<< جد واحد <<
على دروب المحبة وصلة الرحم كانت زيارة البعض من افراد قبيلة الشهبة في الحجاز لابناء عمومتهم الشهبة في مدينة الدوادمي
وذلك يوم الخميس الموافق 27/4/1430 وكانت مشاركتي التالية ضمن مشاركات شعرا القبيلة والشعراء الضيوف متمنيا لها القبول هنا وهناك على مبدآ القرابة والصلة والرفق والاجواد على سلم الجدود وما حواه من النقا والطيب سلام الله على ربعن لهم تحت الضلوع أبلاد مبانيها ألوفا والعز والتقدير والترحيب جمعنا جد واحد وانتشرنا في البلاد أحفاد حصدنا من مناكبها المراجل دون شك وريب لنا بأرض الحجاز ارض وحصون مشيده وأمجاد ولنا في نجد مجد وذات من صلب الشهيب شهيب بني عمي مفاتيح الظفر سيفن حدب وزناد لهم قسم ورسم مشهور مابين الأسد والذيب بنو وارسو على الديرة مثل ماترسي الأوتاد على مر العصور النار حيه والرجال تجيب لهم عد الروا ألبير الشهيبية لهم ميراد ماغيبها زمان العولمة والميكنة والشيب دلو وأربع من العيدان فوق الراهية وإعداد حبالن تجبد ألماء من قراح وصوتها تهذيب علاها يارد الضامي يردد والهجوس اجداد يارب الك الثنا والك الشكر يامطلع بالغيب لهم مع كل بادي شمس في دروب ألوفا ميعاد هنا عاشوا هنا ماتوا بعيد عن الردا والعيب عسى الله يبقي الحيين رمز ويرحم الأجداد ماماجو عن مواقيف الفخر في الضبط والترتيب مآثر دور وأجيال استمرت ذكرها ماباد تصدر من خلال الذكريات وترفض التغريب كفاح ارواح والسنين انتهت تبقى ذكر وامداد لطلاب الحياة ومدرستها كل حرف مصيب طرالي ماطرا في البال وعيون القصيد حداد عروق الأرض شربت من شباب العمرقبل الشيب كبد ومجابهة وقت ورمق يملا البشر واجهاد على مر الدهور ومايواكبها من الترهيب كذا قبل الإمام موحد الدولة فقر وأحقاد حكم عبدالعزيز وساد الارض العدل والترغيب وهالحين البلاد صروح تسمو والزمان اعياد يارب الك الشكر والحمد اقوله في الجهر والغيب . |
عواض عبدالرحمن الشهيب قصيدة وافية .. تحمل في طياتها الوفاء والابداااع صح لسانك .. ولا هنت تحياتي .. |
الشاعر القدير / عواض الشهيب
والله ونعم العزوه والقبيله اللي انت منها قصيدة شاعر مقدام في حلها وتوقيتها بيض الله وجهك على التفاعل الوافي والبدع الرائع وصح لسانك مدد بلا عدد ، .. |
سلام الله على ربعن لهم تحت الضلوع أبلاد
....... مبانيها ألوفا والعز والتقدير والترحيب جمعنا جد واحد وانتشرنا في البلاد أحفاد ....... حصدنا من مناكبها المراجل دون شك وريب عواض الشهيب والله أني أحبك وأحب قصيدك لله فــ الله صح لسانك ونعم القبيله تقبل تحياتي |
اقتباس:
محمد بلال الوفا مرورك السحاب صح بدنك تحياتي لك . |
الله يجمعكم على العز والطاعه والعلم الغانم كما هو ديدنكم
صح لسانك ياعواض ولاهنت تحياتىىىىىى لك |
اقتباس:
دكتور الشعر حضورك تشريف لا هنت وصح بدنك يالقرم . |
هلا بك يا عواض
وستنين نعم بك وبلابتك حبك وسبك وقصيده رائعه والله لا يفرقكم اخوك |
الشهيب عبدالرحمن
صح لسانك ولاهنت قصيده وافيه ومعانيها راسخه وتقبل تحياتي ومروري يامبدع :) |
صح الله لسانك
وبيّض الله وجهك ونعم مليون فيك وفي ربعك ياعواض لاهنت يالقرم وتقبل تحياتي |
دلو وأربع من العيدان فوق الراهية وإعداد
حبالن تجبد ألماء من قراح وصوتها تهذيب علاها يارد الضامي يردد والهجوس اجداد يارب الك الثنا والك الشكر يامطلع بالغيب وصف لحال كان ولازال مضرب المثل في حفظ حقوق أبناء العمومة وأن أنتحت بهم السبل قصيدة للكبار من الكبار ولله درك يا عواض والله يديم الوصل بين القبيلة دمت بخير |
ونعم ونعم
ابيات طيبه وشاعر يستحق المتابعه صح لسانك ولا هنت بالتوفيق |
اقتباس:
أحبك الذي أحببتني فيه صح بدنك ولاهنت على مرورك الربيع . |
والنعم بالشهبه والله
وعسى الله يجمعكم ولا يفرقكم عزوة طيبة وتنومس صح لسانك |
جمعنا جد واحد وانتشرنا في البلاد أحفاد
حصدنا من مناكبها المراجل دون شك وريب ومليون نعم يا عواض وعزالله انك كفيت ووفيت صح لسانك مدد |
ونعم والله يا عواض ..!
وصح لسااانك وابدعت عز الله |
اقتباس:
اللهم امين صح بدنك ياعبدالرزاق تحياااااااااااااتي . |
والله والنعم فيكم
قصيده رااائعه وحضور واااافي صح لسانك الف ولاهنت احترااامي و ج د |
عواض الشهيب
بيّض الله وجهك ,, |
صح اللسانك
ودام عزكم وشملكم :) |
ياسلااام ياسلااام
ونعم ونعم والله .. عزالله انها قمه فالابداع والجزاله .. صح الله لسانك ملايين .. |
اقتباس:
علي الشهراني ونعم بحالك لاهنت على مرورك الغمااام تحيات اخوك . |
| جميع الأوقات بتوقيت GMT +3. الساعة الآن 01:43 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية