(( ياهاجسي حظّر وحسوتك المعاني والطروق ... عان السحابة خيّلت يجذبك لمع بروقها ))
الأخوة والأخوات أعضاء وزوار هذا الصرح الشامخ بكم
السلام عليكم ورحمة الله وبركاته وأسعد الله جميع أوقاتكم بكل خير أضع بين يديكم هذه المتواضعة علّها أن تجد ولو حيّز بسيط من ذائقتكم الفذّة ... [poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] ياهاجسي حظّر وحسوتك المعاني والطروق=عان السحابة خيّلت يجذبك لمع بروقها في عبلةٍ فيها الخزامى والنفل شوفه يشوق=والمزنه الغرّا على العبله تهل حقوقها يا ماحلا في مدلهم الليل لمعات البروق=في خايعٍ ما داج به غير البدو مع نوقها وياماحلا سج القدم بين الفيافي والعروق=ويا ماحلا طلّة جبين الشمس وقت شروقها وأنا أدري أن صيد النوادر عن جنابك ما يعوق=دايم حرار الصيد يالهاجس تفك سبوقها خابرك لامنك بديت البدع بالنيّه صدوق=تسوقك الشيمة لقول الحق وانت تسوقها واعرفك لامنك بديت ولا لقيت اللي يلوق=تشوم عن جلب الهزال ولا تجي في سوقها وأنا لك الله واثقٍ بك وأنت لك حق الوثوق=لكن خذ علوم الوفا وأحرص على موثوقها وخلّك على قول العلوم الغانمة دايم سبوق=ترى الرجال اليوم تعرف من حسن منطوقها بعض العلوم اللي تنومس ترفع الرجال فوق=وبعض العلوم البايهه سقم الرجال وعوقها وخلّك على خبري بحرفك ياعميل الخير ذوق=وأحرص وراع أذواق خلق الله وراع فروقها وأدري تغثك هالخبول اللي يلوّون الشدوق=ناسٍ غثاها طال لكن من يسد حلوقها من كثرهم صاب القصايد وأكثر الساحة فتوق=خريمةٍ فتقت ولكن من يخيط فتوقها وأما أنا وأنته على عهد الجزالة مانبوق=نقطف ثمر عذب المعاني من جزال عذوقها ناخذ حقوق ونعطي أهل العرف والشيمة حقوق=ولا نلد العين في ناسٍ تلوّي شدوقها وأن قلت لي ما أنته برايق من ورى خشمك تروق=كله لعين الجادل اللي تنتظر معشوقها المهرة اللي تسكن بقلبي وفي كل معلوق=وأنا أدري ان حبي سرى في دمها وعروقها أنا أشهد أني لشوفها دايم وخفّاقي شفوق=اللي جميع أوصاف ترفات البني تفوقها في كل ليل يلوفني شوقي لشوفتها وأتوق=لشوف غرّتها ليا قامت تلاعب طوقها اللي غلاها في الحشى ما عالمٍ عنه مخلوق=حقٍ لها عندي ولو تاكل حشاي حروقها ما أرضى أعرّضها لسان اللي على الشينه لحوق=اللي يلم علوم خلق الله ويردم فوقها ألي عليها ما يجي في حبها العذري عقوق=وألها علي أسرارها ما ينفتح صندوقها والله ما أرجي من وراها لا صبوح ولا غبوق=أمشي على وضح النقا وأعطي الرجال حقوقها ماني لغرّات العرب وأعراض خلق الله سروق=ما اخبث من اللي ينتمي لأهل الوفا ويبوقها وياهاجسي صدّر وحسوتك المعاني والطروق=عان السحابة خيّلت يذبحك لمع بروقها[/poem] وسلامتكم جميعاً |
المهرة اللي تسكـن بقلبـي وفـي كـل معلـوق
وأنا أدري ان حبي سرى فـي دمهـا وعروقهـا المهرة اللي تسكـن بقلبـي وفـي كـل معلـوق وأنا أدري ان حبي سرى فـي دمهـا وعروقهـا المهرة اللي تسكـن بقلبـي وفـي كـل معلـوق وأنا أدري ان حبي سرى فـي دمهـا وعروقهـا عز الله أبدعت وكفيت وفيت ومرحبابك في مرقاب المبدعين صح لسانك ويسعدني مصافحتها قبل الغير لاهنت ياعبدالعزيز |
ياسلام عليك ياعبد العزيز
جزله ومميزة ماشاء الله عليك صح لسانك ولا هنت ومن ابداع لأبداع تحيتي لك |
.
. 3 . . |
ياسلام عليك ياعبد العزيز
جزله ومميزة ماشاء الله عليك صح لسانك ولا هنت ومن ابداع لأبداع تحيتي لك |
[align=center]ياسلام ..
عبدالعزيز السليس .. صح السانك .. تحياتي وتقديري .[/align] |
ابو سامي
الله الله صح لسانك ولاهنت نص اكثر من رائع |
ماني لغرّات العرب وأعراض خلـق الله سـروق
ما اخبث من اللي ينتمي لأهـل الوفـا ويبوقهـا الله الله عبدالعزيز السليس صح لسانك مدد .. ولا هنت ومرحباً فيك مرة أخرى تحياتي .. |
هلا ومسهلا أخوي نايف
ومرحبا بك وبحضوك ومرورك الكريم على هذه المتواضعة وصح بدنك ولاتهون وانا اخوك وماعليك زود جعلك تحيا والشرف لي أخوي نواف دمت ودام تواصلك الراقي معي تحاياي وكل تقديري |
يا ماحلا فـي مدلهـم الليـل لمعـات البـروق
في خايعٍ ما داج بـه غيـر البـدو مـع نوقهـا وياماحلا سـج القـدم بيـن الفيافـي والعـروق ويا ماحلا طلّة جبيـن الشمـس وقـت شروقهـا عبد العزيز السليس صح السانك قصيده تروي ضما كل القصايد تحياااااااااااااااتي |
يا ماحلا فـي مدلهـم الليـل لمعـات البـروق
في خايعٍ ما داج بـه غيـر البـدو مـع نوقهـا وياماحلا سـج القـدم بيـن الفيافـي والعـروق ويا ماحلا طلّة جبيـن الشمـس وقـت شروقهـا مرحبا مليون يابو سامي نورة المرقاب بنضمامك له حياك في مرقاب الابدع وصح لسانك نص رائع وليس غريب من ابوسامي تقبل سلامي |
حياك الله يالشاعر
وصح الله لسانك على هالشامخه ولاهانك لك التقدير’,, |
عليكم السلام والرحمه
يا مرحبا يا عبدالعزيز حضور جميل وقصيده وافيه في المبنى والمعنى صح لسانك مدد وسلمت |
ارحب يابوسامي
وصح الله لساانك قصيده وافيه وحضور مميز سلمت يمناك تقبل تحيااتي |
هلا ومسهلا اخوي فالح الشلوي
ومرحبا بك وبحضورك ومرورك الكريم على هذه المتواضعة وصح بدنك ولاتهون وانا اخوك دمت ودام تواصلك الراقي معي أخوي فالح تحاياي وكل تقديري |
| جميع الأوقات بتوقيت GMT +3. الساعة الآن 03:58 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية