على سبيل ..... الشعور
السلام عليكم ورحمة الله وبركاته
الشكر كل الشكر لكل من تفضل بمروره من هنا ... [poem=font="Simplified Arabic,4,black,bold,normal" bkcolor="transparent" bkimage="" border="none,4,darkblue" type=1 line=0 align=center use=ex num="0,black""] من صيف ما امحلك التعب ليه هالصيف = كل عام ياوجه الوفاء وانت طيّب خذ صوتي وبالي لحزنك مشاريف = هزها قبل ليل المواجع يشيّب ولاتلتفت ماعاد باقي مواليف = غابــــــوا وكل اللي بقى ياحبيّب جرحٍ يبي يبطي معك فالحشا ضيف = صعبه يغيب وصعب جداً يغيّب داريت خطرهم وماتت معاريف = وجت طعنته في خاطرك من قريّب [/poem] . . . |
مديت يوم القصيد بخيل = جرحٍ تسابق له اوراقي فعله بصدري سواة السيل = الله ولا منّة الساقي هذا لي اليوم سابع ليل = ماحول النور فـــ احداقي واللي بقى للعشم من حيل = شحت به العين عن ساقي وشبيت من ضيقتي لسهيل = نارٍ حطبها من اشواقي حتى يئس هالسهاد يخيل = للروح غيــــــمـــة وبراقي ووقفت مابين قال وقيل = وانا اطلب الله من اعماقي لازادوا اهل الملام الكيل = يقصر يديهم عن اخلاقي |
البارحه والشوق حمل وضيقة الخاطر متون = والليل درب من التعب والبعد واحساسه طويل مشيته وياسي خطاء والوجد والذكرى عيون= والحلم دمعٍ كل مامروا على باله يســـيل اشكي ولا يسمعني ألا حزن حالي والظنون = اسكت ولا اسمع غير من جرحي تناهيد الرحيل ومابين ضوح يجون في عيني وظلما مايجون = كن القلق في وجهي من وجيه خلق الله دخيل |
فهد بن خميس ,
والذي لا اله الا هو اني استمتعت بقراءة هذا المتصفح ووجدت فيه من الابداع الشئ الكثير والكثير سامحني على تطفلي ولكن كان لابد من ابداء الاعجاب ولك مني المتابعه المستمره بأذن الله تعالى اتمنى لك التوفيق في جميع حالاتك :) |
فالح المصعوك
الشكر يقف عاجزاً اما جميل حضورك ومتابعتك فخر لي وللشعر وفقك الله لما يحب ويرضى |
ياخوي والله ماقصرت مع جرحـــــه .... انشد مجاديـــــــف صبري وانشد يديني
حاولت هالناس مايدرون عن شرحه .... واسدلت صدري عليه وبان في عيني |
من الارشيف ..... وشلون ابنساك وانت تعيش في بالي !! وغــلاك عــن بـاقـي الازوال معمـيـنـي انشد همومـي الـى مـن صـرت بلحالـي من هو اللي طاريه من حزنـي يسلينـي حتى اني من الوله لـك قمـت مـن تالـي المحـك واسمعـك بيـن سهـادي وبيـنـي البارحه قمـت اسولـف بـك علـى حالـي ولا دريــت الا انـــا والـشــوق مالـيـنـي ابــوس رقـمــك واقـبــل راس جـوالــي واضحك على حالتي والدمع فـي عينـي |
قم وانفض هموم صدرك ياولد لاتهاب = قم لا تهاون لها وتطيح وانت بدوي من ياقف لكل ضيقه ويتحرى جواب = يضعف مع الوقت ماكنه من اول قـــــــوي سق راحتك للتعب بين الخطا والعتاب = انت اول علاج جرحك من يديـــــــك الكوي وان شفت حالك وحيد احساس خاو السحاب =لاصار مالك على البيدا بطبعك خوي |
. . . . شاعرك لـه يمكـن سنيـن ماعنـده جديـد غيـر ضيقـة خاطـره مـن زمانـه وقهـره لاشتكي شمس المواجـع وفكـر فالشديـد فاس حزنه ماتركلـه علـى البيـد شجـره غاب عقب احتار فـدروب همـه والاكيـد كـل دربٍ يحـضـن خـطـاه يجـفـاه آخــره ويوم صوتك قرب اللي على صمته بعيد ولاح لـه برقـك وعــزى سنيـنـه فـدهـره جيت عيد . . جيت عيد ...وهو اله كم سنه محتاج عيـد وجاك معطي كل مافات من حزن ظهـره |
يقول ( مارتن لوثر كنج)
في االنهاية نحن لانذكر كلام اعدائنا بل صمت اصدقائنا . . . . [justify] [/justify][justify][/justify][justify] يامارتن بين حكي وصمت .... اخذت ســــــــــاعه وانا افكّر سجيت فاللي تقول وقمت ... اتذكر الجـــــــرح واذكــّـــر صدقي ..بطعنة يدين الشمت .... والطيب باللي رحل منكّـــر واخذتني بعد مايممت .... بالي علـــــــى ضيقي مبكّر اعد كم لمتهم و انلمت .... وافتح لي ابــــــواب وأسكّر ورجعت من بعد ماسلمت ..... إن جت على وحدتي بذكّر كل التفاصيل حكي وصمت .... غصبٍ على الحزن لو ينكّر [/justify] - نسخه مع التحية للسيد : مارتن لوثر كنج |
