عوج الليالـي عسـى ربـك يعدلهـا
 

السلام عليكم جميعاَ



ذي مشاركتي في قصيدة أعتبرها من أروع القصايد في هاالمجال مجال
(النصح)

لــ الشاعر المرحوم سليمان الهويدي


[poem=font="Courier New,6,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا صالح البحث خله واترك الماضـي=عوج الليالـي عسـى ربـك يعدلهـا

لا تتبع النفس ترث فيك الأمراضـي=وادع الحواسيـس عنـك لا تخيلهـا

واعمل لدنياك وآخرتك وكن راضـي=وارزاقنا عنـد رب العـرش كافلهـا

واسلك طريق ٍ سليم ٍ فيـه تعتاضـي=بعض المواقف تبيض وجـه فاعلهـا

واحذر تسارع على الهرجه وتغتاضي=ودعـوة تعـداك لا تشـرح بفايلهـا

عندك خبر بالعلوم اطوال واعراضي=ما تنقضي الحاجة اللي ما تقـوم لهـا

وافطن لوقت ٍ رمى راعيه بالحاظـي=دنيا لشروى الفهـد تنصـب حبايلهـا

الوقت هو الوقت والافراض الافراضي=هذي نجوم السمـا وهـذي منازلهـا

ما به تبدل ومد البحـر مـا فاضـي=تبـدل انـه الضمايـر مـن يـحللها

لو تنصف الناس ما نحتاج للقاضـي=تلقـى المحاكـم خفيفـات ٍ مشاكلهـا

ولو ما الغنايم تجي وهبات واحظاظي=كان اكثر اللي تشوفه مـا يحصلهـا

ومن راقب الخلق يكسب هم بالفاضي=كـل ٍ هدومـه علـى قـده يفصلهـا

والختم اصلي عدد ما بارق ٍ ناضـي=علـى نبـي ٍ بـدا السنـة وكملهـا

[/poem]

اللهم صلي وسلم على نبينا محمد

ورحم الله الشاعر / سليمان الهويدي


قصيده دره في النصح وفي القناعه والزهد
وكلام ثمين جداً ..



شكراً يا مخايل أختيار موفق ،،

العفو ..... و القادم أجزل

ذوق رفيع لا شك


الله يرحمه ويسكنه الجنه وقصايده جزله وجميله ولا شك هذي من اجملها



شااكر لك يا مخايل


وتسلم يمينك


:)

الله على شعر الحكمة

رحم الله الهويدي ورحم الله اموات المسلمين

والف الف شكر على حسن اختيارك

مع اجمل تحية

اخوك

[align=center]لو تنصف الناس ما نحتـاج للقاضـي
تلقـى المحاكـم خفيفـات ٍ مشاكلهـا
رحم الله الشاعر .,’ سليمان الهويدي


مخايل .,’ شكرآ من القلب على الاختيار الرائع [/align]

رحم الله الشاعر الكبير / سليمان الهويدي
وتسلم يمناك على هذا النقل الجميل
والهادف





لاهنتي يا مخايل

سليمان الهويدي
قامة شعريه .. والله يرحمه .!


مخايل
لاهنت على الاختيار الطيب
دمت ِ بخير

[align=center]لو تنصف الناس ما نحتـاج للقاضـي
تلقـى المحاكـم خفيفـات ٍ مشاكلهـا
ولو ما الغنايم تجي وهبات واحظاظي
كان اكثر اللي تشوفه مـا يحصلهـا
ومن راقب الخلق يكسب هم بالفاضـي
كـل ٍ هدومـه علـى قـده يفصلـهـا


الله يرحم الشاعر الكبير سليمان الهويدي


ومشكوووورة يا مخايل على ذوقك واختيارك الجميل


تحياتي[/align]

يا هلا فيك يا مشاري ولا هنت على التواجد
والكلام الطيب ... تسلم

الله يرحمه وأنا اختك الله يرحمه

لا هنت ...

إختيار يدلّ على رقي ، الذائقه .

رحم الله الشاعر .

وسلم فكرك .

وعليكم السلام ورحمة الله وبركاته
هلا اختي مخايل
الف شكر على هالاختيار الرائع
والله يرحم الشاعر سليمان الهويدي ويرحم اموات المسلمين

الله يرحمه ويسكنه الجنه

علم من اعلام الشعر واختيار موفق يا مخايل

شكراً لك