الـفـكر المـعكــر...!
 

[align=center]

بسم الله الرحمن الرحيم
السلام عليكم ورحمة الله وبركاته
صبــاح ومساء الخيـــر....
بويتــاتٍ تعبيـــريه دون المستوى ...وانا طالبكم تفكون لها الدرب بس, وتخلووونها تعــدّي[/align]

[poem=font="times new roman,7,black,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
يا سقيم الذات والفكر المعكّر= مسمع العالم من (امباباك) فكّه
لا تحاول تفتح الباب المسكّر=ما انت باللي يفتح الباب ويصكّه
مظهرك معروف لو انك تنكّر=ولو تنكر ما لحقني فيك شكّه
احترفت الخبث في سنٍ مبكّر=لين صار يثير في داخلك حكّه
يا ضعيف العقل لو انك تفكّر=كان جالك منهجٍ واضح وسكّه
لكن الظاهر بأن مخك مهكّر=من جهازٍ تبخص اسلوبه ونكّه
والا انا احمد اِلآهي وآتشكّر=ما اعاني من متاعب او مضكّه
أعرف ان الشاي (مر ا/بدون) سكّر=خص لامن صرت جالس جوف دكّه
والنجاح احيان يآتي بالتمكّر=والرسوب يقود للفوز ومحكه
لعبة الايام نسيان وتذكّر=وان بغيت ا/تعيش حكي الناس ذكّه [/poem]

يامرحبا ياعبدالمجيد
1

الله الله

ابدعت يا عبدالمجيد بتطويع القاف والتمكن بالمعنى

صح الله السانك ولا هنت وسجل المتابعه يا مبدع

بانتظار الجديد

2 يابو هايف

ويامرحبا بالشعر

عليكم السلام ورحمة الله وبركاته

مرحبا ومسهلا يا عبدالمجيد


أكرّ .. إكّه ياحلو هالوقفه الصعبه والقصيده الجميله


صح لسانك مدد وسلمت ،،

..

أعـرف ان الشـاي بايـخ دون سـكّـر
خص لامن صرت جالس جوف دكّه



عبدالمجيد هايف


انت مبدع.. و هذا البيت رغم بساطته الا انه يحسب لك
لصورته و فكرته الجديده... قمه في الإبداع لله درك


سجل اعجابي ثم محبتي ثم تقديري ثم احترامي ثم سلامو عليكم



اخوكم

ابو هايف

تمكن واضح الله لا يضرك

صح لسانك مدد

تقديري

لا تـحـاول تـفـتـح الـبــاب المـسـكّـر
ما انـت باللـي يفتـح البـاب ويصكّـه


ابو هــايف عـز الله انــك مبـدع .

بس تبا العلــم !


سجل متابعـه دائمــه .

دمت كما تحـب .

لـعـبــة الايــــام نـسـيــان وتــذكّـــر
وان بغيت ا/تعيش حكي الناس ذكّـه

ياسلام

صح لسانك
صح لسانك

حضور رااائع وكله حكمه

لاهنت

احترااامي

و
ج
د

لا تـحـاول تـفـتـح الـبــاب المـسـكّـر

........ ما انـت باللـي يفتـح البـاب ويصكّـه



الله الله الله


كفو ياعبدالمجيد والله أنك صادق


الدعاوي راحت لغير أهلها


بيض الله وجهك


تحياتي

الله الله الله

ابو هايف

صح لساااااانك اي والله

مبدع مبدع مبدع

اعجاااابي

هنا قنبله موقوته كفانا الله شر القنابل ..


جعلنا مانجي في نحاك يامجرم ..


وصح لساانك ملايين .

قصيده غاضبه مواهبيه صح

والبيت هذا على ذمة شفق :)

أعرف ان الشاي (مر ا/بدون) سكّـر
خص لامن صرت جالس جوف دكّه

صح لسانك ولاهنت يابطل

اخوك

لـعـبــة الايــــام نـسـيــان وتــذكّـــر
وان بغيت ا/تعيش حكي الناس ذكّـه


الله


صح لسانك بلا عدد.. احكمت حبكتها اخي



تقديري ..