يابنت غزه لاتنادين الاقزام
 

السلام عليكم ورحمة الله وبركاته
أسعد قصائدي وأجملها تلك اللتي تعانق أنظاركم وللقائكم هيبه فأنتم منبع الشعر واهل الشعر وكبار الشعراء بلا مجامله ؟
غزه ,غزه, اكبر من شعري لكنها محاوله لما ينبظه قلبي لها

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الضيم عنوان ٍ الغزه من أعوام = وحصارها زاد العناء وتعذيبه
أسبوع مر / وبعده اسبوع / وأيام =والكون كله شايف ٍ وش يصيبه
جوه / وبحره / وأرضها تضرم ,, أضرام = نار ٍ تزايد كل يوم ٍ لهيبه
شعب ٍ يباد ؟ ونازي ٍ عاث بجرام =مصاص دم الطفل ,, ربي حسيبه
غزه دمار / وموت / وأمراض / وأسقام =لكن ؟ مثل هام الجبال الصليبه
ماشفت ام ٍ (زمجرت) مثل ضرغام =تحمي ولدها يوم سمعت نحيبه
تنطح عدوه مامعه ,, درع ,, وحسام = ماهابت سيوف المنايا تصيبه
ماتت شهيده ,, ثابته منها الأقدام = موت ٍ لها / عز وشموخ ٍ وهيبه
وما شفت أم ٍ ميته حولها ( أيتام ) = خمسة ليالي مابه أحد ٍ دريبه
برد الشتاء / والجوع / والخوف والام =وقسوة عدو ٍ فاعل ٍ كل عيبه
الروح فاضت مابقى كود الاجسام =والطفل في حضنه جلس محتميبه
وين القرار اللي صدر عَبر الإعلام = وألا قرار ٍ للعرب تلتهيبه
وين الأمم ؟ وينه عصابات الإجرام = ( البيت الأبيض ) بايع ؟ ومشتريبه
وين العروبة ؟ وينكم ؟ياهل الإسلام = وين الحكيم اللي يحل الصعيبه
احد ٍ يجادل لاجلها طيب وخصام = واحد ٍ تحس انه يبور بصحيبه
كم دولة ٍ بفعالها ترفع الهام = حتى ولو هي كافره ينحكيبه
ضميرها حي ٍ ولا هوب ينسام = وبعض العرب متخاذل ٍ فيه خيبه
يابنت غزه لاتنادين الاقزام = مافيه بالدنيا احد تنتخيبه
نادي على اللي بالمخاليق علام =رب ٍ كريم ٍ من دعا له يجيبه
ياالله ياللي مهلك ٍ عاد ٍ ورام =ذات العماد اللي بخلقه عجيبه
تنصر أهل غزه على كل من قام =مع اليهود وراضي ٍ بالغليبه
وتهلك يهود الارض تعدمهم اعدام = وبامرك يصير البيت الابيض (زريبه)
هذا كلام اللي سهير ٍ ولا نام = ومن حر مايوجس يبي يشق جيبه
انصر بها ( غزه ) واعض الإبهام =والدمع من عيني تزايد صبيبه[/poem]


لكم شكري واحترامي
اخوكم
ناصر الشعلان (جريح نجد)

ناصر وش نقول شاعريتك متجليه والالم اللي في القصيده لايوصف ...


لله درك والله يعدل الحال ..


اخوك ..

استاذي غلاب بن عايض
شكرا لمرورك وكلماتك الجميله
لاهنت
تحياتي اخوك
ناصر الشعلان

وين العروبة ؟ وينكـم ؟ياهـل الإسـلام
ويـن الحكيـم اللـي يحـل الصعيـبـه
احد ٍ يجـادل لاجلهـا طيـب وخصـام
واحـد ٍ تحـس انـه يبـور بصحيـبـه


الله الله الله يا ناصر ، اسئله بحاجه الى جواب ،



صح لسانك والله انك تكلمت بلسان كل غيور


عساه لسان ما ينلجم


تحياتي

عليكم السلام ورحمة الله وبركاته

يا مرحبا ومسهلا يا ناصر الشعلان

والله يحييك


بيض الله وجهك على هذه القصيده الحرّه والمناصره

وعسى الله يعين وينصر اهل غزه ويرد كيد الاعداء في نحورهم


صح لسانك مدد وتسعدنا مشاركاتك معنا ،،


..

الشاعرناصر





كتبت فأصبت



صح لسانك عداد السييييييييييييييييييييييييييييييييييييييييييييييل






اقل مانملك نحن كشعراء العاء ونظم القصائد الحماسية





ناصر انت مبدع

استاذي محمد مرزوق السميري
شرف لي مرورك
الله يبيض وجهك
اخوك
ناصر الشعلان

ناصر الشعلان


صح لسانك ,, صح لسانك



معبره وااافيه ... والله ينصر اهل غزه ويعينهم




تقديري

الله الله


ياناصر


صح لسانك ونصر الله اخوانا في غزه

مشكور لمرورك
 

القدير خالد السحيباني
شكرا لمرورك اخوي الغالي
اخوك
ناصر الشعلان