المعد/ ناصر النفيعي.
 

انا يااصحابنا مبطي ماخذت علوم ابن علوش
ويازين العلوم اليا اجتمع روقي وبرقاوي
/
/
ياليت الهرج ياناصر على بعض العرب بقروش
واقول الك الكلام اللي يقوله بعدنا الراوي

يا مرحبا ومسهلا يا بوصالح
ومنوّر المرقاب كله


منازلة كبيره وجديده

كنت اسال ناصر النفيعي تحت المجهر عن مواجهاتكم معتقدا انكما تقاعدتما :)

الا ان هذا الطاروق يؤكد حيوية ساحة الميدان بينكما

لا تدورون مسكة صف وانتم بعارين كبار

بتابع من بعيد واستمتع ،،


..

الله يبقيك ويديمك والنور ووجودك النور يادكتور.

وصدقنى لااعلم عن فقرة تحت المجهر انها مع ناصر لكن فرصه يكون تحت الحصار هنا وهناك.

ممنون لك اخي الوجيه/ سداح

لا عدمتك انت وناصر

وعلى فكرة يا بوصالح تراك مطالب بشدّه ان تكون تحت ذات المجهر
علشان نقدر نحاصرك كلنا مرّه وحده


..

مرحبتين ومسهلا بدكتورنا العزيز / ســـداح..... شرفتني بحضورك الكبير وكلامك الاخوي الطيّب ، فالحقيقة عاجز عن شكرك والاوفياء امثالك الذين يغمروني بوفائهم ومحبتهم ... عموما مرحبابك هيل عدد السيل وحياالله شاعرنا الكبير مطر الروقي ... الذي ولاشك ان محاورته مفخرة ومكسب كزمالته وصداقته .....

الله الله

الله

استلم يابو صالح


علومي يالعتيبي كنها نقش الصفاء المنقوش
اسيّر من بلاد اليا بلاد ٍ ذيبها عاوي

علوم الدار ستر اوخار ديمة ضافية ورشوش
ماتفرح راعي الذود الجهام اوتطرب الشاوي !!

يا سلام يا سلام :)


[gdwl]يعلم الله اني سعيد بتواجد هذين الاسمين في منتدى الفنون [/gdwl]


مطر الروقي × ناصر النفيعي

محاوره كبار متابع للاستمتاع والاستفاده في المقام الاكبر




على القوه يا شعار

بهذا الابداع تنتعش الفنون ويضاف لها محاورة بطعم خاص


مرحبا يامطر تراحيب المطر وغيابك مؤثر لما نكنه لك من اعجاب وتقدير

ولتمكنك من الجزاله التي نتعلم منها في حضورك :)

والصف مع شاعري المفضل من غير نقصٍ فيك

ناصر النفيعي كني أشوف الرجال يقول لسداح انك محاصر تحت المجهر وهنا ؟

لذا لا تخلي عنه شي وارق سنود ياناصر

اهلا بك اخي النبيل/ ابو بدر واستلم لاهنت.

سلمت ودمت ياناصر قبل لانبتدى فى الهوش
على سمن وسمين اقلط وطيبك عندى الجاوي
/
/
عسى الاولى تدوم اما الاخيره قل لراع البوش
يبا يبطي وهو عن علته ماحصل مداوي

استاذي / سداح وافي لاعدمناك وانت تامر وتمون.

خالد السيحاني/ اهلا بك وانت كبير بحضورك ومقدارك لاهنت.

نواف نايف/ هلا وغلا ولاعليك زود ويكفي تواجدك..وسعداء بك.

تسجيل حضور ومتابعة للاستفادة

من شعراء لهم ثقلهم ووزنهم

الله يجمعهم على العز والطاعة


تحياتي

كديميس السيحانى/ هلا بك اخي الكريم وحضورك تشريف لنا لاهنت.

تعلمنا وعلمنا وخاطبنا عرب وحبوش
ضربنا بالقناء فالتركمان وحد هنداوي

احد يصرف ذهب صافي واحد يصرف ذهب مغشوش
ولا تقدر تعارض يامطر فهواية الهاوي

درس مجاني لهواة شعر المحاوره ..

رموز ادب واسماء رجال وشعراء نفتخر بهم في كل مكان وزمان ..


اخوكم .

على هونك على هونك ترى حنا نقود جيوش
ولكن مادخل فى جيشنا هندى وبرماوي
/
/
ياكثر اللي يظن الدرب بالديباج له مفروش
وهو فى ذمتى جاهل وهو فى ذمتى غاوي

غلاب بن عايض/ هلا وغلا ولاعليك زود ..وكلامك وحضورك تشريف لنا لاعدمناك.

الاحبة / خالد السيحاني ، نواف نايف ، كديميس ، غلاب ، مرحبا ومسهلا بالجميع


واستلم يامطر


تشوف النجم بعيونك ولاتقدر تنوشه نوش
وش اتسوي ليا حوّل عليك من السماء هاوي !!


ليا منه زمى طقيت راسه طق بالشاكوش
يالين انه على البيداء يطيح ابليس متساوي

ياناصر حبكم مطحون والا حبكم مجروش
ماطاح من السماء للارض والسارح يجي ضاوي
/
/
يجيك اللي يتاحي للغنم واللي يحوش يحوش
ولا تدري بعلم الغيب والا ويش انا ناوي

ترى والله مانطمع براس الظبية المعروش
وهذي ماتبا فتوى ورأي الشيخ طنطاوي !

لو ان الناس روقة كلهم والا البلاد اجموش
زرعنا الورد والريحان في ساجر والارطاوي !!

قناعاتك تغير لو كلامك يالنفيعي خوش
فتاوى شيخنا ماهيب فتوى الشيخ قرضاوي
/
/
اخذ علمك من العاقل ولاتسمع من المربوش
ولا تربط علاقه بالفقير وجيبه الخاوي

الله الله الله

فعلاً عمالقه

متااابعين لمجريات اللقااااء المثير

لاهنتوا