مبدع ، والله الله !
السلام عليكم
والسموحة عن شبة الغياب تقبلوها ، [poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"] أشهد ان ما للغلا والي .. ولا للقلب والي=دام قلبي كل ما يرتاح في صدري .. تتله من لي اليا رحت ! ياللي في غيابك ، من بقى لي ؟ =ومن لعيني ان رحت .. ولا القلب ، لا من رحت ، من له ؟ منت غالي .. لانك بعيني .. تساوي كل غالي=وطلْتك تسوى في عين اللي عشقْك .. الفين طله كل ماتقبل .. علي ، آسج عن سود الليالي=واتناسى ضيقتي .. واشوف لي مطلع ، وأشله والخفوق يحاصرك مابين احاسيسي وبالي=وكل عرق يفزّ ويحاول يجلّسْك فمحلّه وكل كلمه .. من بردْك .. وجمرك ، تبهّر دلالي=وكل بسمه .. كنها بعد العصر ، فنجال دله في كلامك شعر ويبين شعوري ، وانفعالي= دايم ان سولفت .. قمت اقول ، مبدع ، والله الله اسكن بقلبي .. ماراح اقول هذا لك ، وذا لي = وأعقد اللي ودك من عروقه ، ولا رقت ، حلّه أشعر ان الكون لا من جيت ، ماياسع ظلالي = وكل مادنقت ناظرت السحايب .. والاهلّه ! لا بغيت اوصّفك ، يعجز خيالي عن خيالي = وانت لا سلهمت ، ضيعتك وضاع الشعر كله رحت لعيونك لبستان الشعر ، يا راس مالي = وجبت لك شيحه وريحانه ونسرينه وفله ماني بناشر قصيدي فيك .. بغني لحالي=لأنك بـ عيني .. جماهير وقناوات ومجله ![/poem] |
.
/ . \ حجززز فـاخر في المقصوره الملكيه . ، حتى العوده لك الشكر .. دمت بخير سعد |
:
: ماقريت القصيده يالمسعري ولكن متأكد من ابداعك .. انتظرني .. |
حجز ( 3 )
على قولة المثل [ خلك مع اول الرياجيل لو على زلق اللحى ] انتظرني يا مبدع .. |
الله يا محمد
صباحك شعر يا راقي |
ياسلاام
محمد المسعري مبدع صح لسانك . |
عليكم السلام ورحمة الله وبركاته
مرحبا يابو مناحي رايي وتعرفه من مبطي وعلى كل الشهاده يقطر دمّها صح لسانك مدد وسلمت |
أشهد ان ما للغلا والي .. ولا للقلب والي
دام قلبي كل ما يرتاح في صدري .. تتله من لي اليا رحت ! ياللي في غيابك ، من بقى لي ؟ ومن لعيني ان رحت .. ولا القلب ، لا من رحت ، من له ؟ منت غالي .. لانك بعيني .. تساوي كل غالي وطلْتك تسوى في عين اللي عشقْك .. الفين طله كل ماتقبل .. علي ، آسج عن سود الليالي واتناسى ضيقتي .. واشوف لي مطلع ، وأشله والخفوق يحاصرك مابين احاسيسي وبالي وكل عرق يفزّ ويحاول يجلّسْك فمحلّه وكل كلمه .. من بردْك .. وجمرك ، تبهّر دلالي وكل بسمه .. كنها بعد العصر ، فنجال دله في كلامك شعر ويبين شعوري ، وانفعالي دايم ان سولفت .. قمت اقول ، مبدع ، والله الله اسكن بقلبي .. ماراح اقول هذا لك ، وذا لي وأعقد اللي ودك من عروقه ، ولا رقت ، حلّه أشعر ان الكون لا من جيت ، ماياسع ظلالي وكل مادنقت ناظرت السحايب .. والاهلّه ! لا بغيت اوصّفك ، يعجز خيالي عن خيالي وانت لا سلهمت ، ضيعتك وضاع الشعر كله رحت لعيونك لبستان الشعر ، يا راس مالي وجبت لك شيحه وريحانه ونسرينه وفله ماني بناشر قصيدي فيك .. بغني لحالي لأنك بـعيني .. جماهير وقناوات ومجله !! فاخره علي الملازيم إنها تستاهل النسخ :) محمّد المسعري لله ِ دَرّكَ يا فَتَى أنت لو تسولف قلنا لك : ( مبدع ، مبدع ، والله / والله ) :) مافيه داعي للكلام الكثير لأني مهما قلت ماراح أحرك ساكن صح لسانك إلى الأمد البعيد إعجابي يتجدد ( بين الفينة ِ والأخرى ) |
[align=center]ماشاء الله
اسكن بقلبي .. ماراح اقول هذا لك ، وذا لي وأعقد اللي ودك من عروقه ، ولا رقت ، حلّه نص جميل ومعاني جزله فيها عذوبه ابداع لك فائق الاحترام والتقدير تحياتي[/align] |
صبح صبح يا عم الحج :)
وهنا حجز يليق بحضورك يا صديقي الــ أوسم واحد :) |
يا صباح الشعر يا أبو مناحي
والله إنها في قمّة الرومانسيه والإبداع والعذوبه رايي خابره من مبطي لكن كرّر إعجابي ومتابعتي وصح لسانك مدد وسلامي عليك :) |
اسكن بقلبي .. ماراح اقول هذا لك ، وذا لي
وأعقد اللي ودك من عروقه ، ولا رقت ، حلّه - خطير يا المسعري :) شعر وحضور ومبدع حقيقي صح لسانك ولاهنت تحياتي |
وعليكم السلام ورحمة الله وبركاته
والله انك غير يا محمد بكل تفاصيل بدعك في كلامك شعر ويبين شعوري ، وانفعالي دايم ان سولفت .. قمت اقول ، مبدع ، والله الله المبدع والله انت واصل لاعدمتك .. ما تقدمه هو الابداع بعينه صح لسانك مدد وزادك الله من فضله ،، .. |
:
في كلامك شعر ويبين شعوري ، وانفعالي دايم ان سولفت .. قمت اقول ، مبدع ، والله الله لله درك أنت يابو مناحي :) شاعر مبدع مبدع مبدع صح الله لسانك ولافض فاك اعجابي ومحبتي |
[align=center]محمد آلمسعري
آلله آلله صح آلله لسآنك و آلله لا يضرك قصيده رآقيه و سلمت و لك آلموده[/align] |
أشعر ان الكون لا من جيت ، ماياسع ظلالي
وكل مادنقت ناظرت السحايب .. والاهلّه ! مبدع والله الله انت اي والله ولازلت من اقرب الاسماء لقلبي شعراُ وشخصاً يابو مناحي |
هلا
هلا هلا وصح اللسانك مدد ، :) شاعر عالي مستوى ، والله الله |
محمد المسعري
قصيدك غيرر وانت غير والله الله ياسلام على هالشعوور والعذوبه .. ابداااعك لاحدود له تحياااتي واعجاااابي |
كل بيوتك عين وخشم
صح لسانك يا محمد واعجابي مبطي ولا زال يا مبدع :) |
منت غالي .. لانك بعيني .. تساوي كل غالي
وطلْتك تسوى في عين اللي عشقْك .. الفين طله كل ماتقبل .. علي ، آسج عن سود الليالي واتناسى ضيقتي .. واشوف لي مطلع ، وأشله كلك أبداع يامبدع صح لسانك يامحمد حتى ترضى تحياتي لك ولاخلآ ولا عدم |
محمد المسعري
صح لسانك ابدعت وامتعت غيمار |
حيّ والله هالحضور يالسمي ..
ابداع وعذوبة وسلاسة تغبط عليها .. صح لسانك حتى ترضى ودام ابداعك يا صديقي .. اعجابي وتحيّتي |
| جميع الأوقات بتوقيت GMT +3. الساعة الآن 11:07 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية