تشبه لبوها
[align=center]الأخوه والأخوات في المرقاب الخلاب
السلام عليكم اشلاء من الهام تآلفت من وحي الطبيعه عبر الزمن فأصبحت حوليّه اقبلوها رغم تواضعها القصيده:[/align] [frame="9 80"][poem=font="Simplified Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"] مرّت وجتني لافيه مدري منين=مثل الهبوب اللي تدرّج غمامه يفرح بها لا جت شمال البعيدين=وتفرح بها وان جت جنوب اليمامه فوق اشتعال البرق بين الحميمين=هلّت مدامعها تبل العدامه كالدمعه اللي غادرت رمشة العين=مرّت على الشامه وخطّت علامه وجه القمر في ليل نيِّف وعشرين=غاشيه من شدّة حياها لثامه لو رمضانه عام بين الهلالين=فرضٍ على كل المداين صيامه تعوذ بالله من عيون الشياطين=وتذكِّر الشايب بليلة فطامه كن النهار اللي من سنين و دنين=ماحال دونه ليل واسدل ظلامه أمسه غدير وغِبِّه اللعب في الطين=الحَرصْ من سلواه ينسى غلامه ياحيف يا بطن الثرى وش تخبين=وش ضر سيلك غير عرق الثمامه جالٍ فرش فوقه بختري ونسرين=وجالٍ جرف قبره وبيّن عظامه ارض الخزامى اللي عن القبر مترين=يشوبها ساقه ومفصل ابهامه ان قلت هامه قصها السيف نصّين=هذا حماه وغالب الظن هامه ويوم اتخيلها بتفكير هالحين=انصاف بيضه في مرابض نعامه عديت من سود الأثاثي ثلاثين=ولقيت قدام الأثاثي زمامه مدري من اللي كان عند المواعين=ولا ادري عليهن فاح كم من كرامه عديت كل اطلالهم غير ثنتين=هذي عصا شلفاه.. هذا حسامه ومحلي الاطلال ثالث حصاتين=ما كنها الا يوم احلي وشامه وزهره هجينه لونها فيه لونين=حلّت بهاء ممزوج شامه بيامه قولة سقى الله يوم كنا بزارين=تذير خشف الريم حزّة ريامه ما احلى من احلام البراءه قرابين=على بحر موجه يلملم حطامه الا زهو ينتاب بنت السلاطين=وصيفها رغبات سته دوامه ان عاملته بلينها وانتهى اللين=اقصى حدود اللين بعض الصرامه وان خيرته وحطته بين جيلين=عنده وجود الشي مثل انعدامه تشبه لبوها قدوته يوم حطين=تسبر حصون القلب قبل اقتحامه لي من صبور الوجد سَن السكاكين=وله من جزور المجد ذروة سنامه[/poem] [/frame] |
جالٍ فرش فوقه بختري ونسرين
وجالٍ جرف قبره وبيّن عظامه خلني بين ذا الجالين الين الله يفرجهاااااااااااا |
صح الله لسانك يا عامر ولا هنت
|
الله الله
صح السانك ياعامر دايم جزل تحياتي لك |
(( 4 ))
|
وجه القمر في ليل نيِّف وعشرين
غاشيه من شدّة حياها لثامه الله الله تشبيه الوجه بطلّة القمر البهية .. وغشاه من السحاب ما يشبه اللثامة على وجه الفتاة الجميلة مفرطة الزين ......!!! عامر عمار صح لسانك .. ولا هنت يا مبدع تحياتي .. |
عامر عمار
صح الله لسانك شاعر يعجبني طرحك واسلوبك |
عامر
والله انك شاعر ثم شاعر وبكيتني بعد الين صفا مابراسي آآآآآآآه ياقلبي وقلبك صح السانك مدد وللشعر معك طعم اخر فائق تقديري |
الله الله
عامر عمار ابدعت الله يزيدك من فضله صح السانك مدد ،، ودمت بخير |
فوق اشتعال البرق بين الحميمين
هلّت مدامعها تبل العدامه كالدمعه اللي غادرت رمشة العين مرّت على الشامه وخطّت علامه الله ياسمو الشعر اقسم الله ان للشعر معك طراه صح لسانك ودام حضورك البهي يامبدع اخوك |
عامر عمار
جعل يبطي يومك وتنومس قومك قصيده لا توفيها الكلمات والاطرااء صح لسانك واعتلا شانك ولاهنت :) |
تعوذ بالله من عيون الشياطين
وتذكِّر الشايب بليلة فطامه الله الله أمسه غد ير وغِبِّه اللعب في الطين الحَرصْ من سلواه ينسى غلامه ياسلام عديت من سود الأثاثي ثلاثين ولقيت قدام الأثاثي زمامه مدري من اللي كان عند المواعين ولا ادري عليهن فاح كم من كرامه ابو عمرو فيلسوف الشعر انت منجم ذهب لايكتشفك الا من تتجاوز نظرته السطحيه الممقوته صح لسانك |
عامر المرقاب
وأحد اهم مبدعينه القدامى مرحبا والله يبوعمرو وصح لسانك بلا عدد شاعر نتشوق لجديده ونسعد بتواجده المغاير دائما .. |
اقتباس:
اسعدني بسطرينك لا عدمتك دام عزك[/align] |
كلما تقرأ هذه الرائعة تكتشف فيها ابداعا جديدا
لم تكن تراه الف صح لسانك يابو عمرو والف شكر . |
اقتباس:
ولا هان حضورك[/align] |
اقتباس:
شرفتني بمرورك طال عمرك لا هنت[/align] |
[align=center]صح لسانك
صح لسانك صح لسانك تحيتي ومروري[/align] |
بياض الوجه يابو عمار
وصح لسانكــــــ ... تقبل مروري .... ...... |
اقتباس:
لا هان مرورك ولا هنت[/align] |
اقتباس:
[align=center]الف شكر يالغالي على مرورك وأطراءك راق لي وأثلج صدري تذوقك لهذا البيت بالصوره التي كنت قد صممته لها هذا من حسن ذوقك وتذوقك طال عمرك لاهنت[/align] |
اقتباس:
[align=center]سلمت ودمت يا ابن عبدان اعجابك مفخره لا هنت[/align] |
| جميع الأوقات بتوقيت GMT +3. الساعة الآن 05:48 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية