طيب .. اسمعني !!
 

مرحبا بكل من يمر من اعضااء وزوار


يامرحبا باللي يشرّف حضوره
يامرحبا واهلين بأعضاء وزوار

في موقع ٍ بوجودكم شعّ نوره
مبني على عز ومعزّه ومقدار

الشاعر ابشعره كتب عن شعوره
وعسى يطيب الكم ماقوله من اشعار

مسرا

[poem= font="Simplified Arabic,4,teal,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
البارحه ليل ٍ سريته مايشابهه اي ليل=في ابدايته موجز عنه وانهايته يحتاج شرح
لو اوصفه يمكن يطول الشرح والمسرى طويل =لأنه حلول امعادله مابين جمع وبين طرح
اليا تركته لغزحله صار شبه المستحيل =واليا سريته طاب جرح وجاء محل الجرح جرح
لكن يادكتور ماعندك دوى يشفي العليل = اللي بنا بين الضلوع العوج للاحباب صرح[/poem]

مسراء آآآخر

[poem= font="Simplified Arabic,5,teal,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]

الليله امسيت فالخاطر بعض مايكون = مدري من الوقت والا من ضروف الزمان
تصدر وتارد علي من كل شكل ٍ ولون = روابع ٍ تجتمع فالصدر لو ماتبان
كن الهواجيس صارت فوق صدري تمون = وكن الهموم اصبح الها جوف قلبي مكان
ماباقي الا توصلني لحد الجنون = من كثر مااطرى على قلبي وهز الكيان
انسى واجامل وتفضحني خفايا العيون = واصد صدة عزيز ٍ شاف ذل وهوان
ماقصدي الا مبا اعدايه علي يفرحون = والا انا عاشق العليا ولا ارضى الطمان
ومابين قلب ٍ جزوع وبين صدر ٍ حنون = بنيت للحلم بيت وقلت ياما وكان
الناس تزرع امل لكن مايحصدون= غير التعب والشقا في خوف والا فمان
ولوكل طلاب مدرسة الامل ينجحون = مافيه داعي يسوون اسأله وامتحان
ولو كل سلعه تحصل في بلدها زبون = مايمدي العشر باعوها بسعر الثمان[/poem]

ح ل م


[poem= font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
الحلم يكبر براسي والهقاوي بعيد = وانا طموحي طموح اللي بعيد ٍ مداه

لي حلم ابا حققه مدري متى الله يريد = يطري على خاطري حتى وانا فالصلاه

ابعد من الجدي واقرب من حبال الوريد = واسهل من النطق واثقل من جبال السراه [/poem]

نقلاً عن ركن مشعان (( اخر .. مراسيلي ))



على المسن
مع شقيق الروح ( محمد بن رشيد ) ,



طيب .. اسمعني !! :




حي الله .. اللي غيبته كل ماغاب
تاثيرها .. واضح على معجبينه ,





:



( البراق / مشـ ع ـان ) .. ! :




انا لو اني غبت / لي ربع واصحاب
وعلاقتي .. مْع آخويايه متينه ,




>> سلمت يبو محارب ولي الشرف

http://upload.traidnt.net/upfiles/f0500616.jpg



[poem= font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
الصبر للعبد خير / وجعل فالامر خير = وماقدر الله على عبده بعينه يراه !!
والموت غيّب كثير / وفي انتظاره / كثير = واللي يصلي على ميت / يصلىّ علاه
يبا يموت الكبير ويقتفيه الصغير = والطفل / يمكن يموت ويسبق امّه واباه
ماعنه والله مفرّ / ولاش منّه مطير = سنّه من اللي بسط أرضه/ ورافع سماه
شف حكمة الله حتى فالغني والفقير = سواسيه فاللّحد من دون مال ٍ وجاه !!
لافرق فالقبر مابين الملك / والوزير = الفرق فالآخره . بأعمالهم فالحياه !!
الله واكبر اذا / لاقيت نفس المصير = ويالله عفوك . وعبدك مبتهل في دعاه !
يارب انا عبدك المذنب . وجايك كسير = مالي اله ٍ سواك اقدر ألوذ ابحماه
ياكثر ما اخطي / وحملي من ذنوبي كبير = وياكثر ماطعت نفسي واللعين وهواه
ايجرني للهوى واللهو / سلك الحرير = ولاتذكّر الموت غير اليا سمعت بوفاه !!
وان مت ماني بلا .. الأول ولاني الأخير = هذا امر ربي على روحي وهذا قضاه !
مؤمن . بربي وجاني في حياتي نذير = وقلبي على مافقد يالله تحسن عزاااه !!
نسعى واجلنا / رحاة ٍ فوقنا تستدير = وفالثانيه . والدقيقه كم تدور الرحاه !!
والموت غيّب كثير / وفي انتظاره / كثير = واللي يصلي على ميت / يصلىّ علاه !!
لكن ماهو بخير / ولا يبشّر بخير = من لايقدم عمل صالح / وصوم وصلااااه ![/poem]

http://upload.traidnt.net/upfiles/40Q18428.jpg



م
و
ق
ف

وتعبير مؤثر


[poem= font="Simplified Arabic,5,sienna,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
بالله لاتبكين وتهلين دمعك ياملاك =كفي دموعك واستعيني بالصلاه وبالصبر
مافيه داعي للبكا ابكيتي اختك من بكاك =شوفي دموعي فوق خدي كنها وبل المطر
احزن لحزنك واتضايق واتهنا من هناك =واشاطرك كل الهموم وليت قلبي من حجر
ادري واعرف ان الفراق اللي حصل اثر علاك =واشوف فعيونك حزن واحس في قلبك قهر
والله ماودي يصير افراق بين امك واباك=لكن هذي حكمة الله لا مفر من القدر[/poem]

http://upload.traidnt.net/upfiles/pnu58971.jpg

[align=center]
(( محمد بن رشيد ))[/align]

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]

يامرحبا باللي حضوره غير عن كل الحضور=الشاعر المعروف ابو تركي زعيـم الملعبـه
دكتور شعر وجيّته دايم تزيـد النـور نـور=وكل الخليج ايقدّره مـن مشرقـه لامغربـه [/poem]





http://upload.traidnt.net/upfiles/pSs58760.jpg

[align=center]
(( مستور العصيمي ))[/align]



[poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
تسلم وتبقى يامرحب من هجوس ٍ ماتبور=يابن رشيد اسمع كلامي واحذفه ولا اكتبه
ترى الطبيعه ماتغيرها السنين ولا الشهور=تبقى على مر الليالـي تشتغـل بالذبذبـه [/poem]

http://upload.traidnt.net/upfiles/cOH62858.bmp




[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
كيف حالك ياصديقي ياوزير الصحه=لو يموت ابنك وبنتك من علاج الكحه !!
انت تتألم وتحزن من فراق ابنائك ؟؟=انت تتهنّا بنومك ياوزير الصحه !!
يعني ان ماخفت منّا يوم خاف من الله=شوف كم واحد يموت (( اصواتنا منبحه )) [/poem]

http://upload.traidnt.net/upfiles/FHG97365.jpg



اخوي المبدع // خالد السيحاني

[poem= font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]

ياخالد اعجابك على الراس والعين = وايضاً حضورك شي ماهو بعادي

انته عزيز ومن رجال ٍ عزيزين = من روس قوم يهزمون الاعادي

والله ونعم ايعمكم يالسياحين = اهل الكرم واهل السيوف الحدادي

تاريخكم يشهد لكم فالميادين = ان ولعت خشم القبس فالزنادي

وان ثارت الهيجاء على العسر واللين = اتدللون اللي عن الدرب غادي

وقفاتكم تعرف منوّل وذالحين = فالسّلم والا في زمان الطرادي

وعندي على قولي شهود وبراهين = وانا ماعدّ الاّ الكلام الوكادي

عبرت عن مافي ضميري ببيتين = وعطرتها من طيب عنبر وكادي

والشعر في مدح الرجال الشجيعين = حر ٍ مضرا بالقنص والهدادي

وانا افتخر بالطيبين الوفيين = ومدحي لهم مكسب وثالث عيادي

وشهادتك تبقا على الراس والعين = واعجاب مثلك شي ماهو بعادي [/poem]

[mark=333333]^
^[/mark]
[mark=0000FF]

الله يعز مقدارك يابو مالك ، والله انك شرفتني بالقصيده ،

بويتات متواضعه ، واعذرني على القصور .[/mark]



[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=1 line=1 align=left use=sp num="0,black"]
جتني بيوتك يا زبون المخلين = ثم سيّلت من هاجس الشعر وادي

وانا على مدح الرجال الميامين = يشوش راسي ويتهيّض فوادي

آلاد زرّاق الذياب الجريين = يشهد لهم بالطيب حضر وبوادي

عزوه لها التاريخ طلق الحجاجين = للجار ريف ، وللمعادي هجادي

يستاهلون المدح قضّاية الدين = اهل الشجاعه يوم نادا المنادي

والشعر وهبه والفرايد بساتين = يرعى بها هجس ٍ عليه اعتمادي

وانته جمعت الشعر والمرجله لين = قمنا نماريبك على كل بادي

غالي يبو مالك ومن ربع غالين = وركنك ماهو هادي ولو قلت هادي[/poem]

[align=right]
[mark=0000FF]
وسلمت يابو مالك [/mark][/align]

^

^


[grade="008080 0000FF 008000 4B0082"]خالد السيحاني :


صح لساااانك .. وماقلت فيك الا الصحيح ومهما اقول لن اوفيكم حقكم


.. ابدعت ..[/grade]

http://upload.traidnt.net/upfiles/kLD79923.jpg




[poem= font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
ياصاحبي خفف علي من / العنا = تراني الي اسبوع عايش في ضجر
ان غبت عني ماتحرك من / هنا = وان جيت معك اجلس ليا آذان الفجر
واليوم اتمنى / ولاتحقق منا = ( كسبت فيّه ذنب ! لاوالله اجر )
ادخلتني جو الرومانسيه / وانا = من حرة سوداء وقلبي من حجر[/poem]

http://upload.traidnt.net/upfiles/ls582540.gif




[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
وين العرب عن ماحصل لاهل غزه=كيف انتخاذل فالطلب وانتوانا
الذل خيّم عقب كانت معزّه=وماصار للاسلام عار ٍ علانا
ما للنصر بيرق نقوم ونرزّه !!=نخاف لاتغضب علينا عدانا
الغرب يفرح كل ماسمع هزّه=والشرق الاوسط غارق ٍ في دمانا
وحنّا العرب نرقص طرب وانتنزّه=نبا انتناسا شي لو مانسانا
واعذارنا في كل ساعه وحزّه=انّا عن اللي صاير ٍ مارضانا
وأقل شي نقدّمه لأهل غزه=نشجب ونستنكر ونرفع يدانا !! [/poem]

http://upload.traidnt.net/upfiles/JYW30444.jpg


[poem= font="Simplified Arabic,5,teal,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
الا يازماني فيك ياما حلمت احلوم =ولا فيه حلم الا تمنيت تحقيقه !!
هذا حلم من دونه يطيح الامل ويقوم = وهذا حلم ياصعبه / وياصعب تصديقه !!
ياليت الاماني تستويلي بحب اخشوم = مدام ان حظي معك قلّت توافيقه !!
وياليت الطريق اللي على جانبيه ارسوم =يدل الغريب اللي طواك و نشف ريقه !
ياباهي الوصوف ان كنت من شوفتك محروم = ماكنت اتوقّع تقبل الهجر واتميقه !!
لو انّك بعيد ودون وصلك وعر وحزوم = اجيلك / وقلبي مايخون ابمواثيقه !
ولكن حالوا بيني وبين قربك / قوم = ماتسعى للم الشمل / تسعى لتفريقه !
حسيبي عليك الله / ياحظي المقسوم = وحسبي على ماصار لي من مخاليقه !![/poem]

من التوقيع




[poem= font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
ياصديق الرخاء ياللي ترد السلام = لاتوجّد على مافات خبرك عتيق
كان لك عندنا قدر ومكان ومقام = قبل تلقى فريق وقبل نلقى فريق
عقب ضاع الغلا والطيب والاحترام = والوفاء والمعزه والكلام الوثيق
بين ركب الحداثه واختلاف النظام ! = اختلفنا وضيّعنا رسوم الطريق
في زمان ٍ كثر فيه العتب والملام = واختلف فيه حتى اللي تضنه رفيق
ودي اعطيك موجز بالوفاء والتمام = دوّر اللي يليق وخلّ مالايليق
وان بغيت الكلام اللي عليه الكلام = حطّ يدّك على جيبك وتلقى الصديق[/poem]

http://upload.traidnt.net/upfiles/0b020004.bmp



صوره وتعليق



[poem= font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
ياكبر هالرجال يابو هايف=امميّل القارب وكبر القارب
مخلوق هايل مثل منته شايف=كنه من اثيابه ووزنه هارب
عز الله انه عاش ماهو خايف=وياشين حظ اللي يباه ايضارب
لو يصدم النايف يهدّ النايف=شواكل وبطن ٍ كبير وغارب
ماله حلي من جده اليا الطايف=لو ان اله لحيه وراس وشارب[/poem]

http://upload.traidnt.net/upfiles/82U45412.jpg

[poem= font="Simplified Arabic,5,teal,bold,normal" bkcolor="transparent" bkimage="backgrounds/19.gif" border="none,4,gray" type=2 line=1 align=center use=sp num="0,black"]
ياشجرة الرمان / لو ينشف المااء = ماكان عشتي / يوم والا زياااده
يضماء ورقك / وعرقك ايام يضمااء = ووقتك قسى حرّه .. وغاثك برااده
كنتي / كذا للألف واللاّم واليااء = وصرتي / حطب للي يولّع زنااده[/poem]

http://upload.traidnt.net/upfiles/o5L25657.gif


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]


مبروك للاتحاد وهاردلك للهلال = الفوز ما استغربه والدرع عاد ألـ / هله

الفوز مافيه شك ولاش حوله جدال = عميد كل النوادي راعي الاوله

احب اهني وابارك بعد جالي مجال = واحب اشجع وروتين الحياه اقتله

لو كان مامن ورى الكوره لنا راس مال = لكنها مرجلة من لاكسب مرجله

شف فالمنصه رجال اكبار وابناء رجال = هذاك فرحان والاخر نشوف ازعله

ان جاء هدف طاحت الغتره وطاح العقال = وان ضيّع الهجمه اللاعب تجي مشكله

واكبر دليل ألـ كلامي شفتوا الدمع سال = على خدود الرئيس وشفتوا المهزله

عزيز من زود جهله ماقوى الاحتمال = تعمّد ايصيب هزازي على مفصله !!

يامبدّل الحال بدّل حالنا خير حال = اقلوبنا كلها ماغير لعب ووله !!

لاعب بمليون لوانه مايسوى ريال = ولاعب يشيل الذهب بيديه ويقبّله

استغفر الله / وانا من شدّة الانفعال = ناديت (مبروك) بابك قول لايدخله !!

احب جده( وجده غير) لو الهلال = ماكان يتوقع ان الفوز ماهو بـ / أله !! [/poem]

غيبي / عن العين / والا / لاتغيبين

^
^
^

صورتك / دايم / بقلبي / ماتغيّر

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=right use=sp num="0,black""]
لاتقول ابعد وانا ماقول روح =شوفتك عندي دوى كل الالم
لن تقابلنا يطيبن الجروح = وان تفارقنا يزيد الهم هم
التغلي هو سبب هدم الصروح = لاتخلي العشق في قلبي وهم
انت برق ٍ في سماء عمري يلوح = وانت شوق ٍ قال في صدري نعم
وانت بالنسبه ألي كل المدوح = من يلوم القلب في حبك ندم
صورتك قدام عيني ماتروح = وشوفتك عندي دوى كل الالم[/poem]