السفينة
السلام عليكم ورحمة الله وبركاته متواضعه للتواصل مرروها الله لا يهينكم صلو على النبي [poem=font="Traditional Arabic,6,green,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] ودك الرجال ينفع والدينه=لا كبر واحدهم وشوفه تردا كان وده دايمٍ ربي يعينه=تحت ما طاهم كما البزر يتقدا ومن قصر يمناه عن ذبح السمينة=جعله من الضيم يفطر ويتغدا الردي لو تنثر السمن بيمينه=فاللوازم ما يسر ولا يسدا علةٍ وسط النحر ومجربينه=فالرخاء صنديد والكل يتحدا ما تفرق بين بنت أمه وبينه=لا زهمته يرتخي مشيه وهدا والصميدع خابرين وذاخرينه=لا بدا اللازم تحزم واستعدا السنين عجاف والألسن رطينه=والقدر ما للبنادم عنه صدا العمر لو طال من طين وجبينه=تحت رمل القاع لو يتعب وكدا كود من قدم لآخرته ودينه=صالح الأعمال والخير استمدا كم من الحكام حول من عرينه=بأمر رب الكون جاهه غصب هدا دورة الأيام والأنفس حزينة=مستريح البال من ينزل وشدا كل خلق الله على ظهر السفينة=أبحرت ما بين جزر وبين مدا بث من الأخبار وأعلن يا جهينة=وإن عصاك البث لك عندي مردا ترسل الأيام شيٍ خابرينه=بين ضيق وبين هزل وبين جدا لاح وسط الرأس شيب ومبصرينه=والذلول مدربه والوقت عدا درهمت والليل بأطراف المدينة=موحشٍ وأحدٍ كسب وأخر تردا [/poem] وسلامتكم من كل شر والسموحه على التقصير |
مرحبا يا بدر
مرحبا بك وبالشعر الصادق زمان يا بدر عن قصائدك الهادفة والمخلصة في مواضيعها سلّم لي عليك يابو ناصر |
اقتباس:
عزالله انك شاعر جزل لك المتابعة |
بدر
موضوع هادف وجميل جداً كل الشكر على ابداعك به صح لسانك |
صح لسانك مليوووون والله والا يسدون
تحيتي |
جعله من الضيـم يفطـر ويتغـدا
وانت جعلك في الابداع تفطر وتغدا شهادتي في شاعريتك مجروحه يابو ناصر كل الود تركي |
بدر ناصر العجمي يستهويني هذا اللون كثيرا .. قصيدة جميلة جداً و قافية تشد الانتباه حقاً .. ابيات استمتع بقرائتها .. و دروس و نصائح نحتاج لان نصغي لها جيدا لعلنا مع الوقت نتعلم كيف نكون أفضل بدر ناصر العجمي قصيده هادفة و عذبة صح لسانك |
الله الله صح السانك يابو ناصر الموضوع طيب و القصيده ابداع سلمت ولاهنت |
اللهم صلي وسلم على نبينا وحبيبنا محمد
بدر ناصر العجمي الردي لو تنثـر السمـن بيمينـه فاللـوازم مـا يسـر ولا يسـدا ! صح لسانك وسلمت على هالابيات الجزله وجعلنا واياك من البارين بوالديهم وكتب لنا اجر البر بهم . سلمت ولاهنت يالغالي :) |
اللهم صليّ وسلم على رسول ا لله
وعليكم السلام يا بوناصر ومرحبا مدد ترسـل الأيـام شـيٍ خابريـنـه بين ضيق وبين هزل وبيـن جـدا هذا والله الكلام الثابت صح لسانك مدد وسلمت ، .. |
ما شاء الله
صح لسانك وجعل خيرك واجد |
بدر العجمي
صح لسانك مدد وااافي يابو ناصر تقديري اخوك |
السنين عجاف والألسـن رطينـه=والقدر مـا للبنـادم عنـه صـدا
العمر لو طال من طيـن وجبينـه=تحت رمل القاع لو يتعـب وكـدا كود مـن قـدم لآخرتـه ودينـه=صالح الأعمـال والخيـر استمـدا وفقنا الله وإياك لصالح الأعمال ورضاهـ وصح الله لسانك يالعجمي ولاهنت على هالشامخه تقديري للبوح الجزل’,, |
الله الله
صح لسانك واعتلا شانك ابيات رائعه بروعة حضورك لا خلا ولا عدم تحيتي ومتابعتي |
[poem=font="Simplified Arabic,5,red,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ودك الرجـال ينـفـع والديـنـه = لا كبـر واحدهـم وشوفـه تـردا كـان وده دايـمٍ ربـي يعيـنـه = تحت ما طاهم كمـا البـزر يتقـدا [/poem] بدر بدر بدر أنت بدر دائم للشعر الجزل لاهنت أحترامي ومتابعتي |
اللهم صلي وسلم على محمد وآله وصحبه وسلم
بدر لسانك ماينلجم ويمينك ماتنشل تحياتي لك |
درهمت والليل بأطـراف المدينـة
موحشٍ وأحدٍ كسب وأخـر تـردا بدر ناصر العجمي صح لسانك .. صح لسانك ولا هنت يا مبدع تحيااااااااتي .. |
محمد السالم
ابقاك الله يا محمد ويا هلا فيك يا الغالي كل التقدير لمرورك |
مخايل
صح الله ابدنش ولا هنتي على المرور والاطراء كل التقدير |
عسى خاطرٍ غنى بها مايضيق
:) وهذا القصيد اللي منه ثمره ، صح اللسانك ملالالايين يابدر ، وبيض الله وجهك واعجابي ومتابعتي تشرفّني حيل :) تحيتي يا بطل ، |
مهل الرويضي
صح الله ابدنك ولا هنت على المرور |
اللهم صل على محمد وعلى آله وصحبه أجمعين
شاعر مبدع لله درّك صح لسانك مدد تقديري |
| جميع الأوقات بتوقيت GMT +3. الساعة الآن 05:08 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية