قصيده مسنـــــــــــــــده لسداح
 

هذي قصيده مسنده لخوي سداح وانتمنا ان تنال اعجابكم

[poem=font="Simplified Arabic,6,black,bold,normal" bkcolor="transparent" bkimage="" border="double,4,gray" type=2 line=1 align=center use=sp num="0,black""]
الله من قلبن سطوبه حبايبه=سطوا صقيل يوم يسطي ضرايبه
صارو له احبابه كما علت النحر=واسقوه من جمرن تزايد لهايبه
يا متلفين الروح والروح هايمه=في حبكم ماهي عن الحب تايبه
تتعب على بيت الهوى الي يضفها=تخاف من وقتن تزايد مصايبه
ياوجد قلبي ياغزالن مذيره=سمعت ونس صوت الهوى في هبايبه
ويوم استدارت دارت الا رض حولها=وازريت لامشي والقدم منه عايبه
وفي جسمها ريح الخزاما مخمره=خمريتن وعيونها سود رايبه
والساق مدموجه ويمشي براحته=والجمرتين الموت زادت عجايبه
جمره على جمره وبرقه يخاطفه=والكلمه ليا من هرج منه ذايبه
وانحلت الفرقا دخليك ياجايره=ردي حيات اسعود والروح طايبه
ردي حبيبن فالحشا ذي منازله=ومن قطعت ضلوعي عطيته وهايبه
واليوم ابشكي يوم ضاقت دوربها=شكوى يتيم مضيقينه قرايبه
سداح ياسداح ماعاد بي صبر=افزع لقلبن زاد خله عطايبه
ياذخر عودن وافياتن خصايله=يوم الولد دربه على نهج شايبه
وانا مريض وعلتي من طبيبها=والعله الي جاتني من سبايبه
بالله يا سداح روحي تعذبت=الحق على اللي علته من حبايبه

[/poem]

صح لسانك ياسعود
قصيده جزله من شاعر جزل
ومسندها لشاعر جزل سداح
والله ونعم فيكم جميعا

تحياتي

سعود



وفي جسمها ريح الخزاما مخمره
خمريتن وعيونها سود رايبه
والساق مدموجه ويمشي براحته
والجمرتين الموت زادت عجايبه
جمره على جمره وبرقه يخاطفه
والكلمه ليا من هرج منه ذايبه



ياشيب عيني شيباه



الله يعينك


حقيقه نص أعجبني كثيراً


وأفي والغالي سداح منصى


الله يرعاكم

بالله يا سداح روحي تعذبت
الحق على اللي علته من حبايبه

الله الله

صح لسااااااااااااااااااانك ياسعود ابدعت

وفي انتظار رد الدكتوووور سداح

الله الله الله
الله الله الله


ياسلام الله عليك يا سعود الدماسي

وصح لسانك مدد وانا اخوك

والله مدري وش اقول لك
الغزل مدري منين اجيه ويا دوب اغني لحالي ماهوب عاد اسناد وشكوى وعلوم طوال عراض :)

لكن الله يسلمك ولا يهينك

ولا ادري يجي لها رد غير هالكلام
ان حصلت شي جيت اعدي به :)

سلمت ودمت وشكرا لاسنادك اللي يسعدني ويشرفني ،،

..

مرزوق العطاوي صح بدنك مليون

سعود صح لسانك

مبدع الله لا يعوقك طرق هلالي كايف

لله درك

تحيتي

صح لسانك ولا هنت

صح اللسانك يالدماسي
وبيض الله وجهك على القصيد الطيب
وسداح رمز الشعر الأصيل
:)

صح لسانك على هذه الطيبه من وجهه طيب


أبدعت والله ياسعود


لله درك

سعود الدماسي



صح قلبك وفكرك ... وعز الله إنك سندت على فحل من فحول الشعر



إعجابي .. متابعتي .. غلاااااااااااااااي



م ن

صح لسانكـــ ياسعود


قصيده جزله ورائعه ومسنده على شاعر بمعنى الكلمه ..

وبانتظار الرد ..


كل الود ...

الرد المتواضع يا سعود
وصح لسانك مجددا لاعدمتك ..


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
غنّا الدماسي عقب شبّت شبايبه=وأسند عليّ من الفرايد غرايبه

كتب على بحر الهلالي قصيدته=طرق ٍ من أرشيف المغنيّن جايبه

وأن كان قصده يختبرني بردّها=الردّ حاضر والشياطين غايبه

يوّن قلبه من صوابه ويشتكي=ويقول قلبي كيف تبرا صوايبه

ومن قصة العشاق نفسي تحيّرت=وظنونها من سيرة الحبّ خايبه

الناس خلق أجناس يفرق مرادها=واللي وهبها ما تعدد وهايبه

أن كان ما تقدر على غبة البحر=خلك على جاله وتسلم نوايبه

ماجور يا سعود الدماسي من الهوى=لا بدّ تدفع يا العتيبي ضرايبه

غدا بك اللي حلّ حالك من الحلا=سود ٍ مضاليله .. وشقر ٍ ذوايبه

حطيّت روحك فوق كفّه وضمّها=وأومى بها لكنّ ماهيب سايبه

قل هاتها هو ما درا أنه لعبّ بها =وصارت على قول المثل من لعايبه

أخذ النصيحه والنصيحة على النقاء=الحبّ خلّه لاتطيح بنشايبه

شف حالة العشاق وأفطن لحالها=كم روس مع درب المحبيّن شايبه

يقولها مجرّب وتنجيه خبرته=وجهة نظر في الحبّ عنده .. و راي به

الوقت يركض والمصالح تسابقت=لين النقاء المجرود زادت شوايبه[/poem]


وسلمت ،

الله الله الله
الله الله الله

ابداع حتى النخاع


صح بدنك ياسداح وعزالله انك كفيت وفيت مليون مره

والله لايهينك

صح السنتكم

في المفضلة ياسعود


ولله دركم



مع أجمل تحية

الله الله



سعود الدماسي


صح لسانك مدد .. ولا هنت

محمد بلال


مرحبا مليووون وصح بدنك يالغالي

سعود الدماسي

صح لسانك ولاهنت

وبنتظار سداح في ردّه



:)

هلاليه ولا اروع يالدماسي

عز الله انك سندت . . .

وننتظر رد شاعرنا سداح

صح لسانك

عزالله انك اسندت يا سعود

صح الله لسانك مدد

وصح الله لسان سداح