الكفيف,المُبصِر,الشامخ,قصير القامه!
 

من عيون الشعر, في العلاّمه المرحوم بإذن الله اِبن باز

[poem=font="Simplified Arabic,6,green,normal,normal" bkcolor="transparent" bkimage="backgrounds/16.gif" border="outset,5,gray" type=2 line=0 align=center use=ex num="0,black""] الموادَع به من الحنظل ولون الشامه=واِرتحالات الزفير وذاريات الكنه
والليالي كسب وآخرْة المكاسب خامه=والبنادم بين ضحك وبين دمع وونه
كيف نبكي لا فقدنا شيخنا العَلاّمه=كيف نزعل والصواب اللي فجعنا سِنه
الكفيف,المبصر,الشامخ,قصير القامه=بشّرو به سندس الفردوس واَهل الجنه
عالمٍ يا كثر مْا ابحر (ل)امته وايامه=وامّته به كانت اِ(ل)باب السما ممتنه
حالمٍ ما كانت اِ(ل)نفسه جميع احلامه=وش خذا منا وحنا وش خذينا منه؟
كم عنى للتايه اللي ما اهتدى (ل)اِسلامه=كم ترك بالخلف قنطار الذهب له رنه
كم جلس يقرا نفوس العالم اللوامه=كم وقف للمستغيث اللي كبر به ضنه
مرةٍ شفته و شفت قلوبنا قدامه=كل ما افتى! عوّد الجني لماكر جنه
ما حلا حتى اِعتدال الشيخ في هندامه=يوم يِقبِل عطر يجهر به,و عطر يكنه
زعفرانٍ باذخٍ في مشلحٍ وعمامة=كنه اطهر صبح..ولاّ ما اعَرف وش كنه!
الموادَع شين و الشامخ قصير القامه=بشروه اِبعشرةٍ قد بِشرو بالجنه[/poem]
^
^
ناصر القحطاني

الله يغفر للشيخ ابن باز وللشيخ ابن عثيمين
وعزالله افتقدناهم



ولاهنت على نقلك ،

الله يرحمه

عبدالرزاق الذيابي

اختــيااار موفق ,,

الله يرحمه ويرحم اموات المسلمين



عزالله قصيده !!



لاهنت ياعبدالرزاق على النقل وصح لسانك ناصر القحطاني



..

عبدالرزاق الذيابي


يعطيك العافيه على الاختيار الرائع


صح لسان ناصر القحطاني .. والله يرحم الشيخ بن باز ويسكنه الجنه


تقبل مروري وتحيتي

الله الله الله


الله يرحم الشيخ بن باز

ويجزاء ناصر ويجزاك خير يابو هاني

الموادَع شين و الشامخ قصيـر القامـه
بشـروه اِبعشـرةٍ قـد بِشـرو بالجنـه


الله يرحمه .. ويسكنه الفردوس الأعلى


صح لسان ناصر .. ولا هنت يا عبدالرزاق على هذا النقل


تحياتي


..

رحم الله الشيخ العلامة / عبدالعزيز بن باز

ويعلم الله ان الامه افتقدت علم هذا الرجل الكبير


صح لسان المبدع الفذ / ناصر القحطاني

وسلمت يمناك يا عبدالرزاق ،

..

قصيدة جميلة لناصر في العلامه
بن باز رحمه الله .....

لا هنت يالذيابي

رحم الله الشيخ وادخله فسيح جناته




لاهنت وصح لسان شاعرها