جيتي وانا خاطـري لـك شـرح وشرعت صدري لك امسي به اشوف لـي فـي عيونـك فـرح كـم لـي وانـا ارجـي مكاتيـبـه والـيـا لمحـتـي بـدربـك جـــرح خـلـيـه قـبــل يـعــوي ذيــبــه وان قلتي ابغى لجرحك شـرح جـاوبـتــك الـطـيـبـه الـطـيـبـه |
من عرفتك كل ماتأمر عليّ اقول حاضر ..... واستطيع اللي تبيه من الغلا لو مااستطيعه قبل يغريك الجفا ياصاحبي بالله ناظر ..... في عيونٍ ماتشوف الا نت فـالدنيا الوسيعه ياحدود ابصارها ياشفها يااحلى المناظر ... ياموردها على نبع السهر وصـل وقطيعـه شف بعينك غيبتك وايامها حاضر بحاضر .... كيف ممكن تستبيح الدمع من قو الفجيعه |
حـزة الضيـق لا بـار الشـعـر والشـعـور==مـاتــلام الـحــروف ولا يـــلام الـلـســان والوجيه ان سلبــها الحزن حلم الصـدور==كــل هـــمٍ علـيـهـا لـــو تـنـاسـت يـبــان ولا انــا فــي غيـابــــك يالحبـيـب مـعـذور==لو ماحس لجروحـي عنـد غيـرك بأمـان شف مكان المــــوادع لو طرى لك حضور==رح وتلقـانـي بنـفـس الـزمـن والمـكـان |
ياصوت الضيقـه اللـي بـك تكـدر خطـر الساليـن فـداك الصمـت مـن ربكـة يديـة لحيـرة احـداقـه تـطـاول لاتـهـاب وفــلا جنحـانـك وحـلـق لـيــن تمنـاك الحنـاجـر والعـتـب تشـفـق لــك اوراقــه تبـيّـن للغـيـاب الـلـي حـرمـنـا هالسـنـيـن نـبـيـن وكـذب هيبـتـه واقـصـر يـديـه وضـيـق خنـاقـه كم النا نجحد اوجاعه ونسكت في رجا (بعدين ) كـم النـا نستطيـق الصبـر غصـب ومالنـا طـاقـه تـجـرد لاتلـقـي يــم مـافـات الــك بـــال وعـيــن والــك مـنـي خــويٍ يبتـسـم لاشــاف مـاضـاقـه لقى ماجاد به حظه مـن اجحـاف وجفـاف وبيـن ورغـم ماستحلقـت منـه الخسايـر شـح باخلاقـه |
طيب وهذا الزمان مقاشره = متعب وسمر الدروب تريّحه فـي ضيقته ماش صدر يخاشره = والدمع ضحكة ظنون تطيّحه علمه بعمره وهو فـــ العاشره = من قبل تدعى الصحاح صحيّحه |
صوتي من العام ماله صوت .... مدري من العام وحداني حاولت قبل الزمان يفووت ... لكن مكانــــــــــي تعداني مع كل ميلاد عيد يموت ..... حلمه قبل ترحل احزاني يالابسين السواد بشوت .... اخذوا من الهم من داني من دون خوف وندم وسكوت ... قبل التعب يجرح لساني دون الاماني فتات القوت... واصعب من الاول الثاني |
اول شي مرحبا مليار وثاني شي والله انك مبدع مبدع وبخيل بابداعك اسمح لي يابو خميس على التطفل |
عفاس تبقى يابو مرحبا
تو مانور المتصفح ممنون لك ولهذا الحضور :) |
طال الجفــــــا يالقصايد طال = والصمت موجــع ليا طوّل
ماعاد لي فيه راحــــــة بــال = ماني على خبرك من أول رهنت عمري مــع الترحــال = عليه مجــــــــبور ومعوّل إني وفي أســـــواء الأحوال = بروح .. والدمع ماحــــوّل لكن نبت فالظـــــنون ازوال = تأخذ من الــحزن وتــــأول ويومٍ غدى الظن راس المال = وهمي على روحي مخوّل تجمعت ضيق صدر وحــال = وكلٍ يبــــي يكبــــــر الأول |
[justify]
سامح الله جروحك ياخوي البعاد .....جيتك بخير لكن رحـــــــــــــت ماني بخير جيت ابي فيك لاحلامي ظلال وبراد.....وكان وصلك شموس وكان صوتك هجير ليتك (ا)تحس كيف اليا أ نحرمت الرقاد... وانت مالك ذنوب الا ان قلبــــــك كبـــير [/justify] |
تعوض الله في الاماني والاحلام .. وجه الحقيقه ياابيض القلب شاحب
الناس مشغوله ورى جمع الاوهام .. شف كيف صار الكون بالكذب راحب حاجتك ضاعت بين صدرك والايام.. والليل متكاثر عليك المراحب علم فؤادك يطفي الشمع وينام ... والله مايخلق له الصدق صاحب |
الغصن يابس والسماء مابها برق ... على ايش ترديد الغنا يا عصافير
والضحكه اللي ماتجي غير بالسرق .... تموت قبل ازفر وافك الازارير |
| جميع الأوقات بتوقيت GMT +3. الساعة الآن 03:42 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية