تعب ...!!
 

.


.











نافذه أخرى للتواصل .. اتمنى ان تلقى القبول














.

.












[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ميزتي اعرف مزايا خافقي وعيوبي=وعيبك انك تجهل احساسي وشوق ايديّه
انسجنت بعينك النجلا وعفت هروبي=وصار مالي عن مدى عينك مراح وجيّه
يبتسم لك ( جرح حبي ) واستره في ثوبي=له ثلاث سنين فاقد لمسة الحنيّه ...![/poem]












.

[align=left].[/align]






[poem= font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=left use=ex num="0,black"]

يكبر سكوتي لاتصاغرت بوحي=وتهزني ذكرى الوصل لا طرالي
مافاد دمع الشوق شرهة جروحي=ولا جاوبت عبرة غيابك سؤالي
علقتني واغتلت نشوة طموحي= بين الغياب وضيقتي وانعزالي ..![/poem]





[align=left].[/align]

.







[poem= font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

الشعر قنديل الليال المقابيل =وانا على رجوى وصالك نظمته
ياصاحبي محتاج لمواصلك حيل=لو ان غيظي في فراقك كظمته
تعال لي .. كل امنياتي مقاتيل=ما عاد باقي غير دمع ٍ زهمته
لد النظر واترك جمود التفاصيل= خل الهدب ينسى بهاذيل صمته
في قربك الدنيا قصيد وهلاهيل=وفي بعدك الحظ الردي ما احترمته
انسى المفارق والعنا والبهاذيل =واذكر طريق ٍ بالمحبه رسمته
مدري وش اهدي للرموش المظاليل= ما عندي اغلا من قصيد ٍ حشمته ..![/poem]















.

[align=left].







[poem= font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

الحب غير .. ودمعة مفارقك غير=يوم انزلت حسيّت بإحساس ثاني
ماكنت خايف لو تطول المشاوير=خايف من غيابك تغيب الاماني ..![/poem]







.[/align]

.







[poem= font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=left use=ex num="0,black"]
يا غاليه لا اعترى ملامحي صمتي=عزمت خضر الطعون وجيت بأشواقي

ابغسل جروح قلبي لا تبسمتي=واشتت الحزن واجبر شرهة احداقي

اتعبني الحلم وانتي ما تكلمتي=عن رحلتي للضياع وعمري الباقي

ليتك على طول حرماني تندمتي=ما كان مات القصيد بحزمة اوراقي

وليتك من البعد والفرقا تعلمتي=ما كان سال الفراق ولاح براقي

ياللي على عرش خفاقي تزعمتي=ردي شعور الوصال لنبض خفاقي

يا سيّدة شعري ليّا من توهمتي=طعنت قلب الخيال ولا بقى باقي

لو حدك الوقت عن خفاقي وصمتي=جمعّت كل الجروح ورحت لغراقي

يا غاليه لا يغرك حزني وصمتي =حزني ( طعوني ) وصمتي ( لهفة اشواقي )[/poem]







.

.







[poem= font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

قم جمّع شعورك وجمّع بقاياك=وخل المشاعر ترتوي من غيابي

ماني على ظنك وخبرك وهقواك=سكّرت عن بعض المشاوير بابي[/poem]





.

.






[poem= font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

نسيت ألاحلام والذكرى يا مضنوني=واللي بقالي من ألاحلام طاريها

العام تستكثر الفرحه على عيوني=واليوم هزك جفاي وجيت ترضيها

لو ينكسر قلبي ولو يختلف لوني=الراحه اللي تجيني منك .. مابيها

قلبي تناساك .. وطيوفك تناسوني=انسى وذيك المشاعر لا تطرّيها

انسى .. وشوف المشاعر وين ودوني=غربه .. حزن .. ضيق .. مدري ويش تاليها

انا انتظرتك وطاح الحلم من دوني =واستسلمت روحي وضاعت امانيها ..!.[/poem]








.

بعد عثرات منتخبنا المتتاليه

تنفسنا الصعداء بأدائه اليوم امام شقيقنا العماني



لاعبت بأعصابنا يا احمد عجب :)




[poem= font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

منتخبنا اليوم سنّع مستواه=ما تنكس لا ولا هاب الصعب

وقفّت يا حظ وسواتك سواه=يوم زوّدها شوي ( أحمد عجب )

العوض فالمقبله والله معاه=لين يسويها ويجيب إلنا الذهب[/poem]




.

.

.










[poem= font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وقّف الحلم بعيون الزمن واستدار=ليلة ٍ شح ماطرها وبراقها

حرت .. مدري شسوي .. ما بقالي خيار=غير دمعه سجينه وارفض اعتاقها

ماتطيح المبادي لو يطيح الستار=شجرة ٍ باقيه لو طاحت اوراقها

ولو يموت الطموح بسبّة الانكسار = كان شمس الامل ما طوّل اشراقها [/poem]






.

.

[poem= font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اباتشتت الين الشوق يجمعني=وابكتبك شعر لين الوقت يقراني[/poem]





.

.











[poem= font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الجادل اللي غلاها كل ليله=يكبر ..ويزداد في قلبي غلاها

مالي على الصبر والذكرى وسيله=هذي سنه ما تهنيت بلقاها

تعبت ودروب الاوهام الطويله=هدت زوايا خفوقي من عناها

برق الغلا لاح وعيوني تخيله=متى بعد هالجفا تمطر سماها[/poem]











,

.






[poem= font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انا انتظرتك لي شهور = وانت اتعمد غيابك

لو تعتذر منت معذور=لو صادق الشوق جابك

مشاعرك مالها دور=خذك الغياب وسرابك

مشتاق لعيونك الحور=وصوتك .. ولذة عتابك

قاع الاماني ترى بور =متى يجيها سحابك

لو يستوي بعدك حضور = ما اطرد جفاك وسرابك[/poem]









.

.










[poem= font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=left use=ex num="0,black"]
العام ضيّعت السعاده مع الناس =واليوم في قربك لقيت السعاده ..!![/poem]








.

.











[poem= font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حبيبتي .. وانتي حضورك صعب وغيابك صعب=وبالحالتين اشوف موتي في حضورك وبجفاك

لا تبعثرين اللي بقـى .. واللي بقـى مــا ينحسب=من عمري اللي راح والباقي عجز يلحق مداك

هذا قصيدي ... في غيابك مــات من كثر التعب=ماكنه اللي من ثــلاث سنيـــن لمّك واحتــواك ..![/poem]







.

.






[poem= font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يا كم فرصة ٍ ضاعت وانا اقول لا باس=يعوضني مسيّر مزون المخيله

طموحات عمري مالها حد وقياس= رضا النفس غايه والقصايد وسيله ..![/poem]






.

.







[poem= font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تعبت وضاعت اليمّه وضاع من التعب مرساي=ولا ادري وش بقى للحب الاول في شرايني

حبيبي .. وكّل الله .. ما بقالي في غرامــك راي=ولو صوت الجفا من دون وصلك قام يدعيني[/poem]





.

.




[poem= font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=right use=ex num="0,black"]
اباتكلم ... ولكن لاتقاطعني =مبطي وانا ودي اكشف لك عن احزاني

صبر عيونك ولو لحظات واسمعني=كلام من قلبي ووقف على لساني

انت اول احساس حبيته وولعني =وانت آخر الناس في قلبي ووجداني

وانت اصدق انسان طاوعني وطوعني=وانت اكذب لسان عشمني وممناني..![/poem]


.