مركب بلا مينا ,, ومينا بلا مرسي ,,
 

احيانا ً يتيه المركب في عباب البحر ولايجد مينا للتوقف

واحيانا يجد المركب المينا ... ولاكن لايجد مرسي له على ذلك المينا

ولذلك سأتواجد هنا

[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
قلّط دلال السوالف واطرب اسماعي = سوالفك هيل واشواقي فناجيلي
آخر سوالفك كان الذيب والراعي = من ليت الاول .. اطرّيها .. وتطريلي
والبارحه غيبتك يامصدر اوجاعي = صوتى تقطع عليها .. وانكسر حيلي
تطنيشك البارحه .. ماله ولاداعي = مغير ضيّقت صدرى ..ماسرى ليلي
قزرت ليلي وطرفي ساهر ٍ واعي = اكتب والحن واغنى في مواويلي
بدري على هم قلبي .. يلوى ذراعي = دايم جروحى وهى.. مشعل قناديلي
وآخر رسالة غلا؟؟ ضاعت من الساعي = ويالله عساها .. مهى بآخر مراسيلي[/poem]

[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياعازف العود لاتقسي على اوتاره = ارفق بحال الجريح وقدر شعوره
بعض اللحون الحزينه تكشف اسراره = خصوص ..لاكان جرح وغاب دكتوره
الشوق .. نوتة عنا ... والفقد قيثاره = الحانها من سنين العمر مبتوره
وجيش المشاعر متى ماشن له غاره = ذكّر وصال الحبيب وماضى عصوره
وانا صراحه... غريب يعيش فدياره = مؤمن بمبدأ .. وخايف يعلن الثوره
[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
من مد كف المـوادع .. لايصافحنـى=بدرى يرا دمعتى .. من ينـوى فراقـي
مانى براضي .. من اقرب شخص يجرحنى=الكبرياء في الجروح .. من اجمل اخلاقي
لو انها في المواقـف دوم .. تفضحنـى= ملامحى ..ماتوضح شى.. فـى أعماقـي [/poem]

[poem=font="Traditional Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

ياصاحبي شد حيلك في امتحاناتك = واحذف همومك وراك وذاكر دروسك

وحاول تقلل شوى من اهتماماتك = حتى التناسق بمكياجك وملبوسك

تراك..راهى جمال .. بكل حالاتك = وتسريحتك.. لو بيدها قامت تبوسك



[/poem]

[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من غيرك الليل ..مايسوى ولاحاجه = ظلماه رمضا ..وبدره باهت ٍ لونه
متى بعذب السوالف تشعل سراجه = تملا بهمسك سماه وتقتل شجونه
فى حضورك الضيق دايم يرجع ادراجه = يضف وجهه وراه..وتكحل عيونه
لكن لياغبت صار الهم للصاجـه = ..فيني..وضاق الخفوق وباح مكنونه
الشوق ..مثل البحر..واللهفه أمواجه = ومن عاند البحر عاده ..خابت ظنونه
وانا سبحت البحور ..من ..اول مواجه = وماهمنى ..في البحر.. غدر ٍ يقولونه
دايم..بعير البدو..لاطاح في حاجه= ماهو ,,بجايز,, وتايب..لو يذكونه[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

روعة كلامك والحانه وترنيمه = خصوص لاكان توك نايم وصاحي

تشبه لصوت المطر من بارق الغيمه = لا هل هتانها مع رعد ورياحي

[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

يارقيق الحس ياعذب المعانى = الغلا في داخلي يقدح شراره

يوم حظى في محبتكم رمانى = شمت لك والحر تكفيه الاشاره

يامنسينى شقا ماضي زمانى = وقتى اللى راح مع غيرك خساره

[/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

عاتبنى بذوق.. واجرحنى بحنيّه = عشان اقدر حضوره واكره غيابك

وكلمنى بشوق ..واعشقنى بحريّه = بأنسي عذاب الجروح وقسوة عتابك

وان جاك منى خطا حاجه طبيعيه = حاول بشتى الوسايل تمسك اعصابك

في معظم اليوم واخلاقي تجاريه = من واقع ٍ ياعساه فداك ماصابك

ترى المحبه حلاوتها الحقيقيه =انك تضحى بكل الكون لا احبابك

[/poem]

[poem=font="Traditional Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
العقوبه دايما ً قد الجريمه = وانت ظالم عند تنفيذ العقوبه
ياحبيبي دايم جروحك كريمه = بس احس بظلمها دايم عذوبه
كل ماسددت لك طعنه اليمه = قلت توبه !! قلت مافي الحب توبه
صمت عن كل العلاقات الحميمه = مير صار الفطر ماليبه مثوبه
صار في عيونى سراب اللال غيمه =وين مالقيت وجهى رحت صوبه [/poem]

