,,,,, ملفى الهـجوس ,,,,
 

[frame="1 80"]مشاركه على قد الحال

وان شاء الله تنال الرضي


[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مرحبا بالهاجس اللى ماوراه طلابه = قدح راسي لاضوى همى وضاق البالي

من صلاة العصر باد ٍ في حجا مرقابه = احترى وارقب حضوره فالطويل العالي

جايني كنه خيول ٍ في ظهرها لابه = ايغزون ويكسبون ويـِزبنون الجالي

لالقوا راعي مظاهير ٍ يحث اركابه = جنبوا عنه .. وتلقّاله خريم ٍ خالي

كن واحدهم مبصّم مايرد الجّابه = ضاربلّه جمع قوم ومردف ٍ رجالي

سربة ٍ وعيال عود ونارهم شبابه = تفرح بصوت النذير ولطمة العيّالي

وان حضر وقت الملاقا وردوا الهيابه = وآخذوا ثار الهنوف اللى رمت بالشّالي

جايهم رد البري من ربعة ٍ حرّابه = وركبوا فوق الاصايل ملحقين التالي

واهجدوا دار المعاديّه هجاد ذيابه = وآخذوا كل الجمال ولابقي جمّالي

ومن سلم منهم بعمره سالم ٍ بثيابه = ويحمد ربه .. ويرجيه العوض فالمّالي

هذا انا والهاجس اللى حى ابو ماجابه = لاطرالي عقب مده في حدا الاطلالي

لين يمسي بيت بدو ٍ مجودين اطنابه = لو تهب مع الصبا ريح الشفا ما مالي

ودى اطربّه واسلّى خاطرى وأسلابه = كود اخفف ماعلى متنى من الاحمّالي

كلها من موقف ٍ جا ماحسبت حسابه = هرجة ٍ جتنى من القايل وسمّت حالي

من رفيق ٍ كنت احشّم لحيته وأشنابه = مير فرّحبي عدوّى وأشمت العذالي

والله انى قبل مايبدا الردى ما ارضابه = وأفتديه بكّل مالى لو يبا وعيالي

وأثره اللى كلّ ماقفّى يحد انيابه = والسّهم لاجا من الصاحب يجى قتّالي

مار ابمسحها بوجهى لو تشّد اعصابه = وأرتفع وانسي مدام الله رفع منزالي

والحبيب اللى يزاول صدّته وغيابه = ليته يعّود وينعش خاطرى بوصالي

يدرى انى من غلاه اهوى وأحب ترابه = وأعشق ارض ٍ داسها بالساق ابو خلخالي

ويدرى انه ساكن ٍ بين الجفن واهدابه = وانّه عيونى وروحى والحبيب الغالي

ويدرى انى بين نار ظنونى الكذابه = هو ..نسا .. والا سلا .. والا يحب ّ بّدالي

ماحد ٍ غيره خذا قلبي ونال اعجابه = مير عرضنى تهاتيه الخلا واللاّلي

ولابقا من ذكرياته كود ريح خضابه = والحلوم اللى بنيناهــا مع الآمالي

هذا انا والهاجس اللى حي ابو ماجــابه = قدح راسي لاضوى همى وضاق البالي [/poem][/frame]

1




.

:



محمد السليس





عزالله انك ابدعت
أبيات .. وصياغة .. ومضمون .!
شاعر جزل ومبدع
صح الله لسانك

الله الله الله الله

هاجس ثمين وقاف رزين


ابو علي صح لسانك ومرحبا بك ،


..

صح لسان يابو علي :)

تحيتي ..

محمد السليس :


نص في غاية الروعة


تحياتي ..............

محمد السليس

كما عهدتك مبدع بكل حالاتك يالجزل

صح لسانك يالنشمي

تقبل تحياتي

الله الله الله

صح لسانك مليون

وافيه من راس وافي


تحيتي

صح الله لسانك يالسليس

ولاهنت على هالشامخه

أبدعت طال عمرك بما يفوق الوصف

لك التقدير’,,

صح لسانك واعتلا شانك

محمد السليس مبدع لله درك

قصيده جزله ومعانيها ثمينه

تقبل تحياتي ومروري


:)

الابداع والجزاله لاتستغرب من منبعها ...

ابوعلي من عاداتك تصخير البيوت وابرام معانيها ولوي الاعناق بكل ثقه لقصايدك الشامخه ..

صح كلك والاعجاب مبطي ..


اخوك.

-

كلها من موقف ٍ جـا ماحسبـت حسابـه
هرجة ٍ جتنى من القايـل وسمّـت حالـي
من رفيق ٍ كنت احشّـم لحيتـه وأشنابـه
مير فرّحبـي عـدوّى وأشمـت العذالـي
والله انى قبل مايبدا الردى مـا ارضابـه
وأفتديه بكّـل مالـى لـو يبـا وعيالـي



كبير يا محمد والكبير الله ، شاعر وقصيده غاية فالروعه والتصوير ،لله درك صح لسانك ولاهنت ، اصدق التحايا

ولابقا من ذكرياته كـود ريـح خضابـه
والحلـوم اللـى بنيناهـا مـع الآمالـي

ياسلام ياسلام


يامحمد



صح لسانك مدد



تحياتي

هلا وغلا يا عبدالرزاق

ويكفيني وينومسنى مرورك يشهد الله

لين يمسي بيت بـدو ٍ مجوديـن اطنابـه
لو تهب مع الصبا ريح الشفا مـا مالـي


انشهد بالله انه ثابت

لله درك يابوعلي

الله يبيض وجهك ويجعل خيرك واجد

مثل مانك تروي الذائقه

تحياتي لك

فراج القرقاح

هلا وغلا يالقرم

ويشهد الله ان مروورك ينومس وانه المكسب من القصيده

ولاعليك زود فيما قلت

وصح بدنك ولاهنت يالقرم

ولاخلا ولاعدم المروور وراعيه

الاخ العزيز والاستااذ الكبير سدااح

شهاادتك اعتز بها واتنوومس بها

الله لايخليني منك طال عمرك

والله يبقيك ويباارك فيك

وصح بدنك ولاهنت يالقرم

صح بدنك يامستور ولاهنت

غازي المغيليث

الروعه حضورك طال عمرك

ولاهنت يالسناافي