جرح الحشى بالبوق والله فضيحه
 

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black""]

لاتـفـتـخــر فـي خـافــقٍ طـاح مـذبـوح=جـرح الـحـشـى بالـبـوق والـلـه فـضيحه
والله فلا انـت بـهـرجـة الكذب ممدوح=ولا اخـبـر راع الـطـيـب يـذبـح جـريحه
وان قلت لك في ماضي الجرح مسموح=هذا قـبـل تـصـبـح مـزونـك شـحـيـحـه
ودام الـضـمـايـر ما لـقت فيك مصلوح=حـدك وخـذهـا من لـسـانـي صـريـحـه
قـفـلـت بـابٍ كـان بـالـصــدق مـفـتـوح=وانـت اكـسـر الـجــوال والا الـشـريحه
صار الـهـوى عـنـدك وناسـات ومزوح=وبـانـت وعـود العشق ماهي صـحـيـحه
وراح ارتحل من دون مكسب ومربوح=واللي جرح قـلـبـي عـسـى الله يـبـيـحه
واتلي بـروقٍ بالسـمـاء صـار لـه ضـوح=في عشب روضٍ يـطـرب الـقلب ريـحه
امشي بوسط فـيـاض وسهال وسـفـوح=يازين عـقـب الـعـصر فـوحـات شـيـحه
وريـح الخــزامـا والـنـفـل ينعش الروح=لاشـحت شوفك بالـفـيـاضٍ الـفـسـيـحه
تنـعـش عروق اللي بالاريـاف مـشـفـوح=ونـوم الـنــــفــود بـلــيـــل صـيــفـه يريـحه
وابعد عن اللي هرجـتـه بـس وش نوح=ووسـط الـمـجالس بـس تسـمع نـبـيـحه
من كـثــر مايـطــلــع بـدنـيــــاه مكـســوح=يـبــي الـجـبــــال بـزود كــذبـــه يــزيـــحه
ولا اريـد عـشــق اللي مثل فلم صبـوح=وعــادل امـام وبــوس شــفــــة مــديــحه
ولانـي مـن الـلــي يـطـرد الـريـم بسطوح=يـركــض بـلـــيـــلـه والــخــلايــق مـريـحه
ماهـو لـنــا مـقـصـــد ونـوهـــات وطـمـوح=وطـمــوحــنــا حـب الوجــيــه الـفــلـيـحه
وهرجٍ مضى من بـيـنـنـا صـار مـمـسـوح=ولا كـل ضـيــفٍ بـالـعــرب لـه ذبـيــحه
مـااريــــد تـبــريــر ومـــعــــاذيــر وشــروح=وهــذا كـلام الـلـي عـطـاك الـنصـيـحـه
[/poem]

صح لسانك يافواز ولا هنت


قصيده رائعه


تحيتي لك

ياسلام يا فواز

مرحبابك ومسهلا

وصح لسانك وأنا أخوك ،


..

واتلي بروقٍ بالسماء صار له ضوح
في عشب روضٍ يطرب القلب ريحه
امشي بوسط فياض وسهال وسفوح
يازين عقب العصر فوحات شيحه
وريح الخزاما والنفل ينعش الروح
لاشحت شوفك بالفياضٍ الفسيحه
تنعش عروق اللي بالارياف مشفوح
ونوم النفود بليل صيفه يريحه
وابعد عن اللي هرجته بس وش نوح
ووسط المجالس بس تسمع نبيحه
من كثر مايطلع بدنياه مكسوح
يبي الجبال بزود كذبه يزيحه







الله الله


يا سلآآآآم يا سلآآآآآآم

صح لسانك وأعتلا شانكـ

أبيات رائعه بروعة حضورك

لا خلا ولا عدم

مروري // ومتابعتي // وفائق مودتي وأحترامي

ابدااااااااااااااااااااااااااااااااااااااع

صح لسانك يا مبدع

تحيتي

الله الله


أبدعت وأمتعت


صح لسانك .. ولا هنت

صح لسانك يابو فهد,,شاعر جزل ومتمكن..

غير مستغرب منك الإبداع..الروعة والجمال هي السمة البارزة والثابته في شعرك...

يعطيك الف عافية على هذه الرائعة...

تحياتي..