يـــــــاهـــــــوه
 

السلام عليكم ورحمة الله وبركاته



مصافحه أولى أمل أن تحوز على رضاكم

[poem=font="Simplified Arabic,5,darkred,normal,normal" bkcolor="transparent" bkimage="" border="none,4,darkred" type=2 line=0 align=center use=ex num="0,black""]

لاصرت ماتقدح من الرأس ياهـوه=افضل تعيش الوقت كلـه خـلاوي
الناس كم واحد من الخلق دهـووه=مـاوردوه لعـد صافـي رهـاوي
والناس كم واحد عن الطيب حدوه=لاصار يتبـع تايهيـن الخطـاوي
واللي تحملني مع النـاس مشـروه=وش حاجتي فيها عساهـا نحـاوي
فعل الجميلة عان الأجـواد مـدوه=حتى وصل للـي بعيـد الهقـاوي
إن مافعلت الطيب طاريك نسيـوه=مادام لك جسمن على الفعل قـاوي
الطيب ستر الجسم والردي مشبوه=وإن ماسترت الجسم وش له تراوي
كل آدمي له عقل ماهـوب معتـوه=لاصار يازن به جميـع الدعـاوي
والعقل ماورد هل العـرف للبـوه=ولا يملكه ياكـود رجلـن غنـاوي
غني عرف برأيه إن كان شـاروه=وحله لصعبات المواقـف شفـاوي
راعيه يعرف واجب الناس لاجـوه=ماهوب عن واجب هل الجود ثاوي
واللي تبع ناسـن ولا يـوم قـدوه=أنـا أشهدنـه رايحـن للمهـاوي [/poem]

وسلامتكم

صح لسانك يامحمد ولا هنت


قصيده رائعها وتحمل في طياتها الكثير



وحياااااك الله وأن شاء الله يطيب لك المقااااام



تحيتي لك

فالح الشلوي


صح بدنك والرائع وجودك


لاهنت على المرور

ارحب يابو صالح



وصح بدنك يالغالي


ولاهنت على تواجدك ومرورك


تحياتي

وعليكم السلام ورحمة الله وبركاته

يا مرحبا ومسهلا يا محمد النخيش
والله يحييك بين اخوانك في مرقاب الجميع


والناس كم واحد عن الطيب حدوه
لاصار يتبـع تايهيـن الخطـاوي

الله ا لله


صح لسانك ودمت على المعزه ،

..

سداح


الله يبقيك ويعافيك


وصح بدنك ولاهنت المرور


تحياتي

مرحبا بك يابو غازي بين أخوانك وربعك
..............
واللي تبع ناسـن ولا يـوم قـدوه
...............أنـا أشهدنـه رايحـن للمهـاوي

أشهد بالله أنك صادق يا محمد
صح لسانك وبيض الله وجهك
أمنياتنا لك بالتوفيق
تقبل تحياتي

محمد

محمد بلال صح بدنك


ولاهنت



اشكرك على المتابعه ...

يا مرحبا فيك في مرقاب الابداع وحياك الله

بدايه طيبه تستاهل القراءة صح الله لسانك ولا هنت

وفقك الله

محمد المغيره


صح بدنك


ووجهك أبيض


اشكرك على هذا الاطرا الطيب


تحياتي

بدر ناصر العجمي



الله يعافيك ويبقيك


وصح بدنك





ولاهنت....