الي شوفته بفلوس
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تولّم يانديبي واركب الي شوفته بفلوس = عديم النوع من نوعيتن بالشكل كاتمها تحت بطنه صفايح واقية لاجا وعر وطعوس = يذب اعتش دروب القاع ويغير معالمها مجهز والجنوب مصفحه والي لها نادوس = تنقدها خشايبها لو الطارد على فمها ومن بين المراتب قاعدة تنبي سهوم القوس = بقوتها ولو تطلق على الضلعان تعدمها ودربيل المساري من يمينه ثبت القاموس = خرايط خزنت لطلس على الشاشه مرقمها على الصدام ونش السحب والتنده ثلاث كبوس = تنور له مدى البندق ليا شغل مقسمها ولونه جيشي وماخذ صفات الكبر فالطاووس = جديد وقيمته تتعب من ايدور دراهمها ومن نوعه مسلم واحد القايد سرية روس = جنوده داخل الشيشان مايقدر يكلمها مكلف فالمهمة والدليلة ظابطن جاسوس = يقول انه دليل وخطة الشيشان فاهمها دخول داخل احدود الخطر متبين وملموس = وقدامه مداغيشٍ تجملها محازمها رجالٍ مسلمين اعيونهم في جنة الفردوس = بحيل الله وعونه يطرح امن الجو حايمها وفي عرض الطريق امناقشه والوضع فيه حسوس = يضنون القضية ليلهم لسود بيدهمها تخاوو والحبل ماهوب لامرخي ولا ممسوس = ملازيم الرجال الطيبه ماهيب تلزمها حقوق الخوه امصدر لها التعليم سبع دروس = وكنهم يجهلون ادروس شاهدها جماجمها ووجهات النظر لو تختلف ماتفسد المدروس = ولا بد الليالي والزمن لقشر يعلمها يصل الراس لامنه دخل داخل ضروسه سوس = وراس الشره مايخضع لو العلة يزايمها ومن بعد النقاش استرسل السايق طريقه دوس = وقال الي تحت رجلي لزوم انه يداهمها وموترهم مثل موتر نديبي هيكلن وتروس = بقوتها وهيبتها وحتى في مقاومها ولا يمسندي خذ خط حده مثل حد الموس= على الي كل ميزاته تنومس من يرهمها تنحر بيت قرمٍ والنشاما في حجاه جلوس = وصلني خطه ورديت ببيوتٍ محكمها مصخرها وامشيها على المسحوب والمنكوس = موجهّا معا المندوب مكتوبٍ بمقدمها سلام الله على بندر وريث المجد والناموس = سلامٍ يستحقه من ضيوف الليل مكرمها وانا طيب وحالي زين ياشاوي ضعاف انفوس = تحاول من رداها في جسور العز تهدمها وسلملي على ظافر وعبدالله صلاب الروس =وابي منك صور للخط يابندر تسلمها[/poem] |
يا هلا يا عوض
قصيدة شاعر صح وتمكن واضح ووصف جميل صح لسانك مدد وسلمت |
:
: ابن طميران ارحب والله يحيك الشهادة يقطر دمها :) ولا اقول الا .. صح الله لسانك .. صح الله لسانك .. صح الله لسانك .. |
ارررررحب يابن طميران
اياسلام عليك يامبدع صح لسانك مليون ولايكفون قصيده وافيه وجزله من شاعر جزل سلمت ولاهنت تحياتي |
يا هلا يا عوض
قصيدة شاعر صح وتمكن واضح ووصف جميل صح لسانك مدد وسلمت ومودتي لك ..... |
الله الله يابن طميران
صح السانك مدد ،، ابدعت يامتمكن ودمت بخير |
اقتباس:
صح بدنك ومن قال سالم وبيض الله وجهك على المرور المشرف |
صح لسان يأبن طميران ..
قصيدة جزلة من شاعر جزل .. كل الود |
قصيدة وافية من شاعر وافي
صح السانك مدد مروري |
صح لساااااانك
شاعر متمكن لله درك تحيتي |
الله الله
عوض ابن طميران القحطاني وصف مبدع . . وتصوير شاعر صح لسانك ..... ولا هنت تحياتي ...... |
عوض ابن طميران
ماشاء الله عليك على هالوصف المتقن صح لسانك صح لسانك صح لسانك مدد جزاله وتمكن واسترسال شاعر متمكن تحياتي واعجابي |
بن طميران
ياسلام عليك وصح الله لسانك |
-
مكلـف فالمهمـة والدليلـة ظابطـن جاسـوس يقـول انـه دليـل وخطـة الشيشـان فاهمهـا دخول داخل احـدود الخطـر متبيـن وملمـوس وقـدامـه مداغـيـشٍ تجملـهـا محـازمـهـا رجالٍ مسلمين اعيونهـم فـي جنـة الفـردوس بحيل الله وعونه يطـرح امـن الجـو حايمهـا وفي عرض الطريق امناقشه والوضع فيه حسوس يضنـون القضيـة ليلهـم لـسـود بيدهمـهـا الله لا يضرررررررررررك يابن طميران ، شاعر جزل جزل جزل ، ماشاء الله تبارك الله صح لسانك ولاهنت ، تحياتي |
[align=right]
صح السانكَ وصح منطوقكَ لا هنت على القصيدة الجزلة .. لا تحرمنا جديدكَ .. .......... تحيتي / [/align] |
| جميع الأوقات بتوقيت GMT +3. الساعة الآن 07:12 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية