اجبارنا على الوقوف امام هذه الشامخه لاطول فتره ممكنه / .. صـــ ــح لسانك يامبــدع / تــ ح يـــتي |
مرحبا مليون يا عايض
وعزالله انها شعر صحّ من اولها الى آخرها والله يكتب لك الاجر صح الله لسانك مدد واعجابي ومتابعتي |
| جميع الأوقات بتوقيت GMT +3. الساعة الآن 05:29 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية