% شـاهد عيــان %
السلام عليكم ورحمة الله وبركاته
أسمحوا لي وعدّوها هالمرّه :) القريحه اليومين هاذي على خط 220 :) [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"] يالله عليك المشاكا يالله المستعان = شكوى على غيرك أبموت ما بديتها لو كان يم البشر تحدى ظروف الزمان = لكن إلي هامة ٍ للناس مـا رخيتها أوضاعي الماشيه ما بين خوف ٍ وأمان = مشيت معها ومشـّتني ومشـّيتها لو ضاق جو الفضا في عين شاهد عيان = ما ضاقت الارض لو تكثر عفاريتها والله يلو أن مالي فالبسيطه مكان = كان النجوم المطلّه قد تعلـّيتها أما احسبوها عقل والاّ أحسبوها جنان = لو أنـّي أخذتها بالعقل خلّيتها مكينة الوقت ساير سيرهاا بالدهان =خطير لا يختلط ماها على زيتها دورات الأيام والله ما عليها ضمان = والذكريات القديمه ما تناسيتها سويت فيها البطيط .. وسوّت الجندعان = لكنـّها سوّت اسوات ٍ ماسوّيتها تزعل عليّه فلان . ولا تراضي فلان = والناس مانيب منها كاني أرضيتها أي والله أنّي ليا جات الحقيقه مدان = لديون عمر ٍ ورطت ابها ووفـّيتها حطـّيت للنفس منها سقف حد ائتمان = وعلى يد الإنضباط النفس ربّيتها ( مايرتكي للحمول الاّ وسيع البطان ) = مآعرف من قالها لكنّي أوحيتها وإن ذاب ملح الرصاصه في فم الجابخان = ريق الجابخان بالبارود حليّتها مانيب والله وأنا عايض قليّل إحسان = حسبي على ضيقة ٍ فالصدر كنّيتها مثقال ذرّه حجم .. لكنـّها ثقل أبان ! = لو إن عيني تراها كان هدّيتها والشعر لا شانت أخلاقي على طول زان = كن القصيده تبا ترضيني ابيتها ما أقول أَغـَرْف البحر بكفوف سحر البيان = أقول قفر المشاعر شعر ساقيتها لا هنت ياشعري ومثلي ترى ما يهان = ماني مدوّر على اشيا ما استحقيتها وإن راح عمري هدر معاك يابو ثمان = ما راح يفداك ..والجايه لك أهديتها لو كنت غلطه يشار إلها براس البنان = وأشوفها شوف والله ما تفاديتها إي والله إني فقدتك ما فقدت الحنان = يا أكبر طموحات وآمال ٍ تمنّيتها يجبر عزى عيني إن طال الغياب اللسان = مالي دموع ٍ على فرقاك هلـّيتها [/poem] وسلامتكم :) |
1 , ياراع التناااقيع :)
ولي عودة حتميّه بأذن الله |
القدير عايض النفيعي
والله اني منبهر من حجم ابداعك ودهاءك يالداهيه , ماشاء الله والله لايضرك اي والله اقسم بالله انك متعدي مرحلة الابداع بكثييييير حجـز ولي عوده باذن الله |
يا مرحبا يافالح :)
حجزك ok ودرجه أولى وفالقلب يا هلا فيك وفـ إنتظارك :) |
عفاس
يا مرحبا فيك واطارءك محل فخر ومرورك وسام شرف حجز مؤكد في قلب أخوك في إنتظارك |
لو كنت غلطه يشار إلها براس البنـان
وأشوفهـا شـوف والله مـا تفاديتهـا الله الله ابدعت وامتعت صح لسانك ملايين تقديري ومتابعتي .. |
يجبر عزى عيني إن طال الغياب اللسان
مالي دمـوع ٍ علـى فرقـاك هلّيتهـا عائض النفيعي تمكن جميل وشاعرية فذّة .. لا هنت صح لسانك تحياتي .. |
وإن راح عمري هدر معاك يابو ثمـان
ما راح يفداك ..والجايـه لـك أهديتهـا لو كنت غلطه يشار إلها براس البنـان وأشوفهـا شـوف والله مـا تفاديتهـا إي والله إني فقدتك مـا فقـدت الحنـان يا أكبـر طموحـات وآمـال ٍ تمنّيتهـا يجبر عزى عيني إن طال الغياب اللسان مالي دمـوع ٍ علـى فرقـاك هلّيتهـا الللله اللللله اللللله ما لي دموعٍ على فرقاك هليتها .. شاعر ومبدع وتستحق الإشادة .. الإعجاب بك يزداد .. على الجانب الشخصي وعلى الجانب الشعري .. صح لسانك يا عايض ودمت كما تحب .. تحيّتي |
تزعل عليّه فلان . ولا تراضـي فـلان
والناس مانيب منهـا كانـي أرضيتهـا / / يا سالم يا عايض ، انا هنا لتجديد الاعجاب والمتابعه ، شاعر حقيقي يا عايض لله درّك ولا عدمناك ، اصدق التحايا اخوك: خالد السيحاني |
والله يلو أن مالـي فالبسيطـه مكـان
