إهـداء .. حصري !
اسعد الله اوقاتكم ., القاف هذا كان تقريبا آخر قاف يلعبه المغفور له بإذن الله .. مطلق الثبيتي ., ويشاركه فيه العلم والقدير مستور العصيمي .. أطال الله في عمره ., طبعا بثّت المحاوره بشكل حصري على قناة المرقاب .. وأحببت ايرادها هنا .. اهداء للجميع عند بدء التشغيل يرجى التركيز على الآتي :- 1- الصف ومدى التناسق الرائع بينهم .. والتفاتات قائديّ الصفين والابتسام عند كل نهاية شطر ممايدل على الحاله الطربيه لهم + اصغر واحد عمره يمكن 35 .. مهب الحين ابو اربعطعش ومزعج الخلق بالتصفير . 2- االهيبه الكامله للجو العام .. فيما بين الصفين والشاعرين ., 3- مع ان المحاوره ينتهي صدر وعجز البيت فيها بقافيه خاليه من الجرس الموسيقي .. الا ان كميّة الشعر وكثافة المعنى .. تعطيها ابعادا ً لاتضاهى تفضلوا :- :) http://www.youtube.com/watch?v=UYixrQSzbhw سلامي عليكمـ ., |
بعد نحرت شعيل عطنا من سنامه
وانا ولد عمك واخوك من الرضاعه يا مال جنان النعيم اي والله ماعاد باقي من شعيل الا عظامه عندك خبر لكنّ ما عندك قناعه الله يطول عمر ابو تركي اعلام شعر سيبقون على مر التاريخ الغالي .. عناد لاعدمناك على هذا الإهداء الغالي والحصري .. |
[align=center]أشهد بالله أنا ما عاد نشووف محاوره
والله الشعار والصــف يا اخي الصف لحاله عناد سلامي عليكــ دايم [/align] |
سداح ., اللهم آمين .. واشهد انك ماعدّيت الا الحق ., الف شكر على كرم مرورك وحسن استماعك ., سلامي عليكـ ., |
سلطان العطاوي ., مرحبا مليار كلامك عين العقل عز الله الف شكر لحضورك واستماعك ., سلامي عليكـ ., |
عناد النفيعي
بيض الله وجهك ... ورحم الله والديك نقل راائع لــ اعلام شعر المحاورة !! |
والله يا عناد انك صادق ياخي هيبة الصف والجو الرهيب يعيشك جو المحاورة
ماهوب هاليومين ما تشوف الا عالم تطامر وتصفير يالله لك الحمد لا هنت يا ابو سالم |
عبدالله الرقيب ., ووالديك يابوعلي .. ووجهك ., لمرورك ولا ستماعك .. اغلى الشكر ., سلامي عليكـ ., |
:
يامال الجنة يامطلق .. والله يبقي الحي .! عناد .. عزالله انه انتقاء في غاية الروعه لاهنت وابيض وجه |
. فيصل الجعيد ., هلابك يافيصل .., وصدقت ..تصفير وتصفيق وبربسه .. طبعا ماعدا المغتره :) برايفت :- ترى ختختتك كاثره هاليومين .. لاعاد تغيب عن المرقاب .. ياحلو :( سلامي عليكـ ., |
[align=center]
رحم الله مطلق الثبيتي ,, وأطال الله في عمر مستور العصيمي ,, أنا من متابعين المحاوره وبصراحه هالمحاوره من اجمل ما شاهدت عناد النفيعي .,’ ألف ألف شكر على الإهداء[/align] |
عناد النفيعي
لله درك .. ودر ذائقتك يابو راشد ابتكلم عن النقاط اللي ذكرتها في مقدمة هذا الاهداء الرهييييب !! جميع النقاط الثلاث التي ذكرتها اكبر دليل على علو ذائقتك وسموّها .. حيث انها ذائقه نخبويه لا تغفل ادق التفاصيل :) وتأكيداً على علو هذه الذائقه .. ما ذكرته فالنقطه الاخيره المتعلق بــ خلل الجرس الموسيقي لـ ابيات هذا الطاروق الكبير بين عمالقة هذا الفن ولكن قوة المعنى والمنافسه .. الغى هذا الخلل تماماً !! لله درك يا عناد !! ورحم الله المدرسه / مطلق الثبيتي واطال في عمر الشاعر الكبير / مستور العصيمي ويالله يالزمن الجميل ! :) |
فراج القرقاح .,
اللهم آمين , وهلابك والف شكر لحضورك واستماعك ., والله يبيض وجهك ., سلامي عليكـ ., |
الله الله الله الله
هذا والله المحاوره اللي عليها الكلام ، ماهيب محاورات اليوم ـ اللي احتراماً لتاريخ هذا الفن الكبير ماودك تسمعها لاهنت ولاهانت ذايقتك يابو سالم ـ سلامي |
النيره ., اللهم آمين ., و سلمتي .. على حضورك وحسن استماعك ., سلامي عليكـ ., |
عناد النفيعي
دائماً تأتي بالجميل .. والراقي لا هنت على هذا النقل تحياتي .. |
الله يرحم العلم : مطلق الثبيتي
والله يطول عمر العلم : مستور العصيمي شعراء كبار .. وصفوف مميزه .. الناتج .. محاوره نادره عناد النفيعي الله لايهينك على النقل وحسن الاختيار احترامي وتقديري اخوك |
الله الله الله الله
الله يرحم مطلق الله يرحمه ويطول عمر مستور محاوره مايحتاج وشعرا عمالقه لاهنت يابو سالم |
عناد يا ذوووووق
|
عناد على طاري الجو بين الصفوف والشعار
قل ما شا الله على عيوني لقطت الثبيتي الله يرحمه يلعب مع الصفوف فالدقيقه 3:11 :) بس ياعناد الطاروق من أوله لو تجيبه أكون شاكر لك تحيّتي لك :) |
الله يرحم مطلق الثبيتي رحمه واسعه
والله يطول عمر ابو تركي والله يمتعك بالصحه والعافيه مثل ماامتعتنا ياعناد اهداء غالي و حصريته سبب غلاوته:) |
سلطان الشعرررررررررر
انت علم ومطلق علم رحمه الله واطال في عمر العلم ابو تركي وذوووقك رفيع وخلقك رفيع ولله دررررررررررك |
| جميع الأوقات بتوقيت GMT +3. الساعة الآن 02:08 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية