بسم الله , والسلام عليكم والرحمه من الله




//
/





مني العذر , ومنكم المغفره
عسى ان تعذروا لي غيابي , بـ هذه...
//
/


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تعبت في دنيتي من حظي آعاني=وْمن المشاريه لا جتني تحاسبني
تعبت أفكر بـ .. نفسي كنّي آناني=وتعبت يا شيء من مده يجاذبني
وتعبت من كثر مافارقت خلاني=وتعبت [ ديّانة دموعي ] تطالبني
وتعبت في زحمه الأفكار , وحداني=وتعبت يا هم , من صغري مصاحبني
وتعبت حتى مع اني أصغر اخواني=آقول لـ .. أكبر هموم الناس [ يا ابني ]
حتى شبابي ذبل , وأحرقت بستاني=وأنهدّ فيني طموحٍ كان بي مبني
حتى ليا جيت أغير [ سُود ] ألواني=لا أخترت لي لون , يطلع ما يناسبني
ولاهوب انا اللي أعاني , غيري ْيعاني..=حتى ضميري تعب من كثر ماْأنبني
[وإلى هنا] خط , نقطه , نقطه , ْو ".. ـآني"=بـ .. ابدأ قصيده , جديده عجزها ".. ـئبني"
يا تلّ قلبي على اللي راح ماجاني=خلٍ وانا فـ .. السعوديّه .. مغربني
لاجاء على البال ضقت وضاقت أوطاني=واضعف دموعي على فرقاه , تغلبني
كان بوجوده يشتت فيني احزاني=نملك بعض , وأعجبه وأقول تعجبني
ولأننا كل واحد يملك الثاني=آقول [....... ـتي] , ويقول [متعبني]
واليوم غاب وتركني داخل اشجاني=أصيح له [مآاتحمّل يا معذبني]
وين أنت ياللي عليك الخافق أذّاني=والشوق في غيبتك صاحي , وغلّبني
قلبي عليك وإليك وفيك وصّاني="أسبح لك" .. وموج حظي , عنك يسحبني
وتعبت في دنيتي من بعدك آعاني=وصرت ْمتبعّثر , تعال أرجوك , رتّبني[/poem]


وسلامتكم..



في .. 26/11/2008