كـان النجـوم المطلّـه قـد تعلّيتـهـا ****************** حطّيت للنفس منها سقف حـد ائتمـان وعلى يـد الإنضبـاط النفـس ربّيتهـا ( مايرتكي للحمول الاّ وسيع البطـان ) مآعرف مـن قالهـا لكنّـي أوحيتهـا **************************** مانيب والله وأنا عايض قليّـل إحسـان حسبي على ضيقـة ٍ فالصـدر كنّيتهـا مثقال ذرّه حجم .. لكنّهـا ثقـل أبـان ! لـو إن عينـي تراهـا كـان هدّيتهـا والشعر لا شانت أخلاقي على طول زان كـن القصيـده تبـا ترضينـي ابيتهـا *********************** الله عليييييييييييييييييييييييك يا عايض كل القصيده ذهب يشهد الله لكن انا اخترت هذي لأنها بيـّنت لي وش معنى الشعر... صح لسانك و انا اخوك قريتها مرتين و حطيت الرد هذا و ابا ارجع اقراها للمره الثالثه صح لسانك و لله درك و يا مال العافيه و يا زقنك و يا زقن شعرك :) اخوكم |
:
لو كنت غلطه يشار إلها براس البنـان وأشوفهـا شـوف والله مـا تفاديتهـا إي والله إني فقدتك مـا فقـدت الحنـان يا أكبـر طموحـات وآمـال ٍ تمنّيتهـا يجبر عزى عيني إن طال الغياب اللسان مالي دمـوع ٍ علـى فرقـاك هلّيتهـا عايض النفيعي .. / شاعر مبدع .. مبدع .. مبدع .! وعزالله انك اثبت معنى الابداع بحق أبيات رصعت بالذهب مافي الحكي فايده لله درك اعجابي ومتابعتي ومحبتي :) دمت بخير |
ياسلاام ياسلاام
عايض النفيعي مااقول الا ــ الله لايضرك ــ عز الله اني قريت شعر صح ، شاعر وجزل وتسبح بحر ،، صح لسانك ملايين ولين ترضى ، تحية اخوك |
عليكم االسلام ورحمة الله وبركاته
وما شاءالله عليك وعلى هالقريحه يا عايض النفيعي عزالله العزيز انك ابدعت في جميع الاغراض اللي تناولتها في هالقصيده من الشكوى للّه الى اكبر طموحاتك الله لا يضرّك ويزيدك من فضله صح لسانك مدد وسلمت اعجابي وتقديري |
قل : آمين
يالله عسى القريحه دايم على خط 220 لاننا الرابحين :) وإن راح عمري هدر معاك يابو ثمـان ما راح يفداك ..والجايـه لـك أهديتهـا لو كنت غلطه يشار إلها براس البنـان وأشوفهـا شـوف والله مـا تفاديتهـا عايض النفيعي مبدع مبدع مبدع مبدع صار عندي يقين ان اي متصفح لك به من الابداع والابهار مالله به عليم صح لسانك والله يزيدك من فضله ,, سلامي واعجابي المرمس .. |
وعليكم السلام ورحمة الله وبركاته
عايض.. اشهد انك مبدع بكل ماتعني من معنى لله درّك صح لسانك لين ترضى تقديري |
الرائع / عايض النفيعي
وعليكم السلام ورحمة الله وبركاته مرحبا ومسهلا يا عايض لا هنت ياشعري ومثلي ترى ما يهـان ماني مدوّر على اشيا مـا استحقيتهـا عز الله انك تستحق الاعجاب الصريح والخالي من الشوائب شاعر .. شاعر .. شاعر بمعنى الكلمه ، صح لسانك مدد وسلمت ، .. |
لله درّك ، وصح اللسانك
مدد ،، :) |
لله درك ودرّ الشعر ياعايض ____ في كل حرف ٍ قريته دوّن اعجابي سلامي عليكـ ., |
مبدع ياعايض ..
لي عوده تليق إن شاء الله .. وإلى ذلك الحين تقبّل صادق الود ..والاعجاب :) |
هذا هو رد شفق السريع
واعتبره كتب شي عما في الخاطر .. وتستاهل اكثررر والله يلو أن مالـي فالبسيطـه مكـان كـان النجـوم المطلّـه قـد تعلّيتـهـا ****************** حطّيت للنفس منها سقف حـد ائتمـان وعلى يـد الإنضبـاط النفـس ربّيتهـا ( مايرتكي للحمول الاّ وسيع البطـان ) مآعرف مـن قالهـا لكنّـي أوحيتهـا **************************** مانيب والله وأنا عايض قليّـل إحسـان حسبي على ضيقـة ٍ فالصـدر كنّيتهـا مثقال ذرّه حجم .. لكنّهـا ثقـل أبـان ! لـو إن عينـي تراهـا كـان هدّيتهـا والشعر لا شانت أخلاقي على طول زان كـن القصيـده تبـا ترضينـي ابيتهـا *********************** الله عليييييييييييييييييييييييك يا عايض كل القصيده ذهب يشهد الله لكن انا اخترت هذي لأنها بيـّنت لي وش معنى الشعر... صح لسانك و انا اخوك قريتها مرتين و حطيت الرد هذا و ابا ارجع اقراها للمره الثالثه صح لسانك و لله درك و يا مال العافيه و يا زقنك و يا زقن شعرك |
يا مرحبا ومسهلا يا عايض
نص متقن في كل المقاييس ومن كل الإتجاهات كرّر إعجابي المبطي وجدد متابعتي الحتميّه صح لسانك على كل حرف فـ القصيده ونوّرت المواهب :) |
اقتباس:
الله الله الله الله الله الله الله الله الله الله مشالله تبار الوهاب الغالي سمي الشايب:) والله اللذي لا اله الا هو ان شعرك وتناقيعك :) وكل نتاجك الفكري عالي الجوده وحنا على الفكره مستفيدين مدام القريحه على خط220:) صح لسانك لين مايبقى للشعر لسان , وزادك الله من فضله اخوووك |
| جميع الأوقات بتوقيت GMT +3. الساعة الآن 08:43 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية