هجير الهجر
السلام عليكم
اسعد الله جميع اوقاتكم للتواصل فقط عساها توفق في شي من الاعجاب [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] حبيبي كلّ شوق يزيدني عشق وهيام وحبّ= من اللهفه عليك اسرق ليومي من وله بكره عليل الروح روحه مانفعها غير طيفك طبّ= يمرّ ويشبع المهجه شغف والعاطفه سكره تخيّرت الصبابه يوم دمعي من فراقك صبّ= وانا اللي ماقنعت من الفراق الا وانا مُكره لك الله كلّ ماتطري عليّ مع الهوى لاهبّ= يفوع القلب يمّك فوعة القرناس من وكره تنزّل في حنايا الصدر واختر فالضلوع وطبّ= تراك اولابها ياوالي احساسي ومحتكره عسى الله يعطي اللي عقّبوك الجنّه . أم وأبّ= ورى ماتلتفت فاللي صدودك مشغلٍ فكره الا ياشبه صفراً ماتغير مع المهار القبّ= معفاةٍ لشيخٍ ذايعٍ بين العرب ذكره يحط الوارده والصادره فوق ام رِبع وغبّ= وعزله من محاوي كلّ قرم البكره البكره هجير الهجر ولّد لاهبٍ بين الضماير شبّ= وانا اللي كنت ويّاك آمن الجنبين من مكره طغيت بعنفوانك ظنّك المظلوم ماله ربّ= ترا ماله سوى اللي ماتكلّ الناس من شكره[/poem] |
عليكم السلام ورحمة الله وبركاته
مرحبا مليون يا حاتم البراك وحيّك وحي هالحضور اللي نتشفق له والله انه من الظلم لو اقتبس بيت منها شاعريّه فذه وابداع وتمكن واضح الله يزيدك من فضله صح الله لسانك مدد وسلمت يا مبدع اعجابي ومتابعتي |
,,
مرحبابك يابو مناحي واشكرك من كل قلبي على هذا الاطراء وعلى هذا الوفاء الغير مستغرب من اسياده صح بنك يالغالي وتقبل مودتي الصادقه |
الله الله الله الله
ياسلام ياحاتم ، والله ان جديدك صار مطلب ضروري لاشباع الذوايق شعراً لله درك ولله در الشعر اللي تكتبه ، وليت كل جديد يكون بهالمستوى من الشعر والابداع والحرفنه ، صح لسانك ياحاتم ، |
من اول بيت .. وانا واقف باستعداد
واضرب تحيه ! اشهد بالله .. شهادةٍ اسأل عنها يوم الحشر انك من اروع وارقى واذكى الشعراء اللي مروا على ذائقتي ! لله درك يابو سلطان .. وكفى ! وصدقني .. يا هالقصيده انها ما راح تمر مرور عادي واذكرها :) اخووك |
اقتباس:
صح لسانك .. صح لسانك تحيااااااااااااتي .. |
الله الله الله
الله الله الله الله الله الله الله الله الله يا بوسلطان وش نقدر نقول أقسم بالله إبداع فارق بكل المقاييس حرفنة على اصولها عسى الله يعطي اللي عقّبوك الجنّه . أم وأبّ ورى ماتلتفت فاللي صدودك مشغـلٍ فكـره أرحمنا أنت الله يرحم من جابك بيوتك تشلع القلب مير صح لسانك مدد بلا عدد يا مبدعنا الفذ ،، .. |
الله الله
الله صح اللسانك يابو سلطان وبيض الله وجهك على القصيد العذب ، اللي يطرب غصب من أول بيت إلى أخره .. :) ولاهنت والله ، |
ابو سلطاااااااان ,
والذي لا اله الا هو انّك مفخره لنا وللشعر اسلوب متفرّد وابداع لايجيده الا من ارتوى من الشعر الى حد الثماله مثلك لله درك وصح لساااااانك |
لك الله كلّ ماتطري عليّ مع الهوى لاهـبّ
يفوع القلب يمّك فوعة القرناس من وكـره الله الله الله الله الله صح لسانك الف حضور رااائع ومميز لاهنت احترااامي و ج د |
[align=center]*
* تخيّرت الصبابه يوم دمعي من فراقك صـبّ وانا اللي ماقنعت من الفراق الا وانا مُكـره لك الله كلّ ماتطري عليّ مع الهوى لاهـبّ يفوع القلب يمّك فوعة القرناس من وكـره تنزّل في حنايا الصدر واختر فالضلوع وطبّ تراك اولابها ياوالـي احساسـي ومحتكـره عسى الله يعطي اللي عقّبوك الجنّه . أم وأبّ ورى ماتلتفت فاللي صدودك مشغـلٍ فكـره الله الله الله الله الله الله المبدع .,’ حاتم البراك صح لسانك ملايين على هالرائعه دمت متميز http://www.islamup.com/uploads/image...ad1b1c66b5.gif[/align] |
حاتم البراك
لله درك على هذا الإبداع .. وتلك الجزالة صح لسانك .. صح لسانك تحيااااااااااااتي |
سجل عندك حجز مؤكد
وعتب كبر طويق على الغياب المؤثر |
عسى الله يعطي اللي عقّبوك الجنّه . أم وأبّ
ورى ماتلتفت فاللي صدودك مشغـلٍ فكـره الا ياشبه صفراً ماتغير مع المهـار القـبّ معفاةٍ لشيـخٍ ذايـعٍ بيـن العـرب ذكـره يحط الوارده والصادره فوق ام رِبع وغـبّ وعزله من محاوي كلّ قرم البكـره البكـره هجير الهجر ولّد لاهبٍ بين الضماير شـبّ وانا اللي كنت ويّاك آمن الجنبين من مكـره طغيت بعنفوانك ظنّـك المظلـوم مالـه ربّ ترا ماله سوى اللي ماتكلّ الناس من شكـره الله الله الله ياحاتم ابداع وامتاع وحبكه ذهبيه يارائع صح لسانك وتقبل تجديد المتابعه ومزيدالاعجاب اخوك |
حاتم البراك
كامله والكامل وجه الله صح لسانك مد تقديري |
من اللهفه عليك اسرق ليومي من وله بكره
الله الله ابداع+ابداع+ابداع ولاهو غريب عليك صح لسانك ملايين تقديري ومتابعتي اخي .. . . |
عسى الله يعطي اللي عقبوك للجنه
يابو سلــطان اشهد بالله ان لقصيدتك نكهه وروح .. مبدع وشهادتنا فيك مجروحه ماقدرت اختار بيت واظلم بيت كلها دره ابداع ولاغرابه ابد ابد عسى الله يزيدك من فضله وصح لسانك مدد مدد ولاتحرمنا من الجديد .. ترانا بالانتظار ســـــلامي واحترامي |
صح لسااااااانك قصيدة جزلة
وقافية مميزة |
[align=center]الله الله
ياحااااااااتم ابدااع صح لسانك ولاهنت[/align] |
الغالي والمبدع حاتم البراك
أول تصفح لجميل حرفك على وعد بمتابعه داااائمه والحقيقه اني لم اكتفي بقراءه القصيده ذي فقط بل مريت على اغلب قصايدك الله لايضرك وصح لسانك على كل نتاجك الفكري ياستاذي اخووك |
تسجيل حضور يابو سلطان
وهذي والله أني مضيفها فالمفضله ليا بغيت أقراء شعر جيتها .. تحياتي لك .. |
حاتم
صح لسانك ولاهنت لك كل الود والتقدير |
| جميع الأوقات بتوقيت GMT +3. الساعة الآن 03:52 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية