(بين العقوق وبين تفريق الاولاد)
 

[poem=font="Simplified Arabic,5,white,bold,normal" bkcolor="transparent" bkimage="backgrounds/37.gif" border="double,4,gray" type=0 line=0 align=center use=ex num="0,black""]
بين العقوق وبين تفريق الأولاد=المجتمع يشكي جروحٍ عطيبه
قضيتينٍ للأسف شرها زاد=الكل منهن بالحقيقه مصيبه
بقيادة الآبا للابناء وتنقاد=تنجا الكتيبه أو هلاك الكتيبه
ياللي جحدت الفضل قافيك جحّاد=حبلٍ لويته لازمٍ تلتويبه
ماتدري أن الله على كل مرصاد=والوالدين لهم حقوقٍ صعيبه
ولاتقل أفٍ لهم يابن الأجواد=وإياك تنظرهم بعينٍ غظيبه
واعلم ترى زرعك على كف حصّاد=وجميع ما ودعت لبنك يجيبه
إن كنت نكدٍ يجيك بأنواع الأنكاد=ويسقيك من ديد القطاعه حليبه
وإن كنت بر أبشر بلذات الاعياد=وحظٍ سعيدٍ في نصيبك وصيبه
والله إن يشوف العطف حتى على الزاد=ومن بر به صيبه تبارك نصيبه
سراير الأجداد بقلوب الأحفاد=تعربوا ياهل الأصول العريبه
والثانيه تفريق فلذات الاكباد=كم أسرتن عقب الأناسه كئيبه
أبليس حيٍ ويقدح النار بزناد=وأخوان يوسف حولوه بقليبه
عبرة ومن لايعتبر صاد ماصاد=لو مس للطرقه حبال النجيبه
الميل يرّث بين الاخوان الاحقاد=وتدفع له الاسره رسوم وضريبه
العدل مطلوب على كل من ساد=مير اعدلوا ياهل العقول اللبيبه
وصلاة ربي عد ماحن رعاد=على رسولٍ كلنا نقتديبه
[/poem]

اللهم صلّي وسلّم وبارك على رسول الله

مرحبا بالشاعر الكبير / محسن فالح الدوسري

والله يسعد مساك

هنا دور الشعر .. وهذه رسالته
معالجة رائعه لضاهره مشينه باسلوب محترف كبير

لله درك يا بو فالح

وصح لسانك عدد حروفها ،،

..

صح لسانك قصيدة تعالج عدة قضايا لاهنت

عليه الصلاة والسلام

صح الله لسانك ولا هنت على ذا القصيدة والله يثيبك عليها ان شاء الله



إن كنت نكدٍ يجيك (( يجيك )) بأنواع الأنكاد
ويسقيك مـن ديـد القطاعـه حليبـه

تكررت يجيك وسبحان من لا يخطئ

بانتظار جديدك

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أبليـس حـيٍ ويقـدح النـار بزنـاد=وأخـوان يوسـف حولـوه بقليـبـه
عبرة ومـن لايعتبـر صـاد ماصـاد=لـو مـس للطرقـه حبـال النجيبـه [/poem]


لله درك وكــفى ..!!

الله الله


صح لسانك ملايين


وهذا هو حال الشعر النزيه دوما يعالج المشاكل في المجتمع


لاهنت وتقبل تحياتي

الشاعر القدير محسن الدوسري

صح السانك وبيض الله وجهك

ولله درك على هالنص الشامخ

فائق الود والتقدير لك

أبليـس حـيٍ ويقـدح النـار بزنـاد وأخـوان يوسـف حولـوه بقليـبـه


يامرحبا ومسهلا وصح الله السانك مليون ولايسدون

قصيده جزله ومعبره وبها عبرة لمن يعتبر

ودعتك الله

يشرفني اشادة الشاعر العلم سداح العتيبي وامثاله