『 ثورة 』
 

..


..

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


يقولون استضاقت .. لاستضاقت عادةً تفرج = وانا قول استضيقي .. واستضيقي حيل واحتدّي

ملل ضيقهْ .. ولا ضيقة ملل .. وشبي بقى يبهج = سواءً امسي غرس بوجاع صدره في صدر غدّي

على الله تمهلينا لين نقبض محبس المخرج = ابي فضّ المحابس .. والمخارج تحتضن يدّي

انا بك يا غمامة ضيق ريحٍ / ريحها تنشج = من عيون الملل وشعاف كبتٍ جاوزت حدّي

انا بك من زمان المِلح .. ياملح النيا مضرج = كأنك ماعرفت لبكرتك .. مضمار في خدي !

من عقودًا .. خلت والصّبر .. يدراها وهي تنسج = مشالح من خيوط الهم تغزلها على قدّي

على طول الزمان اغرسك وردٍ واحصدك عوسج = يشوّكني حصادك واتجلّد فيه متحدّي

أجفّف مانبعتي لي عساي اغير المنهج = ابيّتها جفاف وصبْحها تدهشني تندّي!

انا صدري معك "حاتم" ولا مرّة هتفّ محتج = رغم هذا يجي فعلك عبوس ينحسب ضدّي

منابع حسرتي لك "بالجُمان" الحر لك تزعج = ولا بتقدري جزري .. ولا بتقدري مدّي

صحيح انّي طعنت الصّمت هالمرّة ورى المزلج = ولكنها الحلول الآخرة لوّماهو بودّي


تضاءل حلمنا في القُبة الزرقى وحن نسرج = امانينا على ضوح السراب وفات متعدّي

ياهالصّمت الغريب المنكفء هيئت للمعرج = إلى سابع ثرى وانت البراق الغارم المدّي

ياهالصّمت وزمانك . يازمانك بايرٍ معوج = ورى هالضيقة اللي ماعرفنا وين بتودّي !

ورى الضيقة نحرنا صوتنا في مشهد مُحرج = ولا سمعت عزانا في كريم الصّوت متردّي

مدام النّصر للثّورة .. هنا رهج السنابك عج = على وجه الفدا .. قوس التذمّر باخت مفدّي

كذا .. لك تستضيقي .. تستضيقي لين ما تسمج = مـلامح هالتعقّل كلها عاصوف ويهدّي[/poem]
[align=center]
..


..

م.س[/align]

محمد

صح لسانك واتمنى لك التوفيق

لاهنت

الله الله



صح السانك ولاهنت يالغالي محمد


رائع .! حد الجنون



التحيه والتقدير لك


,

يا سلام عليك يا محمد السالم

في كل نص لك أجي وانا متيقن من قراءة الابداع

صح لسانك مدد وسلمت

صح لسانك يامحمد:)


أبدعت ..


سجل الاعجاب ..والمتابعه طال عمرك :)

محمد السالم

صح لسانك واعتلا شانك

مبدع مبدع كعادتك ورائع

تقبل تحياتي ومروري


:)

هلابك يا بو علي

وننتظر عودتك بجناين الورود

محمد السالم


لاهنت يالقرم وصح لسانك لين ترضى ،


تحية اخوك