[poem=font="Traditional Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

من كل قلبي .. يابخت اللى تسولف له = اكيد مرتاح لعلومك .. ومتهنى

ينصت ولو بأصغر الاسرار تحلف له = ماظنى .. يقاطعك .. على حسب ظنى

وشلون لا وانت تسرق قلب في غفله = وتقول لليل هات الناى .. وتغنى

عارفك من يوم كنتى فالعمر طفله = توك صغيره ..لكن.. شوى يعننى

تهمك لكل شي .. بدايه وقفله = لو هى قصيده وردى هالخبر... عني [/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عش في لياليك واحلامك على قدك = لا تحلم احلام ماتقدر تحققها
خل القناعه سبيلك والصبر ندك = طول الامانى ..سنين العمر تسرقها
وان شفت وقتك موقف دايماً ضدك = اضغات الاحلام من قاموسك اعتقها
حتى حبيبك الى ارخص شي من ودك = العشره اللى معه عفها وطلقها
والى حنينك نوى لدروبه يردك = الخطوه اللى تودى يمه اسبقها [/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامطرق البان ..مانى شخص حيالله = يميل قلبه ..متى .. مامالت غصونك
باوصيك دامك تعرف الدين والمله =لاجيت تذبح عباد الله على هونك
مافيه داعى تسل السيف وتسله =ميّل قوامك شوى.. ولد بعيونك [/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مما يشرفنى ..تكون الاخوه = مابيني وبينك من اليوم للموت
تواضع الانسان قمة سموه = ومثلك مثال ٍ حى ..واقع ومثبوت
اسلوبك الراقي بذوقه وجوه = احلى من السكر ..واطعم من التوت [/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انطلق يافكر واكتب ياقلم =المشاعر رايقه والشوق ذايب
ليتها ..من ذل من حاجه سلم =مير من ذاق الهوى ماهو بتايب
وانت ياللى مثل رفرف ياعلم = ليش تركزلى على القلب النصايب
ليه.. قربك جرح..وغيابك ألم =وليه ..دايم حاضر ٍ بثياب غايب
اتقطع لك صبابه ..واحلم = لين صار الحلم من لاماك ..شايب
عان جوفي مثل عيدان السلم = عقب ماثبت سهمك في الترايب [/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]



ياحبيبي عيونك في هدبها كلام =مير عيت شفايفك الخجوله تقول

اقتل الصمت واطلق للكلام الخطام= تضمحل المشاكل مع وجود الحلول

[/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
(( يوم الخميس الجاى ليلة زواجى )) = آخر كلام ٍ دار... بيني وبينه

قال الصراحه .. مير طفا سراجي = وخلي الاماكن ... كلبوها حزينه

ديونه .. الضحكه ..وفلة حجاجى = ولحد ٍ مسددلى ..من الناس..دينه[/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بداية الحب .. شوق ..وغيره .. وحيره = ونهايته .. فأغلب احيانه ... بلا داعى [/poem]

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اورد بنات الفكر ...من هاجس الصدر = ولاينثنى حيلي ..ولايقــصــر رشايه
لها منى التكريم .. والعذر .. والقدر = اودع الى راحت . وارحب وهى جايه
اهوجس ..واغنى ..وانتقى.. جزل ماندر = هوايه فقط ..ما هى وسيله ولا غايه
اعطف بكار القافيه.... لين ما تدر = واملابها .. البدره ..على كيف ..معنـــــــايه
اسند بها ... لامن غيري بها حـــــــدر = واقلد نحرهــا .. الجوخ .. والدرع .. والصايه
تجى في سما الاشعار .. فى صورة البدر = واذا طبت الميدان .. شامت لها الرايه
ولانى من اهل.. الكذب .والحسد ..والغدر = وبا اموت ماغيرت .. طبعى .. ومبدايه
وعسا دم حساد البشر فالبشر... هدر = عباد ٍ على أعراض المقفين ...حكـــــــايه
اذا اجتمعو الرديان ... والشاهى مخدر = عزف كل واحد ..فالمقفي.... على نايه
اقوله .. وراس ٍ تزعله.. يضرب الجدر = وسيف القصيد ليا زعل ... أصدق روايه
وحسودى على دربي .. يبي يشرب الكدر = لانى بحر ماياصل اقصاي ...وادنايه[/poem]

[poem=font="Traditional Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فتنة الحفل غارت من بهاك الزهور = كل زهره جميله من حلاك ..ذبلت
يوم جيتى وعم الصمت كل الحضور = كل غيره بقلب الحاضرين .. شعلت
كنك البدر ضي ..وكنك الشمس نور = والمحاسن تروّت منك لين .. ثملت
في تواضع حضورك مات كل الغرور= والستاير على كل البنات ..نزلت [/poem]

[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وراك يالناعم المغرور = دايم تكسر مجاديفي
اجيك كلى وله وشعور=يقهر قلوب المواليفي
وارجع وانا خاطرى مكسور= لوكان ماهو على كيفي
لاجيت ابكشف لك المستور= تضحك على اسلوبي الريفي[/poem]