شبيه أخته ..
 

[align=justify][align=center]بسم الله الرحمن الرحيم

السلام عليكم ورحمة الله وبركاته
..مشاركه متواضعه اتمنى لها القبول


,

,

,[/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

كم واحد يعجبك شكله ليا شفته=واليا هرج قلت ليته طوّل سكاته..
الشوف شيفة رجل و الطبع طبع أخته=دايم علومه علوم أمه و خالاته..
كالبو يعجبك مير ان جيت فتشته=فتشة عدوّك تغث الكبد فتشاته..
ترى الفتى فالمجالس لا التزم صمته=مايندرى ويش حسناته وسياته..
الرجل صمته يعلي قدر منزلته=وينهاب لو كان لا وده ولا هاته..
الليث صامت واذا شفته تهيـّبته=والكلب ماينخشى من كثر نبحاته..
لسانك حصانك يصونك ليا صنته=وان كان خنته ترى تكثر خياناته..
ومنت بتحسف على اللي ما بعد قلته=واليا تكلمت به تبدا حسافاته..
وجميع هرج ٍ طلع منك و تكلمته=عندك ملك يكتبه لك في سجلاته..
الزين و الشين يكتب في مذكرته=ماهوب ينسى ولا تخطي كتاباته..
ويعرض بيوم يفر المرء من بنته=وابوه وامه وجدانه وجداته..
فيه الطفل ما تفكر فيه مرضعته=كل ٍ يدوّر بذاك اليوم منجاته..
وماتزرع اليوم عند العرض حصلته=فإزرع من الخير تجني هناك ثمراته..
ومن يزرع الشر لا جا حصد مزرعته=وناظر ثمر ما زرع زادت معاناته..
فإعمل قبل لا توقف ساعتك بغته=الموت لا جات ما تمهلك ساعاته..
وأصلح عملك يغفر مولاك ما اسلفته=ويدخلك رب البشر فسيح جناته..
وإن كان ما طعتني و ابليس طاوعته=عطيت درب كثيرات ٍ متاهاته..




[/poem][/align]

حجز ولي عوده باذن الله

2

لي عوده مع هذا الجمال والابداع


تحياتي

الشوف شيفة رجل و الطبع طبع أخته
دايم علومه علوم أمـه و خالاتـه


ايو الله انك صادق


صح لسااااانك مليون


تحيتي

حي ذالطله يا عبدالله


ومن حضر ما غاب
وما ابطى بالسيل الا كبره

والله يخلي لك الحلو راعي الصورة يابو مشهور

صح لسااااانك مليون

الشوف شيفة رجل و الطبع طبع أخته
دايم علومه علوم أمـه و خالاتـه


الله الله الله


صح لسانك عددددددددددددد ولاهنت

ماشاء الله
وماتزرع اليوم عند العرض حصلتـه
فإزرع من الخير تجني هناك ثمراته..

ومن يزرع الشر لا جا حصد مزرعته
وناظر ثمر ما زرع زادت معاناتـه..

فإعمل قبل لا توقف ساعتـك بغتـه
الموت لا جات ما تمهلك ساعاتـه..

وأصلح عملك يغفر مولاك ما اسلفته
ويدخلك رب البشر فسيـح جناتـه..

وإن كان ما طعتني و ابليس طاوعته
عطيـت درب كثيـرات ٍ متاهاتـه

صح لسانك


قصيده وافيه ومعاني جزله فيها عذوبه

وحكم نستفيد منها

لك فائق الاحترام والتقدير

تحياتي

هلال

حجزك فالقلب يابو عوض

صح لسانك


وبيض الله وجهك




ابدعت


لاهنت