- ـالــبـل عــــظــآآم المـــآآل -
 

[align=center]بسم الله الرحمن الرحيم[/align]



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
(البل عظام المال ياجاهلنبها=لكن هي ماكل شيءٍٍ يجيبها)
(البل تبي رجلٍ قويه عزايمه=دايم على طرافها مشتقيبها)
قول الحكيم اللي بيوته طرايف=نوادراَ عشاقها تستضيبها
قولاَ على معنى وعرف وبصيره=وتجارب الدنيا وصكات غيبها
وحاولت اجاري جزلةٍ هيضتني=من حبها وأنا طفل مستقيبها
وأبني على كنزِ قديمٍ ورثته=حلو النبا من جزلةِ فاح طيبها
أخذت لي بيتين حسبة قصيده=من درةٍ عن غيرها مكتفيبها
بيتين من عصماً بصدري حفظتها=افخر بشاعرها وقلت ابتديبها
لها مكانه في فوادي رفيعه=اركض بها في كل محفل وجيبها
ويشوش راسي مع معاني بيوتها=وفي مجلس أهل المعرفه محتزيبها
الله يرحم من تمثل وجابها=عسى وهيج النار يسلم لهيبها
يوم السنين عجاف والجوع والضما=عبربها وأنا علي احتفيبها
لو أن وقتي مايشابه لوقته=ولابه مقارن بين ضنك ورحيبها
أنا بأمان ونعمه مستديمه=تشهد بها كل الملاء وتحكيبها
أنا بدار أهل الصخا والشهامه=أشبال من خلى الغنم جنب ذيبها
في دار أخو نوره كعام المعادي=من حده الوقت الردي يلتجيبها
الأمن والأرزاق في منبع الهدى=دارٍ حباها الله كلٍ حبيبها
دارٍ عطاها الله من زود فضله=مكانةٍ ماكل قطراً حضيبها
فيها الرخاء والعز وألف ومحبه=معظمه ومشرفه ماحليبها
الشعب واحد والمواقف شريفه=أحكامها بالعدل كلٍ رضيبها
وحكامها لشعوبها تجزل العطاء=تعطي عطاياً كل واحد دريبها
تغدق عل شعبٍ ترفه بحكمهم=رجالٍ على صنيعها الله يثيبها
والبل ذكرها الله بمحكم كتابه= عطية الخلاق ماينسخيبها
البل لها عند القبايل مكانه=كم فارسٍ فالمعركه يعتزيبها
وقدم حياته للعرابا هديه=وانكان مارد العشاير غديبها
كم رأس شيخٍ طاح في ساحة الوغا=وكم خفرةٍ عليه يفجع نحيبها
في ما مضاء واليوم ستر وعوافي=ترعى بأمان وراتعه في شعيبها
في ضل حكام الجزيره وعزها=آل السعود اللي عداها تهيبها
الله يحفظهم ويحفظ بلدنا=وماجا الدول من حولنا مايصيبها
نشكر مساعي أهل الشريعه ودعمهم=لاقفاء خضار الأرض وأبدت شهيبها
تشجيعم لصحابها زاد سعرها=من فضلهم كم واحدٍ مغتنيبها
لحمر النعم حطوا محافل مزايين=وجوايزاً تهدى لمن يرتقيبها
اليوم راعيها سعيد بحياته=ينام نومه آمنٍ مهتنيبها
يرعابها بامأن في كل ديره=ماقال أخاف أهل الطمع تعتديبها
وان بكر الوسمي تشابك نباته=ركب رحايلهاووده لشيبها
وسفينة الصحراء تقافت محيله=ودرهم يباريها يشوقه خبيبها
مره على الركبي خلاف المتالي=ومره يباريها على وسق جيبها
يازينها في خائعٍ ماوطيبه=محلى ترازمها ومزين لعيبها
يمشي وراها فالفياض العذيه=نفسه يسليها ويبعد صخيبها
يبعد عن أهل الحسد واهل النميمه=وعلوم هذارٍِ يجيك يهذيبها
ومجالسِ فيها النفاق متداول=يسج عن ناسٍ تردا نصيبها
مايغبط التجار وأهل العماير=ماهمه الدنيا ومن يبتليبها
زبدة كلامي فكرة راودتني=وحاولت أجنبها عن اللي يعيبها
لولا غلى راع القصيدة جبرني=صعيبة القيفان أنا ويش ليبها
ماشغلت تفكيري ولاهدرت وقتي=وغامرت أخذت من الجزيله سريبها
وأختامها يا سامعين الكلامي=ادعوا دعوةٍ ربنا يستجيبها
عسى جنان الخلد مقر مخلد=وعساه يسلم من لاهيب حطيبها
يالله عساها دعوةٍ مستجابه=آمين يارب الملاء يارقيبها
وارجو السموحه كان ما وفيت بالغرض=ما كل من يرمي الضريبه يصيبها
وصلوا على اللي خاتمٍ للرساله=شفيع الأمة مصطفاها حبيبها[/poem]

وسلاااااااااااااااااامتكم

الله الله


يا سلاااااااااااام


موسم


صح لسااااانك مدد


نص جميل وجزل

وحضور أجمل

تقبل مروري المتواضع

خالص مودتي

الله يرحم مخلد


ويبقي موسم



صح لساااااانك

....




وارجو السموحه كان ما وفيت بالغرض
ما كل من يرمـي الضريبـه يصيبهـا




ما قصرت يالقثامي


نص رائع


صح لسانك

ودمت بهذا التوهج

الله الله

يامووووسم

جزله من جزل

والله يرحم مخلد

اخوووك :)

موسم












ابداع ...........























قرأتها واعجبتني................ وخاصه هذا البيت


بيتين من عصمـاً بصـدري حفظتهـا
افخـر بشاعرهـا وقلـت ابتديبـهـا







لاهنت

موسم سفر

لله درّك وبيّض الله وجهك

جزاله وحبك وسبك اي والله

صح السانك مدد ،،

وسلام الله عليك

الغالي

عبد الرحمن السمين

صح بدنك

لاهنت

أسعدني كرم مرورك العطر

لك مني جزيل الشكر والتقدير

موسم القثامي


شاعر جزل وقصيدك جزل


صح لساانك لاهنت يالقرم


تحيات اخوك

الغالي

عواض العازمي

صح بدنك

ولاهنت

على الكلام الطيب

تقبل تحيتي وتقديري

موسم سفر

لله درّك وبيّض الله وجهك

جزاله وحبك وسبك

صح لسانك

صح لسانك


أخوك

موسم القثامي

مبدع مبدع لله درك والله لايضرك

وقصيده جت في وقتها صح لسانك ولاهنت

اللهم صلّي وسلّم وبارك على رسول الله

يا مرحبا مليووون يا بو سفر

والله يحييك ومنوّر المرقاب كله

سعدت بتواجدك يا شاعرنا القدير

وعدت بهذه المميزه والشامخة .. بدأت بإستشهاد وأسترسلت بإنفراد


صح لسانك مدد ،،


..

الغالي

علي الشهراني

أسعدني كرم مرورك العطر

لاهنت

وصح بدنك

لك مني جزيل الشكر والتقدير

عليه أفضل الصلاة والسلام


الله يرحم الحي والميـّت


صح لسانك مـدد


تحيتي

-


بيتين من عصمـاً بصـدري حفظتهـا
افخـر بشاعرهـا وقلـت ابتديبـهـا
لهـا مكانـه فـي فـوادي رفيـعـه
اركض بها في كـل محفـل وجيبهـا
ويشوش راسي مـع معانـي بيوتهـا
وفي مجلس أهل المعرفـه محتزيبهـا



مبدع يابو سفر دائمآ وابدآ لا عدمنا هالتواجد


صح لسانك ولاهنت


تقديري

ماهي غريبه يابناخي مخلد

قمة الجزاله

وهذا الشعر الاصلي

صح لسااانك

والله يرحم مخلد القثامي

موسم سفر


لله درك ابداع بلا حدووود


سجل اعجابي بهذه الباذخه


تحيتي

الغالي

فراج الهجيني

أسعدني كرم مرورك العطر

لاهنت

لك مني جزيل الشكر والتقدير

الغالي

نواف المطيري

صح بدنك


اطرائك يشرفني

لاهنت

لك مني جزيل الشكر والتقدير