إقلآع و وصول لـ نآصر منآحي
السلآم عليكم ورحمة الله وبركآته شاعر له حضور خآص .. إبدآعه لا يختلف عليه اثنآن .. يتميّز عن غيره بقوّة إحساسه .. قصآئده تجبرك على قرآئتها عدّة مرّآت .. أبيآته لهآ لون مختلف وعذوبه متنآهيه .. {{ إقلآآع .., رحت ابي وقفه من الصبر تنجيني قلت وين الصبر .؟ قال الندم ذقها من كثر ما طاحو اشخاص من عيني الظنون السود رزّت بيارقها خايف يدور الزمن وانصدم فيني النفوس احياناً تخون واثقها من يجاملني وهو ما يدانيني مثل من يهدي هديّه ويسرقها انت . بسمة فرح في عين محروم جا يبيها وقال الوقت . جبها وانتظرك بعيونه وانشد النوم كم ليله على الذكرى غصبها خلّ كلّ الكلام وعاتب ولوم جرح الاحباب يبرا من عتبها واترك الدمعه اللي سالت اليوم تهجر العين وتودع هدبها دروب الحبّ ظلما والوفا نبراس وحظوظ الناس تجعل مايصير .؟ يصير وانا حظي شجر واحداث عمري فاس ويدين الوقت ما ملّت من التكسير من أول كنت [ انا لك يا بريق الماس ] قبل لا اميّز انّك تعشق التغيير عقب ماهب من برد الغدر نسناس من اغصان الغلا والشوق طار الطير لو انّي في عيونك غير كلّ الناس شعرت انّي بعينك وبضميرك غير واذكريني .. كل ما جاتك من العالـم لحونـي عقب ما كنتي مـن لسانـي تعرفيـن الجديـده واذكريني .. كل ما احتجتي تخونيني .! وخوني في غيابي .. كل ذكـرى بيننـا كانـت سعيـده والا انا لا من ذكرتك .. ما ذكرت الا طعونـي فالزمـان اللـي تجمّعنـا بـه الله لا يعـيـده ما ربحت الا جفاك وما خسـرت الا جنونـي ولا بعد هذا سوى النسيـان و الفرقـا الاكيـده ما بقى وردة غلا .. ما تساهلهـا الذبـول ولا بقى لك من طيور اللقا والشوق .! طير لا تقول انّ الخطايا تعوّضهـا الحلـول .! قمت من حلم المحبّه .. وصافحت المصير عقب حطّمت امنياتي معك حسب الاصول ما بقى للشوق قيمـه ولا فاالحـب خيـر قال سامح .. لجل حبّي وحبّك قلت .. اقول المحبّه غير واللّي تسوّيـه انـت .. غيـر { وصوول .., الفراق اقسـى مـن الذلّـه علـى وجـه اليتيمـه للقلوب اللـي ليـا حبّـت .! مشاعرهـا نظرهـا سمّـح الله دربهـا وانـا النديـم الـلـي نديـمـه صوتها .. واجمل رسايلها .. والالحان .. وصورها الشآعر المبدع \ نآصر منآحي أدآم الله وجودك .. ودمت بهذآ الزخم الإبدآعي دمتم ودآم مرقآبنآ النّيــرهـ |
الله يا هالابداع المتكامل
ماشاء الله على بيوت ابو مناحي وماشاء الله على لمسات النيره رائع هالموضوع بكل تفاصيله يعلم الله صح لسان المبدع الكبير / ناصر مناحي وسلمتي يا النيره ، .. |
النيرهـ
نآصر منآحي احد المُبدعين بلآ شكّ وطبعاً روعة ذآئقتك الشعرية امر مفروغ منه ومستوى تصآميمك متطور وكل مرّه يكون فيه لمسة غير هالمرّه الإطآرآت مسويه جو فالبطآقآت:) يعطيك العآفية,, ودمتِ بهالجمآل,, كل الشكر! |
ابداع غير شكل
واختيار موفق جدا لاهنتِ ، |
شغل مرتب وتصاميم اكثر من جميله
وابو مناحي مبدع مبدع مبدع ولو فيه كلمه تعبر اكثر قلتها يعجبني كل مايكتب ومن افضل شعراء المرقاب والساحه ككل اتمنى له التوفيق النيره شكراً يامبدعه |
ياسلام يا النيره وتصميم ولا أروع
لــ شاعر مبدع وعذب ناصر مناحي يعطيك العافية |
.
. يا سلام يالنيره ، تصاميم رائعه ، وأبو مناحي مجمّلها وأشهد بالله أنه مبدع ، مبدع ، مبدع ، مبدع ، ، |
لله درك يالنيره
ودمتى مرقابيه متألقه وناصر مناحى اسم تخضع له الهامات احتراما وحبا لشعره فالابحار معه ذو رونق ومهما اتكلم عن ابو مناحى لن اوفيه حقه يشهد الله |
يعطيك العافيه يا النيرهـ ..!
وناصر مناحي .. شاعر مبدع الى ابعد احد يكتب بتفرد وشكل مختلف ..! لذا استحق الاعجاب والمتابعه .. وما يكتبه ناصر يساعد على جمال التصاميم .. وتصاميمك في كل موضوع اجمل من اللي قبله يعطيك الف عافيه |
انا اشهد انه يستاهل ابو مناحي
شاعر مبدع بكل ماتحمل الكلمه من معنى ,, النيره شكرا على هالتصاميم الرااائعه للرائع ناصر مناحي تقديري |
ناصر مناحي إبداع متواصل .. وتفوق مستمر النيرة جهود نيرة .. وتصاميم مميزة .. لا تعكس سوى صفاء سريرتك وحبك لهذا المنتدى واعضاؤه تقديري .. |
* * ســدّآح مرحبآبك وبحضورك المشرّف إشآدتك تسعدني وتشرّفني كل الشكر والتقدير لك |
الله واكبر على الابداع
ناصر مبدع واكمتل جمال ابياته بتصميمك الرائع شكرا لك ودمتي للمرقاب يالنيره !! .. |
|
-
تصاميم حلوه لـ شاعر عذب / شكرآ يا النيره دروب الحبّ ظلما والوفا نبراس وحظوظ الناس تجعل مايصير .؟ يصير وانا حظي شجر واحداث عمري فاس ويدين الوقت ما ملّت من التكسير يا سلام يابو مناحي إعجابي بالبنط العريض |
|
* * عفاس بن حرباش يامرحبا كل الشكر لإشادتك التي أسعدتنى وكل التقدير لوجودك |
* * مخآيل يامرحبآ كل التقدير لوجودك وكل الشكر لكلماتك التي أسعدتني |
|
محمد السليس يآمرحبآ كل التقدير لوجودك وكل الشكر لكلماتك التي أسعدتني |
|
|
| جميع الأوقات بتوقيت GMT +3. الساعة الآن 05:34 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية