عايض الهاجري ..!
السلام عليكم
اعضاء المرقاب وزوّاره بعد التحيّه .. هذه القصيده رد على قصيدة الشاعر عايض الهاجري .. واتمنى ان ترضي ذائقتكم . [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"] المطلع اللي غير كل المطاليع = ركّد استيعابي وشدّ استماعي يازين ترتيبه وزين الينابيع = اللي تدفقها ماهو باصطناعي من كل شكل الها فروع وتناويع = قفريةٍ ما قطفتها الرواعي قد علها وسمٍ لبرقه تلاميع = وتلاه مع شم الخضار اتباعي ماداج فيه الا الوحوش القواطيع = والا الحمام الليّ لحقه التياعي يشوق عين اللي بقلبه تلاويع = من واقعٍ ذلّ العديم الشجاعي قريت مضمونه وودونّت ماشيع = على حسب عرفي وكثر اطلاعي لو اني امجنب اردود البواتيع = من غير حقران لقصيد السباعي لكن عايض له بقلبي مراتيع = وياجب علي وامر السنافي امطاعي اضرب محيط البحر واعزّم البيع = فالسلعه الليّ ماوراها اطماعي ماني بدور من وراها منافيع = لو تبطي وتاخذ سنه ماتباعي وانا ادري ان بعض الخلل فالمساميع = اللي ماتسمن من شراب ومتاعي ياشيب عيني من قصيد الرواضيع = ومن الضياع الليّ يبث ويذاعي على الفضائيات جلسه وتشريع = كلن حزم حقوه وجاك ارتباعي هذا من احساسه خطير انه ايميع = وهذا يصيح وفي صياحه اصراعي وهذا حكي من غير حسبه وتربيع = وهذا على هيئة مجسّم صناعي ماني بلومك جعل من لامك ايضيع = في عالم عندي عليه امتناعي عليك باللي يتعبون الطماميع = اللي مباديهم براس الرفاعي عباقرة فكر وسلايل بواتيع = اتطوّع الصعب ويجيه انصياعي ابداع يشهد له افراد ومجاميع = يشبع اذواقٍ للنوادر اجياعي شراواك ياعايض عسيف المطاويع = رفيع جاه وفالحياه اجتماعي وان كان لاعك من هوى البيض تلويع = وصابك فراق ارهيفات القناعي خرس العيون امخصرات الدراريع = عذاب من قلبه لحقه انمزاعي مالك معي حلٍ ولا فيه تسنيع = عاين بريدي جاك من غير ساعي قد لاعني حبٍ تواليه توديع = ولاجنيت امن الحصيل الزراعي الاّ وصالٍ مجرياته مساريع = والنصف الاخر غربةٍ وانقطاعي وانا على وصله الغلا ظمي وجويع = ومدبول كبد ولايزيل انصداعي الا اني اقطف من ثمار الزراريع = واصد به واعمي اعيون الضباعي لكن حال البعد والبعد انوايع = وسوّه على الليّ للمواصل يراعي هذي اعلومي واستلمها بتوقيع = على البياض اللي براس الرفاعي [/poem] |
حجز فاخر جداُ
على الدرجه اللي فيها الكبتن |
الله الله الله الله
يابو محمد .. عز الله أنك شاعر وردك كافي وشافي ووافي ... ماني بقايل شي اكثر من كذا .. أأيك الداري :) اعجابي لك مستر رومنسي :) |
الله الله الله
ياسلام على هالابداااع والرد الوااافي صح لسانك الف يابن قشعم حضور جزل ومميز كالعاده لاهنت احترااامي و ج د |
حجزك اوكي .. على ايمن الطيّار :)
بانتظارك يابن شباب |
جعل ماهو بمرحبا ياعايض
والله اني ابي فرقاك غير ماحصل :) هااا أفلح :) |
مرحبا بشاعرتنا .. وجد
حضروتس جميل دائما وابدا .. لاخلا ولاعدم .. وصح بدنتس |
الله الله الله
جزاله بديعه وثمينه يا فالح صح لسانك وسلم راسك ومجاراه في محلها من شاعر مبدع دمتوا على العز ،، |
قـد لاعنـي حـبٍ تواليـه توديـع
ولاجنيت امن الحصيـل الزراعـي أنا أشهد إنكـ صادق لاعك ولاعك عزتيلك من حب تواليه توديع لكن سؤال وبإمانه صحيح إنك ماجنيت من الحصيل :) |
[poem= font="Simplified Arabic,5,black,bold,normal" bkcolor="transparent" bkimage="" border="solid,4,gray" type=2 line=0 align=center use=ex num="0,black"]
ياشيب عيني من قصيـد الرواضيـع ومن الضياع اللـيّ يبـث ويذاعـي على الفضائيـات جلسـه وتشريـع كلن حزم حقـوه وجـاك ارتباعـي هذا من احساسه خطير انـه ايميـع وهذا يصيح وفي صياحه اصراعـي وهذا حكي من غير حسبـه وتربيـع وهذا على هيئـة مجسّـم صناعـي [/poem] ما على الشعر خلاف يافالح مادام شرواك موجود شاعر تستحق الاشادة عن جدارة جزل ولا تجيب الا جزل تحياتي |
صح لساااانك يا فالح
مبدع تقبل تحيتي |
الله عليك يا فالح وعلى قصيدك
ما تستغرب منك الجزاله يا شاعرها رد موفّق وعوايدك بقصايدك وعزالله أنك أرضيت عايض وأسمك من الأسامي اللي حقيقة تستاهل الظهور وتنومس أتمنى لك التوفيق وتقبل تحياتي أبو يزيد |
عباقـرة فكـر وسلايـل بواتـيـع
اتطوّع الصعـب ويجيـه انصياعـي ابداع يشهـد لـه افـراد ومجاميـع يشبـع اذواقٍ للـنـوادر اجيـاعـي وش عاد نقول يا بومحمد عز الله انك تغرف من جم ٍ غزير بيمنى طويله ماشاء الله تبارك الوهاب صح لسانك وصح لسان ابو عايض ،، .. |
عباقـرة فكـر وسلايـل بواتـيـع
اتطوّع الصعـب ويجيـه انصياعـي صح لسانك يابن قشعم مبدع وجزل بيض الله وجهك تحيتي واعجابي |
هذ الشعر اللي يرد الروح
مبدع بكل ما تعنيه الكلمه الله لا يهينك |
فالح
ودك ان اوله يا وجودي على شان تصير رقم 6 تراهم يقولون اجمع 10 ياوجودي يعطونك 2 بري حالي :) انت خابر اني احب قصيدك وقبله احبك في الله تحياتي |
[align=center]الله الله
صح لسااااااااانك يافالح رد كافي ووافي[/align] |
اقتباس:
لله درك لله درك لله درك ابومحمد .. صوت وصدى .. نوادر شعر ! صح لسانك ولسان ابومبارك |
لاهنت يابو محمد
|
اقتباس:
اررررررررررررررحب يابومحمد وصح لسانك ملاييييييييييييييييين ويستاهل عايض ولاتهون انت والحاضرين تقبل تقديري |
فالح بن قشعم
ماهو غريب الابداااع عليك وبيّض الله وجهك .. صح الله لسااانك ملايين . |
| جميع الأوقات بتوقيت GMT +3. الساعة الآن 10:13 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية