((*( يامن يبيع النوم )*))
 

قصيده كيبورديه تقليديه بحته ، كانت في الركن الهادي بيتين فاستطالت ، والله انها اقل من ان تكون في متصفح لوحدها ، لكن عشان عين تكرم مدينه :)

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامن يبيع النوم بفلوس واشريه = من واحدٍ ماطاول الهم سدّه
الهم مقلق صدري ولاعبٍ فيه = حتى فراشي مقلقه والمخدّه
لو ادري انّ الما انْ شربته يطفيّه = شربت فوقه لو يبا بحر جدّه
لكنّ ماهو شي واضح واودّيه = شيٍ يدوس القلب مدري يشدّه
من غاليٍ راكب على قلب غاليه = واصبح على خط المفارق يكّده
اشتاق له واعشق مزاياه واغليه = واحب رمانه وتوته وخدّه
الله من ازين شي فالزين معطيه = عينه ومنتوقه وطوله وقدّه
نور القمر يسريه مدري يسريّه = والشمس تشرق له سناها مودّه
لكنّه اسرف في شعوري تغليّه = يبيح سدّي له ولا باح سدّه
سكّينته تجرح وقلبي يداويه = وانا دواي وداي في كف يدّه
ماعاد لي قدرة تحمل تجنّيه = والقلب يفتر لالقى اللي يصده
اتعبني الله يتعبه من تجافيه = بنيت له قصر المحبّه وهدّه
قررت اروّح عنه واسلى واخلّيه = والباب عن ريح المشاريه اسدّه
الله على درب السلامه يهنيّه = والله من عمر السعاده يمدّه
لكنّ انا بقول له عند اذانيه = كلمه تجول بداخل الصدر مدّه
من لايعرف الصقر بالنار يشويه = ومن لا يميّز فالذهب ما يعدّه
[/poem]

1

طيب خذ معك شريك واحد نفر :) يدوّره بشمعه


وانت وركنك وبوحك كلكم زينين


صح لسانك يافيصل ياكم واحدٍ هذه حاله مار الله يفرجها

ولا تظلمها تراها تستاهل متصفحين ماهو بواحد بس


غيمار

حجز .. !!!!

حجز حجز حجز .. ياساهر الليل ..

الله الله الله



صح لسانك يابوعبدالله





اعجابي وخابره




ودي وتقديري



..

وين ماكتبت فأنت مبدع

الاّ وافيه مافيها كلام

صح لساانك يالامير

تقبل تحياتي

حــجــــــــز

لين أشوف اللي يبيع النوم وأشتكيه << بيخربها مع أطلق شريطي :)

حــــجـــز ..!

-


من غاليٍ راكب على قلب غاليـه
واصبح على خط المفارق يكّـده


/

يا سلام ، تصوير رايق رايق رايق ،



اشتاق له واعشق مزاياه واغليه
واحـب رمانـه وتوتـه وخـدّه


كلنا نحب الفواكه يابو عبدالله ، :)


الاكيد ، يا حيّك ويا حيّ ابداعك الغير تقليدي


اصدق التحايا

ابو عبدالله

كل اللي منك غالي يا الغالي

شاعر من الطراز النادر

وصح لسانك مدد ،،


..

يا عيني عليك يا فيصل


ابداع منقطع النظير


صح لسانك ولا هنت



متابع لك


:)

الله من ازين شي فالزين معطيه
عينه ومنتوقـه وطولـه وقـدّه



انا يكفيني هـ البيت :)
وسلامي عليك يا ابو ريما .. وعلى كي بوردك ، وتقليديتك




اخووك :)

نور القمر يسريه مدري يسريّـه
والشمس تشرق له سناها مودّه
لكنّه اسرف في شعوري تغليّـه
يبيح سدّي لـه ولا بـاح سـدّه
سكّينته تجرح وقلبـي يداويـه
وانا دواي وداي في كـف يـدّه
ماعاد لي قـدرة تحمـل تجنّيـه
والقلب يفتر لالقى اللـي يصـده
اتعبني الله يتعبه مـن تجافيـه
بنيت له قصـر المحبّـه وهـدّه

ياسلام ياسلام يابوريما

الله يبارك في الركن الهادي ,, وفي العين اللي حدتك تجيبها لنا

صح لسانك ولاهنت يانجم

سلامي ومحبتي واعجابي اكيد

اخوك

من لايعرف الصقر بالنار يشويه
ومن لا يميّز فالذهب مـا يعـدّه



نعرفك يابو عبدالله

شاعر صقر


وبدعك من ذهب


لله درك لين ترضى

من غاليٍ راكب على قلب غاليـه
واصبح على خط المفارق يكّـده

:)

الله يعينك وانا اخوك

صح لسانك يابو عبدالله .. ان بغيت تقليدي ولا غير والله انك مبدع عسى الله يزيدك من فضله

سلمت وسلم فكرك وسلم لي على اللي طلبها هنا


تحياتي وسلامي

نور القمر يسريه مدري يسريّـه
والشمس تشرق له سناها مودّه
لكنّه اسرف في شعوري تغليّـه
يبيح سدّي لـه ولا بـاح سـدّه
سكّينته تجرح وقلبـي يداويـه
وانا دواي وداي في كـف يـدّه


ياسلاااااااااااااااااااااااااااااام

ابو عبدالله انا فدا خشمك تفكنا من المقدمات :) قل تم :)

جدد الاعجاب والمتابعه

وياليت كل الابيات اللي في ركنك تكتمل

صح لسانك يامبدع

تقديري