علّمنا ازين لك.. 2008
 

:)

السلامُ عليكم

اسعد الله جميع أوقاتكم وطوّل عماركم في طاعته.. قولو آمين

<<< أبَد مايطمع في تثبيت الموضوع.. وياللْه إني في ذراك من الحذفه
:)


يالربع :) <<<< الربع هاذي فيها تعصّب..

يالجميع
وش رايكم نسولف في هالمتصفح عن اهم حدث مرّ علينا (كل واحد يسولف عن نفسه) خلال عام 1429 هـ - 2008 م..

^
^
الظاهر إنها فكره غير مسبوقه :)<<< إخلص بس

طبعاً الحريه متروكه للشخص في ذكر مايُحب من مواقف مرّت به أو مرّ بها :) حتى ولو تعددت..ولامانع من تعدد المواقف :)<<< ناوي يشعلل الموضوع

طبعاً المواقف لازم تكون خلال سنة 2008 ماهوب يطمر واحد لـ قبل 10 سنين ويذكر له موقف ويجيبه..إنتبهو ترى قوقل يكشف كل شي :)

بادزيِن 10 ايام واللي ماعنده موقف معيّن! مافيه مشكله فرصته يدبّره خلالها :)

من يبدأ؟

رافقتكم السلامه

على هونك ياولد


لي رجعه لهذا الموضوع الشيّق ياعمده :)

خلني اعصر مخي وارجع

سلام :)

-

فكره رائده يا عبدالرزاق/


/
/
/

2008 بـ النسبه لي ، روتينيه نحمد الله على كل حال ،،


- للسفر في هذه السنه نصيب الاسد :)


* لي عوده محمله بالمواقف :)


تحياتي

هههههههههه


خلاص ماعليك امر ياعفاس اخذ مخي اعصره وانا باحضرّ هنا :)

أرحب يابندر

عُمده؟!<<< تسنّه مدري وشهو خابر في شارع جامعة الدول العربيه :)

إعصر يابخت المخوخ اللي تعصّرها :)


بإنتظارك يا شيخ

ارحب ياعفاس


هالحين ابا اعرف.. وش دخّل مخ بندر في رجعتك؟!.. مدري وش دخّل رجعتك في مخ بندر .. مدري وش.. ياخي لخبطت كيان مخي انا :)


ذكرتني بالرااااايق اللي إنشده واحد وقال له : وش اسم إخوانك؟
قال: كلّهم إسمهم خالد..ألاّ فيصل إسمه نايف :)

بإنتظارك

:



ياعيني عليك يالذيابي
افكار ...!!
وموضوع غير مسبوق بالتأكيد <<<< ها وش دراك :( .؟؟

الوكاد ان لي رجعة مثل رجعة بندر وعفاس الله لايعوق بشر :)

وإن تسان ماعلّمتكم !؟


<- ماهوب أزين لك !:)!


طيّب أبا أعلمكم ولو أني أبا أخاشر ناصر في بعض أحداثه !


في نص السنه رزقني الله بـ حواء لبّا تسبيدتها !


وهي تراها جايةٍ يوم بداية بثّ المرقاب ، بس يحمد ربه حبيّب ماطلبته السمايه !
<- وش دخـّل السمايه ههههههههههه



وعلاها ياخضيب العووود عاني احتري الحلم اللي فسّره البراق ، ويالله ياكريم :)


أشكووورك أوي يابومخلد .

سلام’ عليكم

[align=center]بعد عصر المخ لقيت ثلاثة أمور حلوه صارت لي في 2008


أول شئ: توظفت بحمد الله بعد مُعاناة طويلة مع البطالة :doctor:


ثاني شئ: قابلت شخص أحبه :cheers:


ثالث شئ: مات شخص أكرهه teeth:



تسلم يا بو مخلد على الفكرة الغير ((مسبوقة)) [/align]:)

هلا بصديقي ناصر<<< مادام فيها مواضيع خاصه و vip

الـ 5% ورانا ورانا :)

مبروك الفوز.. وعقبال المليون :)

وفعلاً قناة المرقاب حدث مُهم لنا جميعاً

زانت علومك ياناصر ولاهنت

بس اكيد باقٍ شي دوّر يارجال منّا ولا منّا :)

,


عودة لك يا أخ عبدالرزاق :)

بالنسبة لــ 2008 أحداثها واجد

وأذكرك لك منها ما يلي :-


نجاح عملية شخص عزيز علي
ترقيتي في العمل :) >>>>> يعني موظف نشيط
واطرف شي مر اخر حدث [ضربة الجزمة] .!!

ولك دوام الصحة والعافية

مع اني فقدت ناس عزيزين


الا انها سنة أرحم من اللي قبلها واللي قبل قبلها


وبوادر الخير في السنة الجديده بيّنت



لا احد ينضل امانه .. :m37:










.

.


شكرا اخي ..

مراحب ياخالد


روتينيه؟! يعني ويش؟


السفر!.. هاعلّمنا وان سفرت .. ووش سوّيت.. سفرات داخليه مانبغى<< لأن هاذي تعتبر مشاوير ماهيب سفر :)

حياك مره ومرااااات

:


فكرة مميزه ورائعه ,,

أهم الاحداث على مستوى العالم هو الأزمة المالية

وايضآ [ زواج أخوي : مبارك ] من أهم الأحداث عندي..

وقرار رفيقي وعائلته بـ الأنتقال من المزرعة إلى السكن بالمدينه خبر مفرح بالنسبه لي

اصبح قريب ولا أحتاج لـ لاند كروز او سفاري لأجل الوصول له بـ المزرعة :)


اتمنى [ اللي بداخلي ] يتحقق أما بنهاية 2008 حتى اقول نهايتها مسك ختام ,, او في بداية

2009 لأجل اقول بداية خير ياوجيه الخير :)

ابوخالد.,
يسلم راسك على هالموووضوع الجميل والطريف والخفيف الظل..
مع انــه يحمل القليل من التهديــد.,

اما من ناحية الاحداث والمواقف الخاصه اللي حصلة في 2008 فما اتوقع انك تبا تلقا عندي شي منها

لأني طول الله عمرك.,توقيتي على الهجري يعني كل االاحداث والمواقف ,تجيّر على توقيت ام القرى الهجري..
وان تسانك مصمّل وعلى تعصيبتك,نجيبها,,
مار نباك تصبر لـ 25 من الشهر ليا نزل المعاش وزانت السوالف والنفوس
7
7

ابو فهد,’
وش هالشراسه والتوحش

وانا احسبنك انسان مسالم وتؤمن بحقووق الانسان.وتعدد الحضارات وانتشار الحطب
هذا وانا افكر انّي اصاحبك,واصير صديقك

اثرني هووونت.,<<ايقووون مبتسم ومطلع لسانه

أحسن الظن بأخيك فقد يكون الشخص الذي يعنيه كافر ...!!!



...