نصيحه موجهه
[poem=font="Simplified Arabic,6,black,normal,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
يــالله يــامهـــلك بعـــــــدلك ثمــــودهـــا = ياعالـــم أحـــــوال البشـــر في لحودهــا يـــــارب يــامطلوب في العسر واليســر = لـــي طلبـــة ولغيـــر وجهــك ماقودهـا إنــك تسـاعدني على النفس وأهــد نــي = للبــاقيــات الصالحـــات و عمــــودهــا ورحماك في لحظات يشخص بها البصر = ويــزداد فــي أطـراف البنـــادم برودهـا ومــــن بعد مطلوبي سـلامي لعــزوتــي = العـــــزوه اللي قــــدحها مـــن زنـودهــا ســـلام ومــن العـــايديــن أبتــدي بهـا = مخلـــــوطهــا العنبـــر وزاكـي ورودها شـــاعر وعــــد الشعــر ما فيـه تكلفــه = كمــا تعـــد أهــــل المكـــاسب نقـودها ووظفـــه في المــدح والنصـح والرثاء = وكتب غــزل فـي اللــي نقـدر جهودها واليــــوم مبـــداهـا نصيحـــه موجهـــه = توجيـــه بـــاتريوتهــــا مــن حــدودها لعقـــول مــن تشــري النصيحه لوقتهــا = لابيحـت بعـــض المــواقـف ســدودها وقـــول يـــا غافل عــن الـدين بالهوى = تـــرى هــوى نفســـك لـلأردى يقودهـا حـــافظ على دينــك ترى النــاس زايلــه = ويـــن الملــوك اللـــي تزاحـم جنودها راحـــوا وخلــــوا ملكهـــم عنــد غيرهم = وأجسـادهم مـا عنـدها غيـــر دودها لو صــــادفك نــاس عــن الموت لاهيه = اذكـــر وذكــرها منــازل جـــدودها وإن شفــت رجــل كــل همــه يلمهــا = ونفســــه مــن الدنيــا تزايــد لهـودها تـــراه يجمعهـــا لنـــاس تحـــوقهــا = ويلعــــن بعــد موته ليا أخلــف بنودها المـــــال خلـــه سيـــف في سد حاجتــك = يقضــي لـــزومك فـي الليالي وســودها وأظهـــــر زكاتــــه كــــل مـادار حولها = وقرايبـك في العســر و اليسـر زورها وفـي الوالـدين ابذل مساعيك واجتهد = الخيـــر كلـه يـا فتى فـــــي وجـــودها وجــــارك تبســـم لـــه ورحــب بمقدمـه = وحليلتــه لا يعجبــك زيــن عــــودهــا اختـــر شــــريكه فــــي حياتـــك تحبهــا = ونصيحتـــي قــــدام تكتــــب عقــــودها أظفــــر بــــذات الــدين بنـت خصالها = تحمد وتاخذ من وصايف عنـــــــــودهــا منســـب وعون ولـــون مـن خف دمها = كـــن الكــــرز منضــومه فــي خدودها واصحى يروح الضيف من غير واجبه = تـــرى الكــــرم خصله حميــدٍ وجــودها وزلـــه رفيقــــك كــان يقبــل بها العذر = اقبــل وغـــل أهــل الحسـد في كبودها وان عـــادها فــي الثانيــه شهــد البشر = عسـاه مـــن نصــح البشــر مـا يعودها وان عـــادها فــي الثالثـــه لا تجـاملــه = حــده على الصعبــه ورقـــه سنــودها والناس وإن شفت الردى فــي وجيهها = وقــــامت تحــدك والجـرب في جلودها اصحـــى تجاملهــا علــى شـان حاجتك = رزقــــك علــــى خــــلاقها و معبـــودها ســـج القـــدم فــي ديـــره نبتهـا الحيــا = ريـــــح الخزامـــا والنفـــل فـــي نفودها تـــرى طـــراه العمــــر للـــرجل بـــأوله = وعــــن رحلـــه الأعوام ينبيك عودها وان رافقـــك فـــي الــدرب رجال تجهله = في الدرب تعرف بيض الأسماء وسودها هــــذي نصيحه شـــاعر يــرثي الشعــر = فـــي عصـــر خبــــلانه تطـلق قيودها كـــــلٍ تشخـــص لـــه بدبلـه و مسبحــه = ودور قنــــاة بـالشه فــــــي قصـــــودها جاهـــا يدور مـــن ورى الشعــر منفعـه = وأرزاق صنعــاء مـا تكفــي زيــودها وثـاني يحسـب إن الشعـر من رجولته = المرجلـــه تــــرى الشعــــر مـــا يزودها الشعـــــر هيض النفـــس هــم وعاطفـه = ومشـــــاعر بيــــن المحــــاني ركــودها يصـــرف لعـــــراف تثمـــن قصــــايــده = وتنصــــت لشـــاعرهــا ليا جاء يقودها هـــذي سلــوم الشعـــــر يـا جـــاهل بها = وهـــــذي ملازمهــــا وهـــــذي فنودها وختامها مني صلاة على النبي = عــــداد مــــاتـــرزم مقادم عـــودها [/poem] |
صح لسانك ياطايل
على هذه النصائح الثمينه قصيده جميله ومعبره الله يجزاك خير تحياتي |
طايل الذويبي
نصائح في محلها وثمينه صح لسانك غيمار |
مرحبا مليــون بالشاعر القدير
والأخ الكبير / طايل الذويبي ونوّرت مرقابك يا بوسعد ، غيابك كان طويل ومن بحجمك وقدرك يفتقد ، لكن عساك بالوجود وفي احسن حال والله يحييك عدد حروف الشعر في كل مكان نصيحة ثمينه وقصيدة من درر الشعر الأصيل ودرس مجاني لكل من يبحثون عن النصح بالشعر البديع ،، هذي نصيحـه شاعـر يرثـي الشعـر فـي عصـر خبلانـه تطلـق قيودهـا كـلٍ تشخـص لـه بدبلـه و مسبحـه ودور قنـاة بالشـه فـي قصـودهـا جاها يدور مـن ورى الشعـر منفعـه وأرزاق صنعـاء مـا تكفـي زيودهـا وثاني يحسب إن الشعر مـن رجولتـه المرجله تـرى الشعـر مـا يزودهـا الشعر هيـض النفـس هـم وعاطفـه ومشاعـر بيـن المحانـي ركـودهـا يصـرف لعـراف تثمـن قصـايـده وتنصت لشاعرها ليـا جـاء يقودهـا هذي سلـوم الشعـر يـا جاهـل بهـا وهـذي ملازمهـا وهـذي فنـودهـا وختامهـا منـي صـلاة علـى النبـي عـداد مـاتـرزم مـقـادم عـودهـا اللهم صلي وسلم على رسول ا لله سلامي عليك وعلى جميع أهل الطائف الكرام وصح لسانك يا بوسعد بلا عدد ، .. |
اقتباس:
يا سلام اشهد بالله انها موعظه ونصيحه جزله كتبها الله في موازين حسناتك اخوي طايل صح لسانك مدد بلا عدد ودام بوحك تحياتي 00 |
وزله رفيقك كـان يقبـل بهـا العـذر
اقبل وغل أهـل الحسـد فـي كبودهـا وان عادها فـي الثانيـه شهـد البشـر عساه من نصـح البشـر مـا يعودهـا وان عادهـا فـي الثالثـه لا تجاملـه حده علـى الصعبـه ورقـه سنودهـا الله اكبر ياطايل لله درك على هالعقد المنظوم شامله بيض الله وجهك وجزاك الله خير صح لسانك وفكرك على هالبدع المميز ولا هنت تحيتي |
.
اللـهم صل وسـلم وبارك على عبدك ومصطفاك وآله وصحبه العلــم الطايل الذويبي حضور طال انتظاره جزالـة اللفظ وبراعة النظم وثراء المضمون وان رافقك في الدرب رجـال تجهلـه في الدرب تعرف بيض الأسماء وسودها هذي نصيحـه شاعـر يرثـي الشعـر فـي عصـر خبلانـه تطلـق قيودهـا كـلٍ تشخـص لـه بدبلـه و مسبحـه ودور قنـاة بالشـه فـي قصـودهـا قراءة قيـمة للواقع المفلس صح نبضك ودام بوحك وكل عام وسموك بخير . |
صح لسانك ياطايل
ولاهنت |
.
هلاليه من العيار الثقيل نصيحه كلها طيب وعود ازرق صح السانك يابو سعد مد ماهو عد . |
غالب الظاهري
استاذ يشرفني مروره اشكرك من القلب |
اللهم صلي على محمد وآله وصحبه اجمعين
طايل الذويبي مرحبا مليون يابو سعد .. وعاش من شافك نصيحه تسوى لها ملايين لله ينفع بها ولا يحرمك اجرهاااا صح السانك صح السانك صح السانك اخووك |
هلا هلا والله ومرحبا ومسهلا براعي الطولات ،، الشيخ طايل :)
شاعر وعد الشعـر مـا فيـه تكلفـه كمـا تعـد أهـل المكاسـب نقودهـا شاعر ولا فيها مرآه يا بو سعد سعدنا بطلتك وبقصيدك وصح لسانك وراسك يالغالي ،، وطالبينك لا تغيب تحياتي/ حامد |
اللهم صل وسلم على نبينا محمد
اقسم بالله انها درة محكمه ونصائح ذهب ذهب بيض الله وجهك ياطايل ومرحبا والله ومسهلا والناس وإن شفت الردى فـي وجيههـا وقامت تحدك والجـرب فـي جلودهـا اصحى تجاملها علـى شـان حاجتـك رزقـك علـى خلاقهـا و معبـودهـا الله الله |
حكمه وجزاله غير مستغربه
الله يزيدك يا طايل الذويبي وصح لسانك مدد |
أخوي نايف المقاطي
مرور يشرف القصيده وراعيها ما اقول الا يامرحبا تراحيب المطر |
[align=center]ابو سعد
حكمه فريده من شاعر فريد استاذي / طايل هنا دروس للشعراء والمتلقين درس في الخلق .. ودرس في الشعر .. ودرس في الابداع والحظيظ التلميذ النجيب صح لسانك ولاهنت اخوك جابـ ـر [/align] |
| جميع الأوقات بتوقيت GMT +3. الساعة الآن 03:20 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية