الوراعات الصغار
السلام عليكم ورحمة الله وبركاته
مدري من نشدني وقلت له :) [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] اي بالله التشكيل مايحري بخار=كبـدٍ يداويـهـا وكـبـد إيحـرهـا ماباقـي الآ يصـدر بإسمـي قـرار=على ( ثري ثوزن ) كفى الله شرها ماهي من اللي تقلع من ارض المطار=لاشـاش كبتنهـا وقـام إيفـرهـا مهيلةٍ في جوفهـا شفـت الدمـار=مسلحـه تسلـيـح .. لله درهــا كنها تقول انا هنا ( سوبـر ستـار )=لابـوّ معـدات البحـر مـع برهـا تبحر ولا فيهـا ضـرر ولاّ ضـرار=الآ انهـا تبطـي ماجـت مقـرهـا واللي عمـل فيهـا ماقدامـه خيـار=يكـرب حزامـه والبـدال إيـزرهـا لو تحرمه شوف الوراعات الصغـار=صابر على بـرد السنيـن وحرهـا وان كان تبغى الصدق يانسل الحـرار=مـاودك إن درب الرفيـق إيمرهـا كم لي وانا اجنب وادور لـي مسـار=واعـاود الكـره وازيــد اكـرهـا اقول في نفسي علـى اقـل إعتبـار=امـا القحـت ولا الجمـل ماضرهـا [/poem] وسلمتو,, |
(اما لقحت ولا الجمل ماضرها)
الله يعينهم اللي في هذاه الشان ويصبرهم عن ورعانهم وانت صح لسانك غيمار |
[align=center]صح لسانك
يأبدر رائعه لاهنت تقبل اطيب تحيه[/align] |
و الا الجمل ما ضرها .. :)
ياسلام يا فراج انت عليك لمسات خطيره و فنيّه لله درك على كل نص تكتبه و صح لسانك و سجل اعجابي ومتابعتي .. وكل عام وانت بخير .. :) تحيتي |
صح اللسانك ياتركي
ولاهنت على القصيده الطيبه ،،، |
الله الله الله
يابو عايض صح لسانك مدد وحاول تصد يمين ولا يسار ( اما لقحت ولا الجمل ماضرها ) اسأل الله ان يكفيك شر ( ثري ثوزن ) بس هي وشنهي .. ؟؟ تحياتي وكل عام وانت بخير .. |
امـا القحـت ولا الجمـل ماضرهـا ,
اي بالله يافراج ههههههه مبدع في كل حالاتك , صح لساااانك ثري ثاوزن مره :) |
حيّاك الله يا فراج ..
قصائدك دائماً جميلة وفي اي موضوع تطرقه .. لله درك صح لسانك ولا هنت .. تحيّتي |
الشاعر المبدع / فراج العتيبي
شاعر لك في ذائقتي نصيب الأسد لله درّك من شاعر كل ما فيك مميز أسلوبك في طرق المعنى رائع وخفيف بدون أي تكلّف وتصنّع وتناولك للموضوع ولمساتك الجماليه وحبكاتك اللي ما يحبكها اللا مبدع تشكيل جديد ما يحري ( بخار ) بس جاب إبداع من شاعر حري بالإبداع صح لسانك عدد ( مارست وابحرت و اقلعت وهبطت ):) |
الله يفرجها يافراج لين تستانس مع الوراعات الصغار والمعزبه بدون شر ..
والله انك ابدعت وانا اخوك وقصائدك جدا جميله الا ابعد حد وجزله وذي عاداتك ... اخووك . |
لو تحرمه شوف الوراعات الصغـار
صابر على بـرد السنيـن وحرهـا وان كان تبغى الصدق يانسل الحـرار مـاودك إن درب الرفيـق إيمرهـا كفاك اللهشرها يا فراج صح لسانك ولاهنت مبدع دائمآ تحياتي يا صديقي |
امـا القحـت ولا الجمـل ماضرهـا
فراج العتيبي صح لسانك لا هنت لا هنت .. تقبل مروري واعجابي لك من كل الودّ.. .. |
كم لي وانا اجنب وادور لـي مسـار
واعـاود الكـره وازيــد اكـرهـا اقول في نفسي علـى اقـل إعتبـار امـا القحـت ولا الجمـل ماضرهـا وانا اقول انك شاعر فحل فراج العتيبي .. سجل الاعجاب الشديد والمتجدد لاعدمتك وصح لسانك مدد ،، .. |
[align=center]فرآج آلعتيبي
آلله آلله عليك سلمت وسلم بنآنك و صح آلله لسآنك و آلله لا يضرك لك مني خآلص آلود [/align] |
فراج العتيبي ., مواضيع قصائدك اصبحت ميّزه تتميز به فهي تحاكي كل مايخاطب وجدانك ., وهذا والله هو الشعر الحقيقي ., صح لسانك مليون × مليون والله يزين امور التشكيل الجاي ., سلامي عليكـ ., |
عزالله.,/
والا الجمل ماضرها العتيبي,فراج صح منطوقك وفكرك على هالكايفه.ابدعت فيها وشاعريتك دائماً ماتجتذب اصحاب الذائقه الشعريه الحقيقيه لاهنت ودمت |
ياخي والله العظيم
انك كاسب الاعجاب ولو تفتح متصفح وتحط شطر ليعجب جمهورك وش عاد وانت تنسج الابداع هذا كله فراج لله درك يافراج وجعل التشكيل يجي على اللي تمناه صح لسانك |
فراج العتيبي
كل حرف من حروفك له وقعه الخاص عند اخووك سلامي عليك كل ما اصبحت وامسيت ولا عدمتك |
فراج العتيبي
صح لسانك مدد يامبدع عفوية وسلاسة وابداع متجدد تحيتي وتقديري واعجابي |
,
الله الله يافراج شعر من القلب للقلب .. صح لسانك وسلمت .. |
| جميع الأوقات بتوقيت GMT +3. الساعة الآن 06:25 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية