إمقيــط وإرشـــاه!!!!
السلام عليكم ورحمة الله وبركاته
والله انها( خاطره )عى الماشي هي وتوقيعها :) انا ادري ان مالها داعي لكن هذا بعض الواقع المرير [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] ياللي تحكّم في ريموت القنوات=طالبك طلبه لاتزيد المعا ناه ادميت قلبي بالمجازر والاموات=ويلاه من ماشفت العين ويلاه غيّر وتلقى لك قصايد وشيلات=ولا مزاين ذود ولا مباراه ولا سوالف شات ولا دعايات=ولا مسلسل بدو نصفه ملالاه حنّا تعودنا لهاذي المحطات=دائم كذا.. والحرب ما قد عرفناه مانعرف إلا ركب لكز ورنجات=واموالنا نعمل بها في المراباه والصنف الاخر من قشر عيشته مات=باقي الغداء لجاه لليله تعشاه حنا العرب ياكم كلينا مطبات =ياما وياما من مطب كليناه تومي بنا رغابتنا والهوايات =ويضحك علينا الغرب حتى تبعناه متى نوقف في نحور الخواجات=الى متى والذيب خوفه من الشاه إنفّز لشفنا فلسطين بالذات =ناخذ ثلاث ايام والوضع ننساه ناكل ونشرب ماحسبنا المهمات=اهم شي المال والوجه والجاه وابداعنا في نغمة العود واهاات=افضل شعر واجمل قصيده مغناه حتى القصايد والصور والمجلات=ياكثرها في ساحة الشعر كثراه والاّ الصناعة ماش ما من صناعات=يمكن مصانع خاليات إمبّناه نزرع ونحصد في وجود المعدات=ولاّ درينا ويش زرعٍ حصدناه مزارع التمباك والتبغ والقات=فزنا بها وليا نقص شي جبناه ياما وياما عندنا من حكايات =يضحك بها اللي بسمته ماتعداه والله يالولا دعاء اهل الصلوات=اللي على سنة محمد وممشاه اللي دعاهم بالبكاء والمناجات= اللي بتالي الليل يالله يالله لولا. دعاهم بعد رب السموات= رحنا مراح الطير ومقيط وارشاه[/poem] |
الله يصلح احوال المسلمين وانا اخوك ، وينصر
اخوانا في فلسطين ويدحر عدوهم وصح اللسانك على الواقع المرير ولاهنت |
عليكم السلام ورحمة الله وبركاتة
ياسلام والله عليك انشهد .............طالبـك طلبـه لاتزيـد المعـا نـاه الله ينصرهم ويعينهم صح السانك ولاهنت يالغالي التحيه والاحترام لك , |
صدقت اخي
الله يصلح حال الامة.. صح لسانك بلا عدد . . . واشوف في عينك من الفرحه دموع وصح لسانك على التوقيع .. |
من الظلم ان تكون هذه العصماء في غير الشعبي !!
لله درك يا خولان .. من (شواكيش الوريش) الى (مقيط وارشاه) وكفى ! اعجابي الدائم |
من الظلم ان تكون هذه العصماء في غير الشعبي !!
لله درك يا خولان .. من (شواكيش الوريش) الى (مقيط وارشاه) وكفى ! اعجابي الدائم صدق خاالد الحصيّن |
ياسلام ياسلام
لا والله الا لها داعي وماهيب خويطره إلا محبوكة ٍ مسبوكه لله درك وصح لسانك |
الشاعر الكبير / خولان بن عامر
عليكم السلام ورحمة الله وبركاته هذا والله الشعر اللي يخلي كل راعي ذوق يقف له احترام ابدعت ورب البيت ابدعت يا المبدع ولاهوب غريب عليك الإبداع نزرع ونحصد في وجـود المعـدات ولاّ درينـا ويـش زرعٍ حصدنـاه مـزارع التمبـاك والتبـغ والقـات فزنا بها وليا نقـص شـي جبنـاه ياما ويامـا عندنـا مـن حكايـات يضحك بها اللـي بسمتـه ماتعـداه والله يالولا دعـاء اهـل الصلـوات اللي علـى سنـة محمـد وممشـاه اللـي دعاهـم بالبكـاء والمناجـات الـلـي بتـالـي اللـيـل يالله يالله لولا. دعاهـم بعـد رب السمـوات رحنا مراح الطير ومقيـط وارشـاه صلى الله وسلم على محمد وماشاء الله تبارك الوهاب ولولا اللي مثلك وشرواك ما للشعر هيبه صح لسانك ملايين ،، .. |
:
وعليكم السلام ورحمة الله وبركاته ., الغالي والمبدع .. / خولان بن عامر تجسيد للمعاناه اللي نعيشها ونسأل الله ان يعز الاسلام والمسلمين ويرحم حال الامة صح الله لسانك من القصيده الى التوقيع تقبل مروري |
اقتباس:
[align=center]يا سلاااام المبدع خولان بن عامر صح لسااانك على هالتصوير الدقيق وبالعكس لها داعي ونص .. وهذا وقتها تحياتي[/align] |
صح لسانك وبيض الله وجهك
واقع مرير الله يصلح حال الامه لاهنت |
عليكم السلام ورحمة الله وبركاته
مرحبا ومسهلا يا خولان بن عامر بيّض الله وجهك والله يعين وينصر المسلمين ويصلح الاحوال صح لسانك مدد وسلمت |
الله يرحم الحال
لولا. دعاهـم بعـد رب السمـوات رحنا مراح الطير ومقيـط وارشـاه الله الله الله الوكاد انك شاعر من الوزن الثقيل صح لسانك مدد |
خولان بن عامر
الله ينصر الإسلام والمسلمين .. ويرحم الحال صح لسانك .. ولا هنت تحياتي .. |
-
غيّر وتلقى لـك قصايـد وشيـلات ولا مـزايـن ذود ولا مـبــاراه ولا سوالـف شـات ولا دعـايـات ولا مسلسـل بـدو نصفـه مـلالاه الله الله ، فالصميم يابن عامر ، وفي وقتها ، صح لسانك ، والله اني قريتها ثلاث مرات ، شعر وفكر عسى الله ما يضرك تحياتي |
ماشاء الله عليك
في الصميم صح لسانك يامبدع تقديري |
محمد مشوط
صح ابدنك واللهم امين لاعنت يالوافي على المرور تقبل خالص تحيتي |
الله يصلح احوال المسلمين ياخولان
وصح السانك مدد ،، ودمت بخير |
الشاعر القدير / خولان بن عامر
صح لسانك وسلم فكرك وعساها والله في موازين اعمالك وللاسف هذا واقعنا عسى الله يبدل الحال باحوال سلمت ودمت تحياتي .. |
الله يصلح احوال المسلمين ياخولان
وصح السانك مدد ،، ودمت بخير |
الغالي خولان بن عامر
صح لسانك وجعلها الله في موازين حسناتك اخوك |
اشهد بالله انك ماكذبت
صح لساانك يامضواح وافيه مافيها كلام تحياتي لك |
| جميع الأوقات بتوقيت GMT +3. الساعة الآن 09:52